Белсат ✔

🐶 У Беларусі плануюць увесці абавязковы выгул сабак на павадку Павадок павінен быць дастаткова трывалым і такой даўжыні, каб гаспадар мог кантраляваць жывёлу. Адпускаць сабак без павадка і займацца іх дрэсіроўкай дазволяць толькі на спецыяльных пляцоўках. Такую норму прадугледжвае праект пастановы Савета міністраў.

🪖❗️«2025 год быў адным з самых крывавых з часоў Халоднай вайны, а колькасць актыўных узброеных канфліктаў была найбольшай з 1946 года» Свет даўно не ваяваў так шмат, як цяпер. Найбольш крывавая вайна працягваецца каля беларускіх межаў, але ўзброеныя канфлікты ахапілі і Афрыку, і Блізкі Усход, і Азію. Дзе сёння ідуць войны і колькі людзей у іх гіне – чытайце ў артыкуле «Белсату» цалкам па спасылцы ✅ Адкрыць спасылку ў Беларусі

▶Жывы эфір «Наш дзень» 🔻Што Лукашэнка насамрэч абмяркоўваў з Пуціным у Маскве на фоне перамоваў у Абу-Дабі. 🔻Што чакае АДКБ пасля фактычнага выхаду Арменіі. 🔻Чаму МУС Беларусі перастала публікаваць спісы «экстрэмістаў». 🔻 Як Беларусь вяртаецца ў вялікі спорт Далучайцеся да нашага эфіру ⤵️ https://www.youtube.com/live/aR_tETks5BQ

🇱🇻Латвійскі палкоўнік: улады Беларусі стварылі «фальшывую мяжу» для мігрантаў Паводле вайскоўца ў Беларусі стварылі дадатковы плот за 0,4-1 кіламетр ад сапраўднай мяжы з Латвіяй. Мігрантам кажуць, што за ім пачынаецца Еўразвяз, але насамрэч людзі трапляюць у буферную зону і ўжо не могуць вярнуцца назад. Пра гэта распавёў кіраўнік латвійскага Цэнтру кіравання крызісамі палкоўнік Арвіс Зіле ў інтэрв'ю польскай газеце Rzeczpospolita.

❗️Украіна адхіліла новую мірную прапанову Трампа па Данбасе ЗША прапанавалі тэрытарыяльны кампраміс, паводле якога Расея атрымала б поўны кантроль над Данбасам па цяперашняй лініі фронту. План меў на мэце разблакаваць мірныя перамовы, аднак Кіеў яго адхіліў. Пра гэта паведамляе The Telegraph са спасылкай на крыніцы, знаёмыя з перамовамі. Крыніца заявіла, што ўкраінская дэлегацыя ніколі не абмяркоўвала саступкі адносна акупаваных тэрыторый і не збіраецца прызнаваць іх расейскімі — ні фактычна, ні юрыдычна. Падчас перамоваў у Абу-Дабі Украіна, ЗША і Расея таксама дамовіліся пра маштабны абмен ваеннапалоннымі ў найбліжэйшы час. Паводле прэзідэнта Украіны Уладзіміра Зяленскага, абмяркоўваюцца варыянты абмену 1000 на 1000 або 1500 на 1500 чалавек.

💱 Курсы валютаў 11 лістапада Даляр працягнуў рост і яшчэ больш замацаваўся вышэй за псіхалагічную мяжу ў тры рублі. Еўра, наадварот, істотна патаннеў, а расейскі рубель нязначна падаражэў. #курсывалютаў

💥 Прусакі ў менскіх гандлёвых цэнтрах, пажар на хлебазаводзе ў Жлобіне і аварыя з маршруткай каля станцыі метро «Акадэмія навук» Лукашэнка дзякуе Пуціну за новае ўзбраенне, а Літва зноў паведамляе пра паветраную небяспеку праз аб’екты, падобныя да метэазондаў. 📺 Пра гэтыя ды іншыя падзеі серады, 11 лістапада — у нашым выданні навінаў

😳У Магілёве знайшлі каналізацыйны люк з гербам Мадрыду. Як ён туды патрапіў? Відэа з люкам, на якім напісана «Мэрыя Мадрыду. Каналізацыя», стала вірусным у іспанскіх сацсетках. Беларусы патлумачылі, што такія люкі маглі вырабляць у Беларусі на экспарт. Забракаваныя або лішнія пасля замовы вырабы маглі застацца ў краіне. Аднак пацверджання, што магілёўскі люк трапіў туды менавіта такім чынам, няма.

💊 На мяжы з Польшчай у беларуса знайшлі амфетамін Супраць мужчыны завялі дзве крымінальныя справы – за незаконны абарот наркотыкаў і іх правоз праз мяжу. Ён вяртаўся з Польшчы на аўтамабілі і схаваў амфетамін сярод асабістых рэчаў.

◾️ 33-гадовы беларус, што знік у Італіі, патануў Пра трагічны выніку пошукаў паведаміла ягоная маці ў Threads: «Да майго няўцешнага гора, інфармацыя, што мой сыночак патануў, пацвердзілася. Дзякуй усім, хто ўдзельнічаў у прасоўванні паста. Дзякуй, сыночак мой, што калісьці абраў мяне ў мамы і ўсе гады быў маім самым любімым і тым, хто любіць, шчырым, надзейным, разумелым і верным сябрам. Ты маё сэрца, мая душа, мой святло, маё ўсё! Як гэта перажыць і як далей жыць...» Цела мужчыны знайшлі ў моры яшчэ 19 верасня, але асобу змаглі пацвердзіць толькі пасля аналізу ДНК. Алдохін жыў у Вільні і працаваў інжынерам-электрыкам у IT-кампаніі.

🇱🇻 Латвія працягнула візавыя абмежаванні для беларусаў Абмежаванні на выдачу кароткатэрміновых шэнгенскіх візаў працягнуцца да канца 2027 года. Звяртацца па іх па-ранейшаму змогуць асобныя катэгорыі грамадзян: сваякі жыхароў Латвіі і ЕЗ, людзі з гуманітарнымі падставамі, перавозчыкі і дыпламаты. Доўгатэрміновыя нацыянальныя візы застаюцца даступнымі.

🇵🇱🇷🇺 ФСБ заявіла пра затрыманне двух мужчынаў у Калінінградскай вобласці, якіх падазраюць у шпіянажы на карысць Польшчы Паводле расейскіх спецслужбаў, яны збіралі інфармацыю пра вайскоўцаў і аб’екты Мінабароны РФ, а таксама пра сацыяльна-эканамічную сітуацыю ў рэгіёне. Таксама ФСБ вынесла папярэджанні яшчэ тром грамадзянам Расеі і сямі палякам за кантакты з польскімі спецслужбамі. Прадстаўнік польскага ўраду назваў заявы расейскіх спецслужбаў чарговай правакацыяй і дэзынфармацыяй.

✈️ «Белавія» абвясціла вялікі распродаж. Прапануе зніжкі да 50% Акцыя ахоплівае дзясяткі міжнародных кірункаў, а набыць квіткі можна толькі сёння. Падарожнічаць са зніжкай дазволена да 27 сакавіка 2027 года. Зніжкі дзейнічаюць на наўпроставыя рэгулярныя рэйсы з Менску ў Баку, Бангкок, Дэлі, Дубай, Ерэван, Калінінград, Маталу, Санью, Ташкент, Тбілісі, Туркменбашы, Урумчы, Алматы, Астану, Батумі, Екацярынбург, Кутаісі, Казань, Стамбул, Уфу, Маскву (таксама з Берасця і Гомля), Санкт-Пецярбург, а таксама ў зваротным кірунку.

🤢 Беларусы скардзяцца на яйкі з цвіллю птушкафабрыкі «Дзяржынская» Птушкафабрыка «Дзяржынская» прызнала тэхналагічны збой абсталявання, але не ўдакладніла, колькі такой прадукцыі магло трапіць у продаж. 🔗 Больш падрабязнасцяў – у артыкуле 📌 Адкрыць спасылку ў Беларусі

💥 У Літву з боку Беларусі заляцеў беспілотнік, які двойчы беспаспяхова спрабавалі збіць знішчальнікі NATO Дрон перасек мяжу каля Друскенікаў, ненадоўга заляцеў у Польшчу, а затым вярнуўся ў Літву і праляцеў праз некалькі рэгіёнаў у напрамку поўначы — піша LRT. Знішчальнікі не сталі атакаваць яго над Коўнам праз рызыку для жыхароў. Адна з выпушчаных ракет не трапіла ў цэль і самазнішчылася – яе абломкі знайшлі каля Біржая. Паводле літоўскіх уладаў, магчыма, гэта быў украінскі дрон, які збіўся з курсу падчас атакі на Расею.

🎲 З'явілася новая беларуская настольная гульня з выкарыстаннем альтэрнатыўнай версіі лацінкі Выдавецтва Gutenberg Publisher выпускае метафарычную гульню «Цмок». Калода складаецца з 84 карт, заснаваных на беларускіх прымаўках і фразеалагізмах. Яе распрацаваў Сяржук Сай разам з аднадумцамі. Гульня можа выкарыстоўвацца для індывідуальных разважанняў або размоў з іншымі людзьмі. Гэта хутчэй інструмент рэфлексіі, чым звычайная настольная гульня з пераможцамі і баламі. Для гульні стваральнікі распрацавалі альтэрнатыўную версію беларускай лацінкі – Латку. Паводле выдавецтва, гэта эксперымент з новымі формамі беларускай пісьмовасці, а не крытыка традыцыйнай лацінкі. Перадзамова ўжо адкрытая, пачатак продажаў запланаваны на 5 снежня.

🤦🏼 Лукашэнка выкарыстаў віншаванне з Днём незалежнасці Польшчы для палітычных папрокаў Значную частку віншавання дыктатар прысвяціў крытыцы польскай палітыкі. Лукашэнка раскрытыкаваў санкцыі і памежныя загароды, а таксама заклікаў аднавіць дыялог з Менскам: «Праз абмен забаронамі і санкцыямі, агароджы і сцены пераадолець гэтыя абставіны немагчыма. У нас розныя пазіцыі па шэрагу праблем — так было і будзе» — гаворыцца ў віншаванні. Таксама Лукашэнка заявіў, што «на крыўдзе суседа свайго шчасця не пабудуеш».

+1

❄️ Горадню накрыла снегам Гарадзенцы дзеляцца ў сацсетках зімовымі краявідамі, якія пабачылі сёння зранку за сваімі вокнамі.

◾️ У Лос-Анджэлесе аўтамабіль урэзаўся ў групу пешаходаў, загінулі тры чалавекі Яшчэ трое, у тым ліку кіроўца, атрымалі цяжкія траўмы і знаходзяцца ў крытычным стане. Здарэнне адбылося ў раёне Норт-Галівуд. Прычыны наезду высвятляюць.

Зяленскі: расейцы на перамовах перабольшылі плошчу акупаванай тэрыторыі Данбасу «На перамовах у Абу-Дабі расейская дэлегацыя заявіла, што «ужо акупавала палову Данбасу», якая насамрэч знаходзіцца пад нашым кантролем», – заявіў прэзідэнт Украіны. Уладзімір Зяленскі адзначыў, што пра гэта сур'ёзна казалі вайсковыя афіцэры і прадстаўнікі выведкі РФ. «Натуральна, ён [Пуцін] будзе расказваць амерыканцам, што яму патрэбны яшчэ адзін-два месяцы, каб цалкам акупаваць усход Украіны. Я таксама магу намаляваць яму мапу, на якой цалкам акупую Расею. Але ж гэта няпраўда». Паводле Зяленскага, амерыканскі бок пацвердзіў украінскую ацэнку сітуацыі на Данбасе.