Белсат ✔

@belsat · Belarusian · active

Белсат - першы незалежны беларускі тэлеканал. Працуем з 2007 году. Кантакт з Белсатам у ТГ толькі праз асабістыя паведамленні ў гэты канал. ↓ Важныя спасылкі ↓ 📲 cde34rfv.ovh taplink.cc/belsat

Subscribers 14.6K Subscribers, last 30 days: 14.6K → 14.6K +0 24h
Reach per post (ERR) 10.9%1.6K avg views
Posting 37.2/day last 13 minutes ago
Reactions per 1K views 14.7 ❤ 🤬 😢
  1. edited

    🇺🇸 Коўл: ЗША падтрымалі просьбу Лукашэнкі вярнуць «захраслыя» у банку грошы Раней Лукашэнка заяўляў, што ў амерыканскім Citibank «захраслі» каля $43–44 млн за беларускія калійныя ўгнаенні. Паводле Коўла, ЗША ўжо звярнуліся да банку з просьбай размарозіць сродкі і цяпер «выпрацоўваюць механізм таго, як гэта зрабіць».

  2. edited

    У час сустрэчы з Коўлам Лукашэнка адказаў, ці будуць працягвацца рэпрэсіі. Спойлер: будуць Дыктатар, як заўжды, адмовіў сам факт існавання палітычных рэпрэсіяў, спаслаўшыся на тое, што ў Беларусі нібыта няма палітычных крымінальных артыкулаў. Ён, сказаў што «калі нехта з грамадзянаў Беларусі парушыць законы, то мы абавязкова будзем дзейнічаць паводле закону». З гэтага можна зрабіць выснову, што зменаў у рэпрэсіўнай практыцы рэжыму чакаць не варта.

  3. edited

    🇵🇱Анджэй Пачобут вярнуўся ў Польшчу Пра вяртанне былога палітвязня пасля паездкі ў Беларусь паведаміла газета «Gazeta Wyborcza». Сёння ён перасек памежны пераход у Кузніцы (Брузгі). Падчас сваёй паездкі, якая доўжылася тыдзень, Пачобут наведаў Горадню, Ваўкавыск і іншыя мясціны, дзе сустракаўся з сябрамі, паплечнікамі і прадстаўнікамі Саюзу палякаў Беларусі.

  4. 🤯 Беларускі брэнд гатовы плаціць расейскім блогерам, а тыя «яшчэ і назву краіны каверкаюць» Пры гэтым яшчэ больш здзіўляе стаўленне да блогераў з самой Беларусі.

  5. edited

    👶 Беларускі з трайнятамі працягваюць флэшмоб: просяць дапамагчы з жытлом за «выкананне плану» па нараджальнасці На Гомельшчыне з'яўляюцца блокпасты і антыдронавыя сеткі, а тым часам Літва збіла беспілотнік, які заляцеў з Беларусі. Прапаганда нервова рэагуе на выдаленні сваіх каналаў з Youtube. Але галоўная інтрыга дня — перамовы пра вызваленне беларускіх палітвязняў. Колькі іх выпусцяць і што дыктатар запатрабуе за іх свабоду? 👀 Усё гэта і нават больш глядзіце ў кароткім выданні навінаў на Белсаце

  6. edited

    🤡 Памочнік Пуціна прыгразіў знішчыць Польшчу. Угадайце, за колькі дзён? Мікалай Патрушаў заявіў, што ў выпадку вайны Расеі з Польшчай, польская дзяржаўнасць «перастане існаваць за два-тры дні». Так Патрушаў адрэагаваў на заявы кіраўніка МЗС Польшчы Радослава Сікорскага пра ваенны патэнцыял Еўропы. Сікорскі сказаў, што еўрапейскія войскі NATO нават без удзелу ЗША маглі б знішчыць палову расейскіх НПЗ «хутчэй, чым гэта робіць Украіна». У адказ Патрушаў сказаў, што Расея нібыта ваюе супраць Украіны не ў поўную моц, а ў выпадку канфлікту з Польшчай задзейнічае ўвесь свой патэнцыял.

  7. edited

    🇺🇦 28-гадовую ўкраінку з Марыупалю асудзілі ў Менску за «экстрэмізм» Аксана Дзячук, якая нарадзілася ў Марыупалі, пасля пачатку вайны збегла ад акупацыі, а ў 2023 годзе пераехала ў Польшчу разам з хлопцам-беларусам. Напрыканцы 2025 года яна пісала пра праблемы са здароўем і працай і казала, што, магчыма, вернецца ў родны Марыупаль, які цяпер акупаваны Расеяй — паведамляе «Наша Ніва». У выніку Дзячук апынулася ў Беларусі, дзе яе затрымалі і асудзілі за «садзейнічанне экстрэмісцкай дзейнасці». Што менавіта стала прычынай справы, невядома. #Рэпрэсіі

  8. edited

    🔎 Разам з Коўлам у амерыканскай дэлегацыі на перамовы ў Менск прыехаў новы дыпламат Як высветлілі reform.nеws – гэта Крыстафер Паніка. Раней ён ужо працаваў у Менску: у 2010–2012 гадах быў супрацоўнікам амбасады ЗША. Таксама Паніка раней займаў пасаду намесніка дырэктара ўпраўлення разведвальных аперацый і нагляду Бюро выведкі і даследаванняў Дзярждэпартаменту ЗША. Ён замяніў Крыса Сміта, які летам пакінуў пасаду намесніка памочніка дзяржсакратара ЗША па Усходняй Еўропе. 📌 Падрабязней пра візіт — чытайце тут ✅ Адкрыць спасылку з Беларусі

  9. edited

    🇱🇹 Літва: Беларусь не паведаміла пра дрон, які заляцеў з яе боку Начны інцыдэнт у Літве пракаментаваў камандуючы ВПС Літвы Антанас Матуціс: Беларусь не перадавала ніякай інфармацыі пра дрон, які ляцеў у бок Літвы. Аб'ект быў выяўлены літоўскімі сродкамі назірання, пасля чаго яго візуальна пацвердзілі і знішчылі самалёты місіі паветранай паліцыі NATO Дрон быў збіты каля вёскі Праткунай у Кайшадорскім раёне. Паводле літоўскіх вайскоўцаў, ён мог быць абсталяваны выбухоўкай. Побач з месцам знішчэння знаходзіцца гідраакумуляцыйная электрастанцыя. Паходжанне беспілотніка пакуль высвятляецца. Беспілотнік знаходзіўся над тэрыторыяй Літвы каля паўгадзіны.

  10. edited

    🇺🇸 Спецпасланнік Трампа Джон Коўл ужо ў Менску Сёння ён мае правесці перамовы з дыктатарам наконт вызвалення часткі палітзняволеных. Па словах Коўла пры ягоным пасярэдніцтве ўжо былі вызваленыя каля 700-800 палітзняволеных, і ён мае намер давесці гэтую лічбу да 1000. Напярэдадні Коўл наведаў Вільню, дзе разам з кіраўніком літоўскага МЗС абмяркоўваў вызваленне беларускіх палітвязняў і праблему падземных хадоў, якімі мігранты з Беларусі трапляюць у Літву. Цяпер у Беларусі афіцыйна прызнаныя 902 палітвязні. 📌 Падрабязней пра візіт — чытайце тут ✅ Адкрыць спасылку з Беларусі

  11. 🏃Не ведаеце, што рабіць з рукамі падчас бегу? Пакуль уся ўвага звычайна дастаецца нагам, рукі здаюцца проста часткай цела, якая рухаецца разам з намі. Але для добрага бегу яны значна важнейшыя, чым можа здавацца. Як прымусіць рукі працаваць на вашу хуткасць, распавяла спартоўка Крысціна Ціманоўская. Паглядзіце! 💃🏼Даведацца больш можна ў нашай праграме «Раніца з Белсатам» на YouTube-канале «БЕЛСАТ LIFE».

  12. edited

    🤡 Мінінфармацыі «настойліва рэкамендуе» не глядзець беларусам Youtube праз выдаленне беларускай прапаганды Учора самы папулярны ў свеце відэахостынг выдаліў каналы СТВ, Першага нацыянальнага канала Беларускага радыё, Radio Kultura BY і «Радыё Сталіца». Мінінфарм назвала выдаленне гэтых каналаў «праявай цэнзуры па нацыянальнай прыкмеце» і «інфармацыйнай сегрэгацыяй» і заклікала беларусаў звярнуць увагу на «нацыянальныя» аналагі. 😁 Гэта ўжо не першы раз калі YouTube выдаляе каналы лукашэнкаўскай прапаганды. Так, гэтай вясною ўжо выдалялі каналы БелТА і ОНТ. А канал СТВ — нават двойчы.

  13. 🖤 «Ніколі раней не мог прайсці праз цэнтр і не пабачыць знаёмыя твары» Журналіст і былы палітвязень Анджэй Пачобут, які нядаўна вярнуўся дадому, апублікаваў кранальны допіс пра родны горад. «У Горадні найбольш не стае знаёмых, якіх сёння лягчэй сустрэць у Беластоку, Варшаве ці Вільні», – піша ён. Пачобут прызнаецца, што раней не мог прайсці праз цэнтр гораду і не сустрэць кагосьці са знаёмых. Цяпер жа гэта стала новай рэальнасцю. Адна з такіх сустрэч здзівіла нават саміх гарадзенцаў – суразмоўца паглядзеў на яго «нібы на НЛА».

  14. 🧐 Расейцы ўсё часцей шукаюць спосабы ўцячы ад мабілізацыі. А ці можа Беларусь стаць для іх бяспечным прытулкам? Антываенныя актывісты адказваюць адназначна: як транзітны маршрут – так, як месца для доўгага жыцця – наўрад ці. Прычына ў цесным супрацоўніцтве беларускіх і расейскіх сілавікоў, агульных базах вышуку і магчымасцях кантролю. 👉 Чытайце на сайце «Белсат» 🔗 Гэты лінк адкрыецца з Беларусі

  15. 😰 Падлетак выжыў пасля караблекрушэння ў Берынгавым моры ля берагоў Аляскі Каля двух содняў ён правёў на перакуленай лодцы, чакаючы дапамогі.

  16. 🤨 Пад Гомлем уздоўж дарог пачалі мантаваць антыдронавыя сеткі На ўездах у Гомель з боку Чарнігава і Зябраўкі заўважылі новыя блокпасты з бетоннымі блокамі, мяшкамі з пяском і антыдронавымі сеткамі над дарогай. Афіцыйна ўлады не тлумачылі з'яўленне гэтых абʼектаў. Аднак журналісты звязваюць іх з вераснёўскімі вучэннямі тэрытарыяльнай абароны, якія цяпер праходзяць на Гомельшчыне. Паводле «Флагштоку», да разгортвання такіх блокпастоў рыхтаваліся некалькі месяцаў, загадзя закупляючы неабходнае абсталяванне.

  17. edited

    🔴 Апоўначы ў Літву заляцеў беспілотнік, у краіне была абвешчана паветраная трывога Дрон быў збіты знішчальнікамі НАТО ў Ковенскім раёне, прыкладна за 90 кіламетраў ад мяжы з Беларуссю.

  18. ☕️ Вітаем, шаноўныя! Сабралі для вас найбольш цікавыя матэрыялы «Белсату», які вы маглі прапусціць: 🔸 «Квіток у адзін бок аказаўся зваротным» Чаму з Беларусі бягуць замежнікі, якія яе хвалілі. 🔸 Беларусы не палохаюць, Беларусь – так Што пра нас думаюць жыхары Латвіі. 🔸 «Ужо не рэпрэсіі, а тэрор» Чаму вызваленне палітвязняў не сведчыць пра «пацяпленне». #штопачытаць

  19. edited

    🇱🇹 Вынішчальнік NATO збіў дрон непадалёк ад Каўнаса Папярэдне, ён заляцеў з тэрыторыі Беларусі. Жыхары ўсходняй і цэнтральнай часткі Літвы атрымлівалі паведамленні пра паветраную небяспеку.

  20. edited

    🚫 YouTube выдаліў каналы СТВ, Першага нацыянальнага канала Беларускага радыё, Radio Kultura BY і «Радыё Сталіца» Увечары 14 верасня відэаплатформа YouTube выдаліла старонкі СТВ і шэрагу беларускіх дзяржаўных радыёстанцый, усе медыярэсурсы ўваходзяць у склад Нацыянальнай дзяржаўнай тэлерадыёкампаніі Рэспублікі Беларусь. Пра гэта паведаміў тэлеканал «Першы інфармацыйны». Канал СТВ быў забанены падчас прамой трансляцыі ток-шоу «По существу», прысвечанага «Дню народнага адзінства і пытанням гістарычнай праўды». У навіне пра блакіроўку на «Першым інфармацыйным» не хаваюць расчаравання: Пры гэтым на YouTube спакойна існуюць відэа з перапісваннем гісторыі і «ўрокамі» пра тое, як ненавідзець сваю краіну. Схема ўжо даўно адпрацаваная: спачатку перарываюць прамы эфір, а потым выдаляюць канал. І пры гэтым толькі разводзяць рукамі: нічога асабістага, гэта ўсё алгарытмы.

  21. Older posts