Позірк. Навіны пра Беларусь

@pozirkonline · news · Belarusian · active

Навіны Беларусі. Аналітыка. Інтэрв'ю Сайт: https://pozirk.online ▪️YouTube: http://bit.ly/40t8H9a ▪️Facebook: https://bit.ly/3TSLGdf Сувязь з рэдакцыяй: @pozirkeditor

Subscribers 2.7K Subscribers, last 30 days: 2.7K → 2.7K +0 24h · +0 7d
Reach per post (ERR) 11.8%322 avg views
Posting 25.0/day last 2 hours ago
Reactions per 1K views 10.0 👍 👎 ❤
  1. edited

    Міграцыйны ціск на Літву стаў наймацнейшым за апошнія чатыры месяцы 1.509 спробаў пранікнення мігрантаў з тэрыторыі Беларусі зафіксавалі за чатыры тыдні жніўня суседнія краіны Еўрасаюза, сведчыць праведзены “Позіркам“ аналіз аператыўных звестак іх памежных службаў. 80,6% спробаў прыйшлося на Латвію (1.216), 15,8% — на Літву (239), 3,6% — на Польшчу (54). 29 жніўня Служба аховы дзяржаўнай мяжы Літвы (САДМ) адсправаздачылася аб 8 спробах пераходу, Дзяржаўная памежная служба Латвіі — аб 97. Даныя па Польшчы за гэты дзень будуць апублікаваныя 31 жніўня. Міграцыйны ціск на Літву ў жніўні стаў найбольш моцным за апошнія чатыры месяцы. За ўвесь ліпень САДМ паведаміла пра 163 спробы незаконнага пераходу (у 1,5 раза менш, чым за 29 дзён жніўня), за чэрвень — пра 94 (у 2,6 раза менш), за травень — пра 108 (у 2,3 раза менш). ✅ Падрабязнасці 🗝 Без VPN 📷 Служба аховы дзяржаўнай мяжы Літвы

  2. edited

    ☀️ Добрай раніцы! Сёння, 30 жніўня, беларусаў чакаюць наступныя падзеі: ▪️KaS у Мінску (15:00, Ратуша, пл. Свабоды, 2А) ▪️Урок роднай мовы з Галінай Пазняк у Варшаве (12:30, касцёл св. Аляксандра, pl. Trzech Krzyży 10/14) ▪️Ёга для вольных у Беластоку (12:00) ▪️Сустрэча з Уладзімірам Лісоўскім у Беластоку (14:00, хаб "Новая зямля", ul. Św. Rocha 5, lok. 32) ▪️Беларускамоўная экскурсія па малым гета ў Варшаве (14:00, музей POLIN, ul. Mordechaja Anielewicza 6) ▪️Канцэрт Яны Рэчкінай у Варшаве (15:00, касцёл св. Аляксандра, pl. Trzech Krzyży 10/14) ▪️Прэзентацыя аўдыёгіда "Сцежкамі Адамовіча" ў Гданьску (15:00, офіс БКТ "Хатка", ul. Miszewskiego 17/307, 4 паверх) ▪️"Літаратурная экспедыцыя" ў Мінску (15:00, Дзяржаўны музей гісторыі беларускай літаратуры, вул. М. Багдановіча, 13) 🤍❤️🤍 А ў нас сёння беларускамоўная нядзеля!

  3. edited

    🌜Галоўныя навіны 29 жніўня: ❗️НАУ прапанавала ЕС і Польшчы ўвесці санкцыі за прызнанне ў Беларусі "экстрэмісцкімі" шэрагу еўрапейскіх медыя 🕯 Ціханоўская: Мы ў даўгу перад загінулымі абаронцамі за будучыню, у якой Украіна пераможа, а Беларусь нарэшце будзе вольнай 🇬🇪 На фоне актывізацыі кантактаў паміж Мінскам і Тбілісі старшыня ПП НС Сергеенка сустрэнецца з амбасадарам Грузіі 🎛 РФ зацікаўленая ў беларускай мікраэлектроніцы — Лукашэнка запэўніў Пуціна: "Мы тут не застанемся голымі" ⛓️ Апалагет палітыкі Лукашэнкі дэпутат Шпакоўскі паўдзельнічае ў міжнароднай канферэнцыі на тэму правоў чалавека 📹 Мінск. Серабранка. Танцы на свежым паветры. Сасцеткі

  4. edited

    У жыхара Салігорскага раёна канфіскаваныя незарэгістраваныя стрэльбы і боепрыпасы Супрацоўнікі міліцыі канфіскавалі ў жыхара Салігорскага раёна стрэльбы ІЖ і ТОЗ, часткі іншых стрэльбаў і больш за 130 боепрыпасаў розных калібраў. Паводле яго слоў, частку ён знайшоў у паветцы памерлага бацькі, астатняе перадалі знаёмыя, якія знайшлі зброю пры разборцы старой гаспадарчай пабудовы. Уладальнік не здаў зброю праз мінулую судзімасць за браканьерства. Канфіскаваная зброя накіраваная на экспертызу. ☝️Падобны выпадак быў у ліпені ў Глыбоцкім раёне — там у жыхара знайшлі зброю памерлага бацькі і завялі крымінальную справу. ✅ Падрабязнасцi 🗝 Без VPN 📷 УУС Мінаблвыканкама

  5. edited

    РФ зацікаўленая ў беларускай мікраэлектроніцы — Лукашэнка запэўніў Пуціна: "Мы тут не застанемся голымі" Лукашэнка заявіў, што ўлады Расіі зацікаўленыя ў беларускай мікраэлектроніцы. Паводле яго слоў, тавараабарот паміж краінамі расце. "У тым, што мы разам будзем, супрацоўнічаючы, пераадольваць усялякія цяжкасці, — вы можаце нават у гэтым не сумнявацца, пра гэта ўжо казаў не адзін раз, сустракаючыся з прадстаўнікамі расійскага бізнесу, з кіраўніцтвам абласцей, рэгіёнаў. Таму ў нас такі сёння дзень будзе падвядзення некаторых вынікаў, а не прыняцця рашэнняў, я думаю" — заявіў Лукашэнка. Пуцін адзначыў станоўчую дынаміку: за мінулы год тавараабарот склаў амаль 52 млрд долараў, за паўгоддзе — рост 12,5%. Ён падкрэсліў важнасць захаваных у Беларусі савецкіх кампетэнцый у мікраэлектроніцы. ☝️Беларускія электронныя кампаненты выкарыстоўваюцца ў расійскім узбраенні, якім РФ наносіць удары па Украіне. ✅ Подрабязнасцi 🗝 Без VPN 📷 Прэс-служба прэзідэнта РФ

  6. З РФ у Беларусь увезеная партыя замежных тавараў без дакументаў — перавозчыку пагражае буйны штраф Гродзенскія мытнікі выявілі больш за 47 тыс. адзінак тавараў (адзенне, аўтазапчасткі, музычнае абсталяванне) коштам звыш 1 млн рублёў у грузавіку, які прыбыў з Расіі. Дакументаў на партыю не было. Супраць перавозчыка распачаты адміністрацыйны працэс, яму пагражае штраф да 50% кошту тавараў. ✅ Подрабязнасцi 🗝 Без VPN 📷 Прэс-служба ДМК

  7. НАУ прапанавала ЕС і Польшчы ўвесці санкцыі за прызнанне ў Беларусі "экстрэмісцкімі" шэрагу еўрапейскіх медыя Павел Латушка звярнуўся да Еўрапейскай службы знешніх дзеянняў і МЗС Польшчы з прапановай увесці "асіметрычныя санкцыі" супраць рэжыму Лукашэнкі ў сувязі з прызнаннем "экстрэмісцкімі" матэрыяламі польскага агенцтва PAP, тэлесеткі Euronews і праекта EUvsDisinfo. Латушка адзначыў, што гэтыя рашэнні ствараюць рызыку крымінальнага пераследу для карыстальнікаў у Беларусі і ЕС. НАУ прапанавала ўвесці санкцыі супраць БелТА і прапагандыстаў, суддзяў, якія выносяць рашэнні, і кіраўніцтва Мінінфарма. У адказе з Польшчы паведамілі, што матэрыялы накіраваныя на ацэнку для магчымага ўключэння ў нацыянальны санкцыйны спіс. ✅ Подрабязнасцi 🗝 Без VPN 📷 pixabay.com

  8. edited

    Вольна наведваць лясы можна менш чым у чвэрці раёнаў Беларусі Вольна наведваць лясы можна толькі ў 28 са 118 раёнаў (23,7%), паводле мапы Мінлясгаса. У Віцебскай вобласці такіх раёнаў 13 з 21 (61,9%), у Гродзенскай — 8 з 17 (47,1%), у Мінскай — 5 з 22 (22,7%), у Магілёўскай — 2 з 21 (9,5%). У Брэсцкай і Гомельскай абласцях свабоднага доступу няма. У абмежаваных раёнах забаронены ўезд на аўтамабілях і развядзенне вогнішчаў, але дазволены шпацыры, збор ягад і грыбоў. ✅ Подрабязнасцi 🗝 Без VPN 📷 "Позірк"

  9. edited

    Апалагет палітыкі Лукашэнкі дэпутат Шпакоўскі паўдзельнічае ў міжнароднай канферэнцыі на тэму правоў чалавека Тэма форуму ў Самаркандзе— "Аднаўленне правоў чалавека, справядлівасці і годнасці для ўсіх". У праграме — сесіі пра правы моладзі падчас канфліктаў, лічбавыя правы, клімат, эканоміку і палітычныя правы, але асобных панэляў пра рэпрэсіі або палітвязняў няма. ☝️41-гадовы Шпакоўскі — былы апазіцыянер, які перайшоў на праўладныя пазіцыі, працаваў у ЦВК, Савеце бяспекі, камісіі па змене Канстытуцыі, быў дарадцам-пасланнікам у Расіі. Ён адмаўляе рэпрэсіі ў Беларусі і выступае супраць амністыі палітвязняў. Знаходзіцца пад санкцыямі Польшчы і Украіны. Міжпарламенцкі саюз аб'ядноўвае 183 парламенты, у тым ліку беларускі. ✅ Подрабязнасцi 🗝 Без VPN 📷 Нацыянальны прэс-цэнтр / стоп-кадр: "Позірк"

  10. edited

    На фоне актывізацыі кантактаў паміж Мінскам і Тбілісі старшыня ПП НС Сергеенка сустрэнецца з амбасадарам Грузіі Старшыня Палаты прадстаўнікоў Ігар Сергеенка і амбасадар Грузіі Гіоргі Саганелідзэ сустрэнуцца 31 жніўня ў Мінску. Парадак дня не пазначаны. Апошнім часам назіраецца актывізацыя двухбаковых кантактаў: у жніўні абмяркоўваліся перспектывы супрацы ў медыцыне і эканоміцы, у чэрвені прайшоў бізнес-форум, у сакавіку намеснік прэм'ера Беларусі наведваў Тбілісі. Грузія з'яўляецца адной з асноўных краін для беларускіх эмігрантаў, але ўлады не задавальняюць іх хадайніцтвы аб прытулку і фактычна не супрацоўнічаюць з дэмакратычнымі сіламі Беларусі. У 2025 годзе Грузія зрабіла больш жорсткім міграцыйнае заканадаўства пасля пратэстаў. ✅ Подрабязнасцi 🗝 Без VPN 📷 Max Kukurudziak / unsplash.com

  11. edited

    Ціханоўская: Мы ў даўгу перад загінулымі абаронцамі за будучыню, у якой Украіна пераможа, а Беларусь нарэшце будзе вольнай "Мы ўшаноўваем усіх, хто аддаў сваё жыццё за свабоду Украіны, у тым ліку беларусаў, якія змагаліся і загінулі, абараняючы яе" — адзначыла беларускі дэмакратычны лідар Святлана Ціханоўская ў Дзень памяці загінулых абаронцаў Украіны, які адзначаецца 29 жніўня. Яна падкрэсліла, што мы ў даўгу перад імі за будучыню, дзе Украіна пераможа, а Беларусь стане вольнай. Дата 29 жніўня звязаная з трагедыяй пад Ілавайскам у 2014 годзе, калі расіяне расстралялі ўкраінскіх вайскоўцаў падчас выхаду з "зялёнага калідора". ☝️Паводле ўкраінскага МЗС, за Украіну загінула больш за 90 беларусаў, на баку Расіі — больш за 500. ✅ Подрабязнасцi 🗝 Без VPN 📷 David Tomaseti / unsplash.com

  12. У сувязі са смерцю караля Нарвегіі Лукашэнка выказаў спачуванні народу, Ціханоўская — таксама каралеўскай сям’і і ўраду Аляксандр Лукашэнка выказаў спачуванні народу Нарвегіі ў сувязі са смерцю караля Харальда V, які памёр 28 жніўня на 90-м годзе жыцця. Святлана Ціханоўская таксама выказала спачуванні каралеве Соне, каралеўскай сям’і, ураду і народу Нарвегіі. Яна неаднаразова наведвала Нарвегію, а ў сакавіку 2025 года была ўзнагароджана нарвежскай прэміяй за дэмакратыю і правы чалавека. Улады Нарвегіі не прызнаюць Лукашэнку легітымным прэзідэнтам і падтрымліваюць беларускі дэмакратычны рух, далучаючыся да санкцый ЕС. Новым каралём стаў сын Харальда V — Хокан VIII. ✅ Подрабязнасцi 🗝 Без VPN 📷 Oscar Daniel Rangel / unsplash.com

  13. edited

    Справа аб узброеным нападзе на пажылую пару ў Смалявіцкім раёне накіраваная ў суд Трое маладых людзей — двое 18-гадовых і адзін 17-гадовы — абвінавачваюцца ў замаху на злачынства, наўмысным прычыненні цяжкіх цялесных пашкоджанняў групай асобаў і збіцці пажылых людзей. 16 лютага яны праніклі ў дом 63-гадовага мужчыны і 65-гадовай жанчыны, каб за грошы (ім абяцалі 300 тыс. рублёў) зламаць ім рукі і ногі. Падчас нападу яны збілі таксама 67-гадовага брата гаспадара, фіксавалі ўсё на відэа. Ад расправы выратавала трывожная кнопка, якую паспеў націснуць гаспадар. Фігуранты — замежныя грамадзяне, знаходзяцца пад вартай. Паводле версіі следства, замоўцам мог быць сужыцель дачкі пацярпелых, які пагражаў ёй расправай над бацькамі. ✅ Падрабязнасці 🗝 Без VPN 📷 M ZHA / unsplash.com

  14. edited

    Жанчына загінула ў ДТЗ у Іўеўскім раёне, двое малалетніх дзяцей дастаўлены ў бальніцу 28 жніўня каля 13 гадзін на дарозе Р-48 каля вёскі Сямёнкі 45-гадовы кіроўца "Воі" на павароце выехаў на сустрэчную паласу і сутыкнуўся з "Нісанам" пад кіраваннем 36-гадовага мужчыны. У выніку аварыі 38-гадовая пасажырка "Нісана" загінула на месцы, яе дзеці 7 і 10 гадоў шпіталізаваныя. Таксама ў бальніцу дастаўлена пасажырка "Воі". УУС адзначыла, што ў "Нісане" было толькі адно дзіцячае крэсла, хоць перавозілі двух дзяцей да 12 гадоў. Гэта чарговае смяротнае ДТЗ за апошнія суткі: раніцай 28 жніўня загінуў кіроўца ў Мінску, а 27 жніўня ў Мінскай вобласці ў чатырох аварыях загінулі два чалавекі. ✅ Падрабязнасці 🗝 Без VPN 📷 УУС Гродзенскага аблвыканкама

  15. edited

    З-за паху гары не менш як на паўгадзіны быў перарваны рух цягнікоў на трэцяй лініі Мінскага метрапалітэна Увечары 28 жніўня рух на трэцяй (Зеленалужскай) лініі метро быў спынены з-за паху гары ў тэхнічным памяшканні канцавой станцыі "Слуцкі гасцінец". Перавозчык паведаміў пра гэта ў 22:16, на месца прыбылі супрацоўнікі МНС (9 машын). У 22:44 (час публікацыі ў тэлеграм-канале метрапалітэна) рух быў адноўлены на ўчастку ад "Юбілейнай плошчы" да "Немаршанскага сада". У 23:02 праца "Слуцкага гасцінца" была таксама адноўленая. Яе адкрылі менш за два гады таму — 30 снежня 2024 года. ✅ Подробности 🗝 Без VPN 📷 tuda-suda.by

  16. edited

    Пасля двухтыднёвага перапынку мігранты другія суткі спрабуюць пранікнуць на тэрыторыю ўсіх трох суседніх краін ЕС Другія суткі запар Латвія, Літва і Польшча фіксуюць спробы нелегальнага пераходу мяжы з Беларусі. 26 жніўня зафіксавана 25 спробаў, 27 жніўня — 68. Да гэтага два тыдні мігранты штурмавалі толькі адну або дзве мяжы. Літоўская пагранслужба паведаміла пра затрыманне грамадзяніна Пакістана і двух алжырцаў, якія праніклі ў ЕС праз латвійскую мяжу і спрабавалі дабрацца да Германіі. САДМ адзначае рост міграцыйнага ціску на Латвію — нягледзячы на карацейшую мяжу, спробаў там у 8 разоў больш, чым у Літвы. Таксама расце другасная міграцыя: за 7 месяцаў 2026 года зарэгістравана 1.836 выпадкаў (за ўвесь 2025-ы — 1.288). ✅ Падрабязнасці 🗝 Без VPN 📷 САДМ

  17. edited

    ☀️ Добрай раніцы! Сёння, 29 жніўня, беларусаў чакаюць наступныя падзеі: ▪️Саракавіны памяці Святланы Курс у Вільнюсе (праваслаўная капліца святога Лявонція Карповіча, Bokšto g. 4, 10:30) ▪️ Экскурсія па сутарэннях галоўнага варшаўскага касцёла Яна Хрысціцеля (Варшава, Сабор святога Яна Хрысціцеля, ul. Świętojańska 8, 13:00) ▪️ "Triangle" ў Мінску (музей-майстэрня Заіра Азгура, вул. Азгура, 8, 17:00) ▪️ Майстар-клас па роспісе шопераў у Заслаўі (Музей беларускай маляванкі, вул. Дачная, 13, 10:30). ▪️"Ноч кажаноў" у нацпарку "Прыпяцкі" (ля гатэля "Тураў") ▪️ Сустрэча з "ХуткаСмачна" ў Варшаве (Bukinistka, ul. Juliana Smulikowskiego 4C, 17:00) ▪️Фестываль памежнай культуры "HETA NASZA KULTURA" ў Кажанах (бераг ракі Нараў, каля касцёла ўзвышэння святога крыжа, Kożany, 15:00) ▪️Летні джаз у Гродне (бар "Бізу", пл. Савецкая, 2А, 20:00)

  18. 🌜Галоўныя навіны 28 жніўня: 🕯Беларускія ўлады не падоўжылі дазвол на далейшую службу чарговага польскага ксяндза ⏰ Пачобут не адмаўляецца ад намеру вярнуцца ў Беларусь, хоць "ніхто не дасць гарантый" яго бяспекі 🏆 Спецпрадстаўнік Трампа па Беларусі Коул удастоены асаблівага прыза расійскай прэміі імя Ганны Паліткоўскай 🔓Беларускія станкі пастаўлялі звязаным з ВПК расійскім прадпрыемствам 🇱🇹🇪🇪Прэм'еры Літвы і Эстоніі не бачаць падстаў змякчаць санкцыі супраць Беларусі 📷 Частковае месяцовае зацьменне ў Беларусі. Крыніца: Беларускі шкіпер

  19. edited

    Дело о вооруженном нападении на пожилую пару в феврале в Смолевичском районе направлено в суд. Об этом сообщает Генеральная прокуратура со ссылкой на службу информации прокуратуры Минской области. Двум 18-летним и одному 17-летнему иностранным гражданам инкриминированы ч. 1 ст. 14 (покушение на преступление), ч. 3 ст. 147 (причинение тяжких телесных повреждений, совершенное группой лиц), ч. 1 ст. 149 (умышленное причинение менее тяжкого телесного повреждения) Уголовного кодекса. Установлено, что 16 февраля 2026 года обвиняемые “по указанию неустановленных лиц“ приехали к месту жительства 63-летнего мужчины и 65-летней женщины. За материальное вознаграждение они должны были причинить пенсионерам супругам “повреждения в виде переломов рук и ног“. ✅ Подробности 🗝 Без VNP 📷 yandex.com

  20. Прэм'еры Літвы і Эстоніі не бачаць падстаў змякчаць санкцыі супраць Беларусі Прэм'ер-міністр Літвы Міндаўгас Сінкявічус і прэм'ер-міністр Эстоніі Крыстэн Міхал не бачаць падстаў мяняць стаўленне да беларускага рэжыму і змякчаць санкцыйную палітыку. На іх думку, паводзіны Мінска істотна не змяніліся. Пра гэта паведамляе LRT са спасылкай на ELTA. "Гаварыць пра тое, што паводзіны Беларусі нейкім істотным чынам змяніліся, я не бачу падстаў. Цяперашняя ацэнка не стварае падстаў для змены санкцыйнай палітыкі ў дачыненні да Беларусі", — заявіў Сінкявічус 27 жніўня на прэс-канферэнцыі з прэм'ер-міністрам Эстоніі ў Таліне. ✅ Падрабязнасці 🗝 Без VPN 📷 grani.lv

  21. Older posts