Навіны Беларусі. Аналітыка. Інтэрв'ю
Сайт: https://pozirk.online
▪️YouTube: http://bit.ly/40t8H9a
▪️Facebook: https://bit.ly/3TSLGdf
Сувязь з рэдакцыяй: @pozirkeditor
Subscribers2.7K +0 24h · +0 7d
Reach per post (ERR)11.8%322 avg views
Posting25.0/daylast 43 minutes ago
Reactions per 1K views10.0👍 👎 ❤
edited
Пасля скарачэння пераліку тавараў, цэны на якія рэгулююца, паскорыўся рост інфляцыі ў непрадуктовым сегменце — ЕАБР
У Беларусі паскарэнне росту цэн фіксуецца да 3,2% у жніўні (у гадавым вымярэнні) пасля 2,9% месяцам раней, гаворыцца ў штотыднёвым макрааглядзе Еўразійскага банка развіцця.
Эксперты звярнулі ўвагу на тое, што гэта "адбываецца пасля скарачэння пераліку тавараў, якія падпадаюць пад цэнавае рэгуляванне". Тым не менш, ЕАБР чакае, што па выніках года інфляцыя захаваецца "ніжэй за гранічны параметр Нацыянальнага банка".
☝️Раней паведамлялася, што спажывецкія цэны ў жніўні 2026 года знізіліся на 0,1%. Прадукты харчавання за месяц патаннелі на 0,8%, непрадуктавыя — падаражэлі на 0,5%, паслугі — на 0,3%.
✅ Падрабязнасці 🗝 Без VPN
📷 Ілюстрацыйнае фота: Аляксандр Кулеўскі / sb.by
На трохдзённых вучэннях тэрытарыяльных войскаў двух раёнаў Мінскай вобласці адпрацуюць барацьбу з дыверсантамі
Зборы тэрытарыяльных войскаў Чэрвеньскага і Бярэзінскага раёнаў Мінскай вобласці завершацца трохдзённымі камандна-штабнымі вучэннямі (14–16 верасня), вынікае з паведамлення прэс-службы Міністэрства абароны.
“Асаблівая ўвага будзе нададзеная ўзаемадзеянню тэрытарыяльных войскаў з органамі ўнутраных спраў, падраздзяленнямі ўнутраных войскаў, а таксама атрадамі народнага апалчэння падчас аховы важных аб’ектаў, забеспячэння ваеннага становішча і барацьбы з дыверсійнымі групамі”, — адзначыла ведамства.
Зборы тэрытарыяльных войскаў у згаданых раёнах Мінскай вобласці пачаліся 25 жніўня; у Ваўкавыскім раёне Гродзенскай вобласці — 26 жніўня; у Гомелі, Светлагорскім і Акцябрскім раёнах Гомельскай вобласці, а таксама ў Заводскім раёне Мінска — 1 верасня.
✅ Падрабязнасці 🗝 Без VPN
📷 Удзельнікі збораў тэрытарыяльных войскаў у Барысаве. Архіўнае фота: "Мінская праўда"
edited
☀️ Добрай раніцы! Сёння, 14 верасня, беларусаў чакаюць наступныя падзеі:
▪️ Квіз "Шуфлядка" ў Варшаве (CHILLIN, ul. Świętokrzyska 18, 19:00)
▪️ Анлайн-сустрэча з Настай Лойка (Zoom, 19:00)
▪️ Сустрэча з Настай Кудасавай у Мюнхене (Parse Taste&Thought | The Book Store (Schwanthalerstr., 137, 19:00)
▪️ Спектакль "Чорная панна Нясвіжа" (Брэсцкі акадэмічны тэатр, вул. Леніна, 21, 20:00)
edited
🌙 Галоўныя навіны 7 — 13 верасня:
🥷 З 2020 года ў Беларусі ліквідавана не менш за 2.072 НКА
⚰️ Следчы камітэт пацвердзіў смерць удзельніка Мінскага паўмарафону
✊ Анджэй Пачобут вярнуўся ў Беларусь
📃 Літва выступае за ўзмацненне санкцый супраць Беларусі
🥷 Мінтранс абавязаў перавозчыкаў перадаваць сілавікам звесткі аб пасажырах, якія выязджаюць за мяжу
🤝 Бяляцкі і Коўл сустрэліся ў Вашынгтоне
🇺🇳 Генасамблея ААН разгледзіць сітуацыю з правамі чалавека ў Беларусі
✅ Каардынацыйная рада абрала новага сакратара, а таксама сакратара сваёй дэлегацыі ў ПАСЕ
📣 Большая частка мерапрыемстваў па праверцы арміі Беларусі каардынуецца з Масквой
📷 Зборная Беларусі заваявала бронзавыя медалі на чэмпіянаце Еўропы па футболе сярод журналістаў. "Позірк".
Рыжанкоў зрабіў акцэнт на санкцыях, выступаючы на саміце БРІКС у Нью-Дэлі
Арганізацыя БРІКС “імкліва становіцца адным з найбольш аўтарытэтных інстытутаў сусветнай большасці і глабальнай аб’яднаўчай сілай, якая актыўна фарміруе справядлівы светапарадак”, заявіў міністр замежных спраў Беларусі Максім Рыжанкоў, выступаючы 13 верасня ў Нью-Дэлі на саміце БРІКС.
Як адзначае прэс-служба МЗС, Рыжанкоў узяў слова на адкрытым пасяджэнні саміту на тэму “Устойлівасць, інавацыі, супрацоўніцтва і доўгатэрміновае развіццё: фарміруючы будучыню для інклюзіўнага глабальнага росту”.
Развіццё арганізацыі, паводле слоў кіраўніка знешнепалітычнага ведамства, “сустракае жорсткае супраціў”:
“Мы назіраем усё большы ціск на краіны БРІКС з боку тых, хто працягвае імкнуцца да глабальнага дамінавання. Нас пастаянна спрабуюць запалохаць санкцыямі, эканамічнымі, гандлёвымі і фінансавымі абмежаваннямі, нелегітымнымі тарыфамі і іншымі мерамі прымусу”.
✅ Падрабязнасці 🗝 Без VPN
📷 МЗС
edited
У 56 раёнах Беларусі абмежавана наведванне лясоў
Пра гэта сведчыць карта Міністэрства лясной гаспадаркі.
Найбольш такіх раёнаў у Магілёўскай вобласці — 17; у Мінскай — 13, Гомельскай — 12, Гродзенскай — 9, Віцебскай — 3, Брэсцкай — 2.
Абмежаванні забараняюць заезд у лес на аўтамабілях і развядзенне вогнішчаў. Пры гэтым пешыя прагулкі, збор ягад і грыбоў дазволеныя.
У астатніх раёнах абмежаванняў на наведванне лясоў няма.
✅ Падрабязнасці 🗝 Без VPN
📷magnific.com
edited
У Літве абвяшчалі паветраную трывогу праз меркаваны БПЛА — аказалася, што прычынай стала чарада птушак
Нацыянальны цэнтр кіравання крызісамі Літвы (НЦКК) абвясціў 13 верасня “магчымую паветраную трывогу” (жоўты ўзровень небяспекі), паведамляе партал Delfi.
У паветранай прасторы Літвы, як адзначаецца, быў зафіксаваны меркавана дрон. Пра пагрозу былі аператыўна інфармаваныя жыхары Вільнюса, а таксама Вільнюскага, Тракайскага і Электрэнскага раёнаў.
У 13:37 Узброеныя сілы Літвы паведамілі, што “пагроза мінула”. Пры гэтым жыхароў прасілі “сачыць за далейшай інфармацыяй і намеціць найбліжэйшае сховішча, у якое можна пайсці ў выпадку паветранай трывогі”.
“Небяспекі няма, людзі могуць быць спакойныя. Па сутнасці, пагрозы больш няма”,
— заявіў LRT кіраўнік НЦКК Вілмантас Віткаўскас.
✅ Падрабязнасці 🗝 Без VPN
📷 pixabay.com
МНС ліквідавала задымленне ў бальніцы пад Мінскам
Аб гэтым паведамляе Міністэрства па надзвычайных сітуацыях.
Паводле звестак ведамства, задымленне адбылося ў падвале шасціпавярховага будынка хірургічнага корпуса медустановы ў аграгарадку Лясны.
“Работнікі МНС абследавалі будынак хірургічнага корпуса і ўстанавілі, што здарылася кароткае замыканне столевага свяцільніка без наступнага гарэння”,
— гаворыцца ў паведамленні.
✅ Падрабязнасці 🗝 Без VPN
📷 МНС
Мінулай ноччу ў Літву заляцеў неапазнаны аб’ект — меркавана з Беларусі
“Неапазнаны лятаючы аб’ект” зафіксаваны мінулай ноччу ў паветранай прасторы Літвы, паведамляе партал Delfi.
Адзначаецца, што радары літоўскіх вайскоўцаў зафіксавалі аб’ект у 4:05 у раёне горада Варэна, у 4:25 ён пакінуў тэрыторыю Літвы, заляцеўшы ў Калінінградскую вобласць (РФ).
“Верагодна, ён трапіў на тэрыторыю Літвы з Беларусі”,
— гаворыцца ў паведамленні.
✅ Падрабязнасці 🗝 Без VPN
📷evroflag.by
edited
👆"Аналітыка ад Позірку". Лукашэнка падрыхтаваў для амерыканцаў дзве прынады — калій і ядзерныя матэрыялы.
Напярэдадні прыезду ў Беларусь спецпасланніка Дональда Трампа Джона Коўла Лукашэнка абмаляваў некалькі тэм, па якіх Мінск гатовы таргавацца з Вашынгтонам.
Першая — беларускі калій. Лукашэнка заявіў, што Беларусь ужо грузіць партыю ўгнаенняў для ЗША. Амерыканцы сапраўды зацікаўленыя ў дыверсіфікацыі паставак: цяпер каля 85% імпартнага калію ў ЗША прыпадае на Канаду.
Другая — ядзерныя матэрыялы. Лукашэнка заявіў, што Мінск гатовы супрацоўнічаць з Вашынгтонам у сферы ядзернай бяспекі. Верагодна, гаворка ідзе пра запасы высокаўзбагачанага ўрану, якія засталіся ў Беларусі яшчэ з савецкіх часоў.
Наколькі гэтыя прапановы могуць зацікавіць Трампа і што Беларусь можа атрымаць узамен, аналізуе палітычны аглядальнік "Позірку" Аляксандр Класкоўскі
🗝 Без VPN
#аналітыка_позірку
edited
Нецвярозы кіроўца маршруткі затрыманы ў Гомелі
Аб гэтым паведамляе УУС мясцовага аблвыканкама.
Адзначаецца, што 49-гадовы кіроўца затрыманы “дзякуючы пільнасці грамадзян”, ён кіраваў мікрааўтобусам маршруту Брагін — Гомель.
У момант прыпынення маршруткі супрацоўнікамі ДАІ пасажыраў у салоне не было.
“Кіроўца патлумачыў, што ўжыў алкаголь пасля іх высадкі і вырашыў перагнаць аўтамабіль. Аднак асведчанне паказала ўтрыманне больш за 0,8 праміле этылавага спірту ў выдыханым паветры”,
— гаворыцца ў паведамленні.
Мужчына аштрафаваны на 200 базавых велічынь (9.000 рублёў) і пазбаўлены вадзіцельскіх правоў на пяць гадоў.
✅ Падрабязнасці 🗝 Без VPN
📷 УУС Гомельскага аблвыканкама / стоп-кадр: "Позірк"
Іна Дабратвор абраная сакратаром дэлегацыі КР у Кангрэсе мясцовых і рэгіянальных уладаў Савета Еўропы
Іна Дабратвор абраная сакратаром дэлегацыі Каардынацыйнай рады (КР) у Кангрэс мясцовых і рэгіянальных уладаў Савета Еўропы.
“Яна будзе забяспечваць арганізацыйнае і дакументальнае суправаджэнне працы дэлегацыі, а таксама каардынацыю яе ўзаемадзеяння з сакратарыятам кангрэса”,
— паведаміў у сувязі з гэтым КР.
У КР папярэдняга склікання Дабратвор уваходзіла ў фракцыю “Каманда Латушкі і рух “За Свабоду”.
✅ Падрабязнасці 🗝 Без VPN
📷 скрыншот "Позірк", Беларускі дэмакратычны форум
Фільм Андрэя Куцілы “Лісты” пра рэпрэсіі ў Беларусі адзначаны прэміяй на Венецыянскім міжнародным фестывалі
Беларускі фільм “Лісты” (англійская версія Letters from the Silenced Country) стаў адным з лаўрэатаў 83-га Венецыянскага міжнароднага фестывалю.
Як паведамляецца на сайце фестывалю, фільм удастоены прэміі The Impact Golden Globes Prize for Documentary (узнагарода “Залатога глобуса” за ўплыў у дакументальным кіно).
На Венецыянскім фестывалі прэмія ўручаецца ў якасці незалежнага прыза. Ёй адзначаюцца карціны, якія валодаюць высокім мастацкім узроўнем і пры гэтым падымаюць вострыя сацыяльныя праблемы.
Фестываль праходзіў 2–12 верасня.
✅ Падрабязнасці 🗝 Без VPN
📷 старонка Андрэя Куцілы ў "Фэйсбуку"
Арганізатары медыцынскага кангрэсу ў Вроцлаве знялі чырвона-зялёны сцяг пасля пратэстаў мясцовых беларусаў
Арганізатары XIII Кангрэса медыцынскай Палоніі, які адбыўся ў Вроцлаве (Польшча) з 10 па 12 верасня, прыбралі афіцыйны беларускі чырвона-зялёны сцяг пасля пратэстаў мясцовай беларускай супольнасці.
Пра сцяг на будынку кангрэс-цэнтра паведаміла кіраўнік фонду “Спадчына” Анастасія Сасыкбаева. Яна адзначыла, што гэтая сімволіка для яе
“пра рэжым, рэпрэсіі, турмы і страх, пра тых, хто адабраў у беларусаў і беларусак права выбіраць сваю ўладу, гаварыць сваім голасам і жыць свабодна”. “А мая Беларусь — бел-чырвона-белая. Пра годнасць. Пра свабоду. Пра людзей, якія не здаліся”,
— дадала яна.
“Прыемна ведаць, што тут законы працуюць і мы можам намагацца, каб гэтай “кзшнай анучы” больш у нас не было. Хацелася б, каб не толькі ў Вроцлаве, але і па ўсёй Польшчы, і ў самой Беларусі ў першую чаргу”,
— заявіла “Позірку” актывістка.
✅ Падрабязнасці 🗝 Без VPN
📷 фэйсбук-акаўнт Анастасіі Сасыкбаевай
edited
За шэсць дзён колькасць вакансій для замежных работнікаў у Беларусі вырасла амаль на 5%.
На 13 верасня 2026 года на партале Дзяржаўнай службы занятасці адкрыта 15 420 вакансій для замежных грамадзян.
Для параўнання: 7 верасня іх было 14 715. Такім чынам, за шэсць дзён колькасць вакансій павялічылася на 705, або на 4,8%.
✅ Падрабязнасці 🗝 Без VPN
📷 trans.info
edited
У Мёрах патанула жанчына — ехала на ровары праз раку і ўпала з моста
Пра утапленне ў Мёрах (Віцебская вобласць) жанчыны 1955 года нараджэння паведамляе Рэспубліканскае таварыства ратавання на водах (ТРВОД).
Адзначаецца, што 12 верасня каля 16:30 яна ехала на ровары па мосце праз раку Мёрыца, аднак “не справілася з кіраваннем і ўпала ў ваду”.
Паводле папярэдніх звестак, загінулая была нецвярозай.
✅ Падрабязнасці 🗝 Без VPN
📷 ТРВОД
edited
☀️ Добрай раніцы! Сёння, 13 верасня, беларусаў чакаюць наступныя падзеі:
▪️ Ідрак Мірзалізадэ ў Гданьску (Pub 107, Ogarna 107, 19:00)
▪️ Сустрэча "Мова. Школа. Жыццё ў Літве" ў Вільнюсе (Кропка, Savičiaus g. 6, 18:00)
▪️ Беларускамоўная экскурсія па кулінарнай Варшаве (Музей POLIN, ul. Anielewicza 6, 12:00)
▪️ Канцэрт "Шэдэўры нямецкага барока" ў Мінску (касцёл св. Францішка Асізскага, вул. Авіяцыйная, 4, Новая Баравая, 14:00)
▪️ Свята "І ў клёцак ёсць душа" пад Шаркаўшчынай (аг. Радзюкі, Дом культуры, 14:00)
▪️ Свята беларускай кухні ў Навагрудку (14:00)
▪️ Анлайн-спектакль "Чароўны тэатр Ларысы Геніюш" (ютуб-канал Асацыяцыі беларусаў Амерыкі, 15:00)
▪️ Падпольны вечар класічнай музыкі ў Варшаве (18+) (Boxing Club DYNAMO, ul. Sokołowska 9, 17:00)
🤍❤️🤍 А ў нас сёння беларускамоўная нядзеля!
edited
🌙 Галоўныя навіны 12 верасня:
📃 Каардынацыйная рада стварае камісію для ўдзелу ў выпрацоўцы пазіцыі дэмсіл і грамадзянскай супольнасці
🧨 Жыхар Беларусі падазраваны ў няўдалым нападзе на самалёт у аэрапорце Лейпцыг-Гале, можа быць звязаны з дыверсіяй у Лодзі
📣 Большая частка мерапрыемстваў па праверцы арміі Беларусі каардынуецца з Масквой — прэс-сакратар Пуціна
❗️У рамках праверкі 51-я артылерыйская брыгада прыводзіцца ў найвышэйшыя ступені баявой гатоўнасці
🏘 У 2027 годзе Мінск плануе распачаць будаўніцтва аграгарадка ў Карабаху
📷 Беларускі музей горада Лаймен y Вільнюсе
Крыніца: t.me/belarusrazam_info
edited
У 2027 годзе Мінск плануе распачаць будаўніцтва аграгарадка ў Карабаху, заявіў амбасадар Беларусі ў Азербайджане Дзмітрый Піневіч
“Мы завершым у 2027 годзе праектаванне аграгарадка разам з некаторымі аграпрамысловымі комплексамі. І калі ўсё будзе добра, то ў 2027 годзе плануем там пачынаць сумеснае будаўніцтва”
— сказаў былы міністр аховы здароўя Піневіч, дадаўшы, што ў тым жа годзе плануецца размясціць у Агдаме сумесную вытворчасць ліфтаў.
У кастрычніку 2024 года міністры сельскай гаспадаркі Азербайджана і Беларусі падпісалі дарожную карту па развіцці вытворчасці сельскагаспадарчай прадукцыі ў Агдамскім раёне.
☝️Большая частка Агдамскага раёна — тэрыторыі, якую Баку лічыў сваёй, а ААН разглядала як частку Азербайджана, — у 1993–2020 гадах знаходзілася пад кіраваннем непрызнанай Нагорна-Карабахскай Рэспублікі (НКР).
✅ Падрабязнасці 🗝 Без VPN
📷 report.az
Грамадзянін Беларусі спрабаваў увезці з Польшчы аўтамабіль без выплаты пошліны — яму пагражае штраф, магчымая крымінальная справа
Паводле інфармацыі прэс-службы Дзяржаўнага мытнага камітэта, 47-гадовы грамадзянін Беларусі ўвозіў аўтамабіль “Сеат Альгамбра” праз пункт пропуску Брэст (з польскага боку — Цярэспаль).
Падчас агляду мытнікі высветлілі, што металічная пласціна з VIN-нумарам пад капотам была замацаваная незаводскім спосабам, — гаворыцца ў паведамленні. — Экспертыза пацвердзіла, што маркіроўка відазмененая шляхам выдалення часткі панэлі кузава з арыгінальнымі знакамі і яе замены самаробным фрагментам”.
У дачыненні да беларускага грамадзяніна распачаты адміністрацыйны працэс паводле ч. 2 арт. 15.1 КаАП (перамяшчэнне тавараў, што трапляюць пад мытнае дэклараванне, з утойваннем ад мытнага кантролю, з наданнем адным таварам выгляду іншых тавараў).
✅ Падрабязнасці 🗝 Без VPN
📷 Прэс-служба ДМК