Актуальныя навіны ў галіне правоў чалавека ў Беларусі.
Паведаміць пра затрыманне: @viasna_bot
Атрымаць кансультацыю і дапамогу: @ViasnaSOS
Сувязь з інфармацыйнай службай: @Viasnainfo
Юрыдычная служба: @zvarot96
Валанцёрская служба «Вясны»: @viasnahelp
Subscribers9.5K −10 24h
Reach per post (ERR)15.2%1.4K avg views
Posting14.1/daylast 18 minutes ago
Reactions per 1K views22.6🤬 ❤ 😢
🔎 Шукаем людзей, якія перасякаліся за кратамі з памерлым палітзняволеным Дзмітрыем Шлетгаўэрам
Дзмітрый Шлетгаўэр — грамадзянін Расійскай Федэрацыі.
9 кастрычніка 2024 года яго этапавалі ў магілёўскую калонію № 15. Першага лістапада стала вядома, што 11 кастрычніка Дзмітрыя знайшлі памерлым у калоніі. Дакладная прычына смерці невядомая.
Як паведамляла «Зеркало» са спасылкай на знаёмага сям'і Дзмітрыя, у пасведчанні аб смерці пазначаная «механічная асфіксія». Паводле крыніцы выдання, сям'я не верыць у самазабойства, бо Дзмітрый меў планы і збіраўся пісаць прашэнне аб памілаванні.
✍️ Калі вы перасякаліся з Дзмітрыем у калоніі, калі ласка, напішыце праваабаронцам на @Viasnainfo.
✊ Зварот да былых палітвязняў
Дапамажыце даведацца пра стан і месцазнаходжанне тых, хто застаўся за кратамі.
🔎 Праверыць актуальны спіс і статус зняволеных можна ў нашай табліцы палітвязняў 👉 https://prisoners.spring96.org/be/list?status[]=0&view=1
Нам важная любая інфармацыя: дзе зараз знаходзіцца чалавек, ці змяніўся яго статус альбо месца ўтрымання (этапаванне, ШІЗА, ПКТ), у якім ён псіхалагічным і фізічным стане і гэтак далей.
Рэжым робіць усё, каб утварыць вакол палітвязняў інфармацыйны вакуум і сцерці іх імёны з парадку дня. Менавіта ваша ўважлівасць і салідарнасць дапамагаюць прабіць гэтую сцяну маўчання. Дзякуючы вам сваякі даведваюцца праўду пра сваіх блізкіх, а свет бачыць рэальны стан рэчаў. Ваша дапамога — гэта рэальны шанец абараніць тых, хто пакуль не можа прамовіць за сябе сам.
📌 Даслаць даныя праваабаронцам бяспечна і ананімна можна на @Viasnainfo.
🗣 «Людзі не павінны забіваць людзей»: праваабаронцы распавялі пра смяротнае пакаранне на слуханнях Каардынацыйнай рады
Праваабаронцы "Вясны" Валянцін Стэфановіч і Андрэй Палуда выступілі на анлайн-слуханнях Каардынацыйнай рады, прысвечаных праблеме смяротнага пакарання. Эксперты прадставілі глыбокі аналіз сусветных тэндэнцый і беларускага заканадаўства, нагадалі пра незваротнасць судовых памылак, пашырэнне расстрэльных артыкулаў і татальную таямнічасць вакол выканання прысудаў.
«У свеце зараз назіраюцца дзве супярэчлівыя тэндэнцыі: доўгатэрмінова свет рухаецца да адмены смяротнага пакарання, але ў той невялікай групе краін, якія яго выкарыстоўваюць, колькасць пакаранняў смерцю рэзка вырасла. А ў такіх краінах, як Іран, смяротнае пакаранне прымяняецца ў тым ліку ў палітычных мэтах — для помсты і расправы над тымі, хто выступаў супраць рэжыму, і запалохвання грамадства», — падкрэсліў Валянцін Стэфановіч.
Публічнае абмеркаванне прайшло шостага кастрычніка 2026 года ў межах штогадовага Тыдня супраць смяротнага пакарання.
Паглядзець слуханні Каардынацыйнай Рады можна па спасылцы 👉 https://www.youtube.com/watch?v=har7yrZqRFY
🟨 «Напамін пра выкраслены час з майго жыцця». Былая палітзняволеная Таццяна Біруля — пра фота з калоніі
Салігарчанка Таццяна Біруля была затрымана ў 2021 годзе разам з мужам і асуджана па шэрагу пратэсных артыкулаў да шасці гадоў зняволення. У верасні 2024 года яе вызвалілі па памілаванні. Жанчына падзялілася фотаздымкам з калоніі са спраўкі аб вызваленні.
Паводле былой палітзняволенай, супрацоўнік калоніі рабіў гэта фота на "каранціне" каля сцяны.
«Я адчувала ў той момант, што гэта канец, і што ў гэтым месцы мне прыйдзецца правесці чатыры года», – узгадвае свае пачуцці Таццяна.
Жанчына кажа, што цяпер, ужо ў бяспецы, стараецца ўвогуле не думаць ні пра гэта фота, ні пра тое, праз што ёй прыйшлося прайсці ў сувязі з палітычным пераследам.
«Гэта фота — напамін пра выкраслены час з майго жыцця. Фота захоўваецца ў мяне толькі як дакумент, і ўсё».
📌 «Не разбураць ні муры, ні турмы». Гісторыя кахання і змагання сям'і палітвязняў Бірулёў
🗣 Універсальная юрысдыкцыя супраць беспакаранасці: Андрэа Хубер пра расследаванне злачынстваў у Беларусі
Кіраўніца Міжнароднай платформы для Беларусі па прыцягненні вінаватых да адказнасці (International Accountability Platform for Belarus) Андрэа Хубер выступіла на канферэнцыі АБСЕ ў Варшаве. Яна распавяла пра магчымасці ўніверсальнай юрысдыкцыі ў расследаванні міжнародных злачынстваў, звязаных з Беларуссю.
«У Беларусі не дзейнічаюць механізмы прыцягнення да адказнасці, бо сам рэжым здзяйсняе гэтыя злачынствы. [...] Таму ў Беларусі іх расследаваць не будуць, і таму ахвярам і пацярпелым даводзіцца спадзявацца на міжнароднае правасуддзе», — адзначыла экспертка.
Прыцягнуць вінаватых да адказнасці за міжнародныя злачынствы можна праз Міжнародны крымінальны суд (МКС) і механізм універсальнай юрысдыкцыі. МКС ужо пачаў расследаванне сітуацыі Літва/Беларусь, аднак яго магчымасці абмежаваныя.
Таму, паводле Андрэа Хубер, універсальная юрысдыкцыя можа дапоўніць працу МКС і стаць яшчэ адным механізмам для прыцягнення вінаватых да адказнасці.
Чытаць па спасылцы 👉 https://spring96.org/be/news/121372
🌿 Чытаць з Беларусі праз сайт-люстэрка
📹 Гісторыі смяротнага пакарання на беларускіх землях — ад часоў Вялікага Княства Літоўскага да сучаснасці
Праваабарончы цэнтр "Вясна" адказвае на складанае пытанне: як так здарылася, што на беларускіх землях існаваў найбольш прагрэсіўны прававы кодэкс у гісторыі, а пасля нашая краіна ператварылася ў апошні куток Еўропы, дзе чалавека забіваюць ад імя дзяржавы?
Глядзіце выпуск цалкам на YouTube-канале "Вясны" і дзяліцеся думкамі ў каментарах — вядома, калі гэта для вас бяспечна.
👉 https://www.youtube.com/watch?v=o7-ylhTU4GI&t=14s
❗️ Палітвязняў рыхтавалі да вызвалення, але перадумалі: гэта каментуюць праваабаронцы і псіхатэрапеўт
16 верасня больш за 10 палітвязняў у адной з беларускіх калоній падрыхтавалі да вызвалення, але ў выніку яны так і не выйшлі на волю.
Паводле інфармацыі, якую атрымалі праваабаронцы «Вясны», палітвязням паведамілі, што іх вызваляюць, падрыхтавалі дакументы, сабралі разам з рэчамі ў актавай зале і загадалі чакаць транспарт. Некаторыя мужчыны нават паспелі раздаць частку сваіх рэчаў іншым вязням.
Аднак пасля абеду ім паведамілі, што вызвалення не будзе, і вярнулі ў атрады. Прычыны такога рашэння не патлумачылі.
Паводле крыніцы, пасля гэтага псіхалагічны стан вязняў пагоршыўся, а некаторым спатрэбілася медыцынская дапамога.
Разам з праваабаронцамі і псіхатэрапеўтам разбіраемся, як такая сітуацыя можа паўплываць на псіхалагічны стан палітвязняў і іх блізкіх, а таксама ці можа яна разглядацца як жорсткае, бесчалавечнае або зневажальнае абыходжанне паводле міжнароднага права.
Чытаць па спасылцы 👉 https://spring96.org/be/news/121371
🌿 Чытаць з Беларусі праз сайт-люстэрка
❗️ У Беларусі прыведзены ў выкананне смяротны прысуд у адносінах да Аляксандра Таратуты
Жыхар Слуцка Аляксандр Таратута быў пакараны смерцю паводле прысуда Мінскага абласнога суда 19 кастрычніка 2023 года. Пра тое, што прысуд ужо быў прыведзены ў выкананне, праваабаронцам стала вядома толькі вясной 2026 года. Гэта адбылося 9 кастрычніка 2024 года.
Мужчыну расстралялі менш чым праз год пасля таго, як смяротны прысуд уступіў у сілу.
Пасля закрыцця СІЗА № 1 на вуліцы Валадарскага ў Мінску таксама няма афіцыйнай інфармацыі пра тое, дзе цяпер знаходзіцца месца, дзе ў Беларусі прыводзяць у выкананне смяротныя прысуды.
Чытаць па спасылцы 👉 https://dp.spring96.org/be/news/121360
⚖️ У Мінску пачнуць завочна судзіць заснавальнікаў Dissidentby
Суд Заводскага раёна Мінска выклікае на судовае пасяджэнне заснавальнікаў праваабарончай ініцыятывы Dissidentby Марыну і Вячаслава Касінеравых. Працэс адбудзецца 16 кастрычніка ў парадку спецыяльнай вытворчасці.
Ім ставяць у віну некалькі артыкулаў Крымінальнага кодэкса. Вячаславу Касінераву інкрымінуюць «стварэнне экстрэмісцкага фармавання альбо ўдзел у ім», «распальванне іншай сацыяльнай варожасці», «дыскрэдытацыю Рэспублікі Беларусь», «абразу Лукашэнкі», а таксама «садзейнічанне экстрэмісцкай дзейнасці».
Марые Касінеравай, акрамя гэтых абвінавачанняў, таксама ставяць у віну «паўторнае стварэнне экстрэмісцкага фармавання альбо кіраўніцтва ім».
Спецыяльная вытворчасць у дачыненні да Марыны і Вячаслава Касінеравых пачалася 28 жніўня 2026 года.
📄 Генпракурор: За паўтара года ў Беларусі разгледзелі больш за 2 тысячы «экстрэмісцкіх» спраў
Генеральны пракурор Беларусі Дзмітрый Гара заявіў, што колькасць «экстрэмісцкіх» злачынстваў у краіне паступова змяншаецца. Пра гэта ён сказаў сёння падчас сумеснага пасяджэння Палаты прадстаўнікоў і Савета Рэспублікі, паведамляе дзяржаўнае агенцтва «БелТА».
Пры гэтым за апошнія паўтара года, паводле слоў генпракурора, пракуроры падтрымалі дзяржаўнае абвінавачанне па больш чым 2 тысячах крымінальных спраў гэтай катэгорыі — у дачыненні да 2,5 тысячы чалавек.
Гара таксама заявіў, што праваахоўнікі прыцягваюць да адказнасці ўсіх, хто, паводле ўладаў, учыніў «экстрэмісцкія» і «тэрарыстычныя» злачынствы з 2020 года.
Асобна ён згадаў спецыяльную вытворчасць: з 2022 года ў суды накіравалі крымінальныя справы ў дачыненні да больш чым 150 чалавек, якія, паводле ўладаў, знаходзяцца за межамі Беларусі.
🔥 Каардынацыйная Рада абмеркавала смяротнае пакаранне ў Беларусі
6 кастрычніка прайшлі адкрытыя слуханні Каардынацыйнай Рады, прысвечаныя смяротнаму пакаранню ў Беларусі.
Да абмеркавання далучыліся эксперты кампаніі «Праваабаронцы супраць смяротнага пакарання ў Беларусі»:
▪️ Андрэй Палуда — каардынатар кампаніі;
▪️ Валянцін Стэфановіч — праваабаронца «Вясны», былы віцэ-прэзідэнт FIDH, эксперт кампаніі.
Правядзенне слуханняў дазволіла Каардынацыйнай Радзе далучыцца да міжнароднай дыскусіі пра смяротнае пакаранне, зрабіць беларускі досвед больш бачным і пачаць фармаванне ўласнай пазіцыі па гэтым пытанні на аснове прафесійнай экспертызы.
Паглядзець слуханні Каардынацыйнай Рады можна па спасылцы 👉 https://www.youtube.com/watch?v=har7yrZqRFY
⚠️ «Сігнал, што актыўнасць адсочваецца». Юрыстка «Вясны» — пра прызнанне старонак за мяжой «экстрэмісцкімі матэрыяламі»
Прызнанне старонак людзей, якія знаходзяцца за межамі Беларусі, «экстрэмісцкімі матэрыяламі» можа выглядаць менш сур’ёзнай мерай, чым крымінальныя справы, ператрусы ў родных ці ануляванне пашпартоў. Але, паводле юрысткі «Вясны» Святланы Галаўнёвай, гэта таксама форма ціску.
«Гэта відавочна сігнал і для самога чалавека, што яго актыўнасць адсочваецца, і для тых, хто застаецца ў Беларусі, што зносіны з гэтым чалавекам небяспечныя».
Яна адзначае, што нават адміністрацыйная справа паводле арт. 19.11 КаАП (распаўсюд, выраб, захоўванне або перавозку інфармацыйнай прадукцыі, звязанай з экстрэмісцкай дзейнасцю) можа стварыць праблемы для родных у Беларусі — прывесці да ператрусаў, апытанняў і іншых форм ціску.
Паводле юрысткі, значная частка такіх выпадкаў адносіцца да трансгранічнага пераследу, бо чалавек церпіць за сваю дзейнасць ужо па-за межамі Беларусі.
📌 «Яны застаюцца пад ціскам беларускіх улад»: сацсеткі былых палітвязняў прызнаюць "экстрэмісцкімі матэрыяламі"
🗣 Андрэй Палуда: «За забойства караюць, але дзяржава сама захоўвае манаполію на забойства»
За апошнія дзесяць гадоў у Беларусі вынеслі 24 смяротныя прысуды. Пра новыя прысуды, вынесеныя ў 2025 годзе і за перыяд 2026 года, праваабаронцам невядома. Пры гэтым атрымаць поўную інфармацыю пра прымяненне смяротнага пакарання ў Беларусі складана праз закрытасць гэтай тэмы і абмежаваны доступ да афіцыйных звестак.
«Смяротнае пакаранне не вырашае ніякіх праблем, у прыватнасці, звязаных з прафілактыкай. Калі б наяўнасць смяротнага пакарання была б стрымліваючым фактарам, то ніякіх злачынстваў не было б»
Пра гэта ў межах Тыдня супраць смяротнага пакарання "Польскаму Радыё" распавёў каардынатар кампаніі "Праваабаронцы супраць смяротнага пакарання ў Беларусі" Андрэй Палуда.
Чытаць па спасылцы 👉 https://dp.spring96.org/be/news/121361
📍 Смяротнае пакаранне: ад Беларусі да сусветнага правага павароту — сустрэча ў Варшаве
Сёння, 7 кастрычніка, а 19:00, у межах Тыдня супраць смяротнага пакарання ў варшаўскім бары Karma Crew адбудзецца адкрытая дыскусія пра смяротнае пакаранне ў Беларусі і свеце.
Пра гэта будуць гаварыць Андрэй Палуда, каардынатар кампаніі «Праваабаронцы супраць смяротнага пакарання ў Беларусі», і Валянцін Стэфановіч, праваабаронца «Вясны».
Падчас сустрэчы абмяркуюць:
• што сёння адбываецца са смяротным пакараннем у Беларусі і свеце;
• як у аўтарытарных рэжымах яно становіцца інструментам палітычнага ціску;
• як рост папулізму і правы паварот уплываюць на дыскусію вакол смяротнага пакарання;
• што адбываецца з сусветным рухам за яго адмену.
Пасля дыскусіі — адмысловы музычны сэт і мерч Тыдня супраць смяротнага пакарання.
З поўным спісам мерапрыемстваў можна азнаёміцца па спасылцы 👉 https://dp.spring96.org/be/news/121292
🔎 Шукаем людзей, якія перасякаліся за кратамі з памерлым палітзняволеным Дзмітрыем Шлетгаўэрам
Дзмітрый Шлетгаўэр — грамадзянін Расійскай Федэрацыі.
9 кастрычніка 2024 года яго этапавалі ў магілёўскую калонію № 15. Першага лістапада стала вядома, што 11 кастрычніка Дзмітрыя знайшлі памерлым у калоніі. Дакладная прычына смерці невядомая.
Як паведамляла «Зеркало» са спасылкай на знаёмага сям'і Дзмітрыя, у пасведчанні аб смерці пазначаная «механічная асфіксія». Паводле крыніцы выдання, сям'я не верыць у самазабойства, бо Дзмітрый меў планы і збіраўся пісаць прашэнне аб памілаванні.
✍️ Калі вы перасякаліся з Дзмітрыем у калоніі, калі ласка, напішыце праваабаронцам на @Viasnainfo.
🎉 Чатыры гады таму Алесь Бяляцкі атрымаў Нобелеўскую прэмію міру
7 кастрычніка 2022 году Нобелеўскі камітэт уганараваў прэміяй міру праваабаронцаў з трох краін: Беларусі, Украіны і Расіі. Узнагароду атрымалі беларус Алесь Бяляцкі, украінскі Цэнтр грамадзянскіх свабодаў і расійскі праваабарончы цэнтр «Мемарыял».
«Бяляцкі быў адным з ініцыятараў дэмакратычнага руху, які ўзнік у Беларусі ў сярэдзіне 1980-х гадоў. Ён прысвяціў усё сваё жыццё справе дэмакратыі і міру ў сваёй краіне. Бяляцкі ў 1996 годзе стварыў праваабарончую арганізацыю «Вясна», у адказ на сумнеўныя змены ў Канстытуцыю, якія далі беларускаму прэзідэнту дыктатарскія паўнамоцтвы», — заявіла прадстаўнік Нобелеўскага камітэта.
Алесь стаў чацвёртым чалавекам, які атрымаў Нобелеўскую прэмію міру, знаходзячыся ў турме або пад вартай.
edited
🔎 Шукаем людзей, якія перасякаліся за кратамі з памерлым палітзняволеным Дзмітрыем Шлетгаўэрам
Дзмітрый Шлетгаўэр — грамадзянін Расійскай Федэрацыі.
9 кастрычніка 2024 года яго этапавалі ў магілёўскую калонію № 15. Першага лістапада стала вядома, што 11 кастрычніка Дзмітрыя знайшлі памерлым у калоніі. Дакладная прычына смерці невядомая.
Як паведамляла «Зеркало» са спасылкай на знаёмага сям'і Дзмітрыя, у пасведчанні аб смерці пазначаная «механічная асфіксія». Паводле крыніцы выдання, сям'я не верыць у самазабойства, бо Дзмітрый меў планы і збіраўся пісаць прашэнне аб памілаванні.
✍️ Калі вы перасякаліся з Дзмітрыем у калоніі, калі ласка, напішыце праваабаронцам на @Viasnainfo.
📝 Нагадваем кантакты Праваабарончага цэнтру «Вясна»
🔹Паведаміць пра затрыманне праз Telegram-бот @viasna_bot
🔹Атрымаць кансультацыю і дапамогу: @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.
📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring
❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org
⁉️️«Вясну» прызналі «экстрэмісцкім фармаваннем»: як цяпер супрацоўнічаць з намі?
🎙 «Смяротнае пакаранне — гэта не толькі момант расстрэлу». Леанід Судаленка — пра трэцюю прычыну супраць смяротнага пакарання
Да Тыдня супраць смяротнага пакарання праваабаронца «Вясны» Леанід Судаленка распавядае пра 10 прычын, чаму смяротнае пакаранне ў Беларусі павінна быць адменена.
Прычына № 3 — чаканне расстрэлу
Чалавек ведае, што яго заб'юць, але не ведае калі: заўтра, праз тыдзень ці праз месяц.
«Смяротнае пакаранне — гэта не толькі момант расстрэлу, гэта яшчэ і чаканне смерці. Кожную раніцу чалавек не ведае, ці не стане гэты дзень апошнім. Чаканне смерці само становіцца часткай пакарання.», — кажа Леанід.
📌 «Яны застаюцца пад ціскам беларускіх улад»: сацсеткі былых палітвязняў прызнаюць "экстрэмісцкімі матэрыяламі"
Беларускія ўлады працягваюць пераследаваць людзей і пасля іх вызвалення з месцаў зняволення. Адзін з такіх спосабаў — прызнанне іх старонак і іншых рэсурсаў у сацыяльных сетках "экстрэмісцкімі матэрыяламі".
З чэрвеня па верасень 2026 года стала вядома як мінімум пра 13 такіх выпадкаў у дачыненні да былых палітвязняў.
Юрыстка праваабарончага цэнтра "Вясна" Святлана Галаўнёва адзначае, што такія меры могуць прынесці шмат турбот родным і блізкім, якія застаюцца ў Беларусі, нават калі сам чалавек ужо пакінуў краіну.
"Вясна" распавядае, чые старонкі і рэсурсы трапілі ў Рэспубліканскі спіс "экстрэмісцкіх матэрыялаў"за апошнія чатыры месяцы і як працягваецца пераслед людзей пасля вызвалення.
Чытаць па спасылцы 👉 https://spring96.org/be/news/121358
🌿 Чытаць з Беларусі праз сайт-люстэрка