Вясна / Правы чалавека ў Беларусі

@viasna96 · Belarusian · active

Актуальныя навіны ў галіне правоў чалавека ў Беларусі. Паведаміць пра затрыманне: @viasna_bot Атрымаць кансультацыю і дапамогу: @ViasnaSOS Сувязь з інфармацыйнай службай: @Viasnainfo Юрыдычная служба: @zvarot96 Валанцёрская служба «Вясны»: @viasnahelp

Subscribers 9.5K Subscribers, last 30 days: 9.5K → 9.5K −10 24h
Reach per post (ERR) 15.2%1.4K avg views
Posting 14.2/day last 32 minutes ago
Reactions per 1K views 22.6 🤬 ❤ 😢
  1. edited

    ❗️У Беларусі яшчэ +12 новых палітвязняў Гэта Дзмітрый Рудакоў, Арцём Меркель, Анатоль Міндзіяраў, Максім Сяменчанка, Жанна Яскулд, Віталь Дзямідчык, Павел Бажко, Андрэй Аўсяннікаў, Ілля Галыгін, Віталь Галавач, Яўген Дзеруноў і Андрэй Ціўкоў. Хто гэтыя людзі і чаму праваабаронцы лічаць іх справы палітычна матываванымі 👉 https://spring96.org/be/news/121332 Спіс усіх палітвязняў Беларусі 👉 prisoners.spring96.org

  2. 📄 Lawtrend: у Беларусі працягваюцца ціск на грамадзянскую супольнасць і ліквідацыя НКА У верасні 2026 года ўлады працягвалі пераслед прадстаўнікоў арганізацый грамадзянскай супольнасці, прызнанне іх рэсурсаў "экстрэмісцкімі матэрыяламі" і прымусовую ліквідацыю НКА. Пра гэта гаворыцца ў штомесячным маніторынгу сітуацыі са свабодай аб'яднанняў і становішчам арганізацый грамадзянскай супольнасці ў Беларусі, падрыхтаваным Lawtrend. Паводле маніторынгу, з 2021 года не менш за 1267 НКА былі прымусова ліквідаваныя або знаходзяцца ў працэсе ліквідацыі, яшчэ не менш за 811 прынялі рашэнне пра самастойную ліквідацыю. Чытаць па спасылцы 👉 https://spring96.org/be/news/121330 🌿 Чытаць з Беларусі праз сайт-люстэрка

  3. 🎨 У Уроцлаве пройдзе выстава беларускага мастака і былога палітвязня Алеся Папковіча З 10 па 24 кастрычніка ў Уроцлаве адбудзецца мастацкая выстава «Сны палітвязня» беларускага мастака і былога палітвязня Алеся Папковіча. У экспазіцыі будуць прадстаўленыя працы, створаныя падчас зняволення і пасля яго, а таксама новыя творы, якія працягваюць гэты цыкл. «Самым складаным для мяне ў зняволенні была не адсутнасць свабоды, а немагчымасць тварыць. Нібыта я страціў частку самога сябе. І мне было важна нават у такіх умовах знайсці спосабы займацца творчасцю. Я пісаў вершы, маляваў на кавалачках паперы, марыў пра новыя праекты», — распавядаў былы палітвязень. Адкрыццё выставы: 🗓 17 кастрычніка, субота 🕕 18:00 📍 Domek Miedziorytnika ul. Świętego Mikołaja 1, Wrocław

  4. 💔 Настаўнікі за кратамі: замест кветак і віншаванняў — калоніі і "хімія" Штогадовы Дзень настаўніка ў першую нядзелю кастрычніка — гэта час, калі святочныя залы напаўняюцца кветкамі, а педагогам выказваюць падзяку за іх працу і выхаванне новых пакаленняў. Аднак у сучаснай Беларусі таленавітыя выкладчыкі ўніверсітэтаў, школьныя настаўнікі, навукоўцы і выхавацелі дзіцячых садкоў сустракаюць гэтае свята не ў навучальных аўдыторыях, а ў следчых ізалятарах і калоніях. Замест павагі педагогі сутыкаюцца з жорсткім ціскам, пазбаўленнем неабходных лекаў, штрафамі і шматгадовымі тэрмінамі зняволення. Да Дня настаўніка мы публікуем матэрыял пра тых выхавацеляў, настаўнікаў і выкладчыкаў, якія праходзяць праз палітычы пераслед. Чытаць па спасылцы 👉 https://spring96.org/be/news/121328 🌿 Чытаць з Беларусі праз сайт-люстэрка

  5. 🗣 «Лютыя ватнікі» і стукацтва: былы палітвязень — пра жыццё ў наваполацкай ПК-1 «Любы калектыў у тысячу чалавек розны, і людзей з кепскім сумленнем хапала — яны пастаянна бегалі скардзіцца аператыўнікам». Былы палітвязень Сяргей (імя змененае з прычынаў бяспекі) распавядае, што атмасфера ў калоніі моцна залежала ад рэжыму і саміх зняволеных. На агульным рэжыме сярод маладых вязняў, паводле яго, было шмат прабеларускіх настрояў. На строгім жа значную частку складалі рэзка прарасійска настроеныя зняволеныя. Асобнай праблемай заставалася стукацтва. За даносы можна было атрымаць палягчэнне ўмоваў, таму нават звычайныя размовы паміж палітвязнямі маглі скончыцца афармленнем парушэння або ШІЗА. Чытаць па спасылцы 👉 https://spring96.org/be/news/121226 🌿 Чытаць з Беларусі праз сайт-люстэрка

  6. 🎧 "ААН на зразумелай мове". Група незалежных экспертаў па Беларусі — новы выпуск падкаста "Вясна прыйдзе" У новым выпуску спецсезона "ААН на зразумелай мове" у падкасце "Вясна прыйдзе" вядучая Кацярына і юрыстка "Вясны" Святлана Галаўнёва разбіраюць складаныя юрыдычныя баталіі на трыбуне ААН простай і даступнай мовай. Хто такая Група незалежных экспертаў па Беларусі і чым яна займаецца? Ужо некалькі гадоў гэты міжнародны механізм рыхтуе даклады і выступае на інтэрактыўных дыялогах у Жэневе. На гэтых жа сесіях слова даецца і прадстаўніцы ўладаў Беларусі Ларысе Бельскай. Яна традыцыйна называе Групу "непатрэбнай" і створанай "на грошы заходніх спонсараў". Але ці так усё адназначна на міжнароднай арэне? На выступленні Групы прыходзяць дэлегацыі з усяго свету. Адны актыўна падтрымліваюць яе працу (сярод іх балтыйскія і паўночныя краіны), іншыя — устаюць на бок уладаў Беларусі (сярод іх Паўночная Карэя і Эрытрэя). — Як мяняўся баланс гэтай падтрымкі цягам апошніх гадоў? — І як трансфармавалася рыторыка саміх уладаў Беларусі? Слухайце выпуск на розных падкаст-пляцоўках: Apple podcasts | Spotify | Castbox | Youtube

  7. 📍Праваабаронцы заклікаюць дакументаваць факты катаванняў і парушэнняў правоў чалавека ў Беларусі У Беларусі працягваюцца масавыя катаванні і збіванні, утрыманне ў нечалавечых умовах у ізалятарах. Мы разумеем, што праз страх і рызыкі пераследу людзі баяцца звяртацца да праваабаронцаў для дакументавання гэтых фактаў. Але мы заклікаем з дапамогай фота і відэа самім фіксаваць сляды катаванняў і збіванняў. Акрамя гэтага, звяртайцеся да лекараў, каб зафіксаваць траўмы і захаваць медыцынскія дакументы. Гэта дапаможа ў будучыні прыцягнуць да адказнасці ўсіх датычных да рэпрэсій. ✍️Вы можаце самастойна задакументаваць ваш выпадак, дзякуючы «Практычнаму дапаможніку для пацярпелых» 🔹Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у месцах зняволення, парушэннем правоў чалавека — калі ласка, пішыце @ViasnaDOC ці viasnadoc@spring96.org

  8. ⚖️ 22-гадовую выпускніцу каледжа з Бабруйска асудзілі па палітычнай справе Юліяну Малачкову судзілі ў Магілёўскім абласным судзе паводле ч. 1 арт. 361-4 КК. Дзяўчыну абвінавацілі ў «садзейнічанні экстрэмісцкай дзейнасці». Пра гэта паведамляе «Наша Ніва». Паводле інфармацыі выдання, Юліяне прызначылі «хатнюю хімію». Юліяне 22 гады, яна з Бабруйска. Нядаўна дзяўчына скончыла Мінскі каледж прадпрымальніцтва.

  9. 🔎 Шукаем людзей, якія перасякаліся за кратамі з палітзняволеным Дзмітрыем Каліноўскім Дзмітрый Каліноўскі затрыманы паводле арт. 361-1 КК (стварэнне экстрэмісцкага фармавання або ўдзел у ім). Асуджаны ў пачатку 2026 г., вынік суда невядомы. Цяпер мужчына адбывае пакаранне — імаверна, яму прысудзілі калонію. ✍️ Калі вы перасякаліся з Дзмітрыем, калі ласка, напішыце праваабаронцам на @Viasnainfo.

  10. 🚧 «Хацеў выцягваць людзей з-пад завалаў». Былы палітвязень — пра спробу трапіць ва Украіну пасля пачатку вайны «Не дайшоўшы кіламетраў 70–80 да самой мяжы, я ўпёрся прама ў танкі, БТРы і даішнікаў. Як аказалася пазней, мяне ўжо чакалі». Пасля пачатку поўнамаштабнага ўварвання Расіі ва Украіну Аляксандр Айнутдзінаў не змог заставацца ўбаку. Кадры разбураных гарадоў і пакут мірных жыхароў падштурхнулі яго да рашэння самастойна перайсці мяжу. Аднак дайсці да ўкраінскай тэрыторыі не ўдалося — былога палітвязня ўжо чакалі сілавікі. Памежнікі забралі тэлефон Аляксандра на праверку. Змесціва сацыяльных сетак і асабістыя відэа сталі падставай для далейшага затрымання. У тэлефоне было шмат відэа, у якіх ён звяртаўся да беларусаў, якія маўчаць пра вайну. «Яшчэ тады я казаў, што Расія можа пачаць запускаць дроны па нашых жылых дамах, а па тэлевізары скажуць, што гэта Украіна». Чытаць па спасылцы 👉 https://spring96.org/be/news/121322 🌿 Чытаць з Беларусі праз сайт-люстэрка

  11. 📌 У Беларусі распачалі спецыяльную вытворчасць у дачыненні да пяцярых добраахвотнікаў У афіцыйны пералік асобаў, у дачыненні да якіх распачатая спецыяльная вытворчасць і якіх выклікаюць у орган крымінальнага пераследу, 1 кастрычніка ўнеслі Аляксандра Буцько, Арцёма Войніча, Аляксандра Грыба (Грыгор'ева), Алега Калуша і Яўгена Лістапада. Іх абвінавачваюць паводле артыкулаў Крымінальнага кодэкса аб "удзеле ў злачыннай арганізацыі", "дзейнасці тэрарыстычнай арганізацыі", "змове з мэтай захопу ўлады", "экстрэмісцкай дзейнасці" і "ўдзеле ў ваенных дзеяннях за мяжой". Усе яны звязаныя з Полкам імя Кастуся Каліноўскага — беларускім добраахвотніцкім вайсковым фармаваннем, створаным ва Украіне ў сакавіку 2022 года пасля пачатку поўнамаштабнага расійскага ўварвання. 🔗 Хроніка палітычнага пераследу 1 кастрычніка

  12. edited

    🤬 Першага намесніка гендырэктара «Белвеста» дадалі ў «спіс тэрарыстаў» КДБ абнавіў пералік «асоб, датычных да тэрарыстычнай дзейнасці». Сярод новых прозвішчаў — 57-гадовы Віктар Гурын. 3 жніўня 2026 года яго асудзілі да трох гадоў і шасці месяцаў калоніі ўзмоцненага рэжыму і штрафу ў памеры 600 базавых велічыняў. У 2020–2021 гадах мужчына пакідаў у Telegram-групах каментары з негатыўнай ацэнкай дзеянняў супрацоўнікаў сілавых структур, АМАП і Лукашэнкі. Акрамя палітвязня, у спіс дадалі яшчэ некалькі чалавек: Жанну Яскулд, Георгія Парахоньку, Таццяну Хабараву, Дзяніса Дарашэвіча, Галіну Усцюгову і Віктара Масько. Цяпер у «тэрарыстычным спісе» налічваецца 1470 чалавек, з якіх 719 — грамадзяне Беларусі. 🔗 Хроніка палітычнага пераследу 1 кастрычніка

  13. 📍Паведамляйце «Вясне» пра затрыманні, ператрусы і «выклікі на размову» Мы збіраем і захоўваем факты пераследу, што асабліва важна ў цяперашніх умовах. Па жаданні, ваша інфармацыя можа застацца непублічнай. Вы таксама можаце перадаць такія звесткі праз вашых сяброў, што жывуць за мяжой. @ViasnaSOS | @viasnainfo | @viasna_bot

  14. ⚡️ Ішоў пешшу ва Украіну – асудзілі як "каліноўца". Экс-палітвязень пра 100 сутак ШІЗА і эміграцыю праз 6 краін 👉 https://spring96.org/be/news/121322 У ліпені 2022 года 50-гадовы гамяльчук Аляксандр Айнутдзінаў вырашыў пешшу пайсці ва Украіну, каб дапамагаць мірным жыхарам разбіраць завалы пасля расійскіх бамбаванняў. Да мяжы ён не дайшоў: мужчыну затрымалі сілавікі, пад пагрозай фізічнай расправы прымусілі запісаць "пакаяльнае відэа" пра нібыта жаданне ўступіць у полк Каліноўскага і асудзілі на 2 гады і 1 месяц калоніі паводле ч. 1 арт. 361-3 КК (удзел ва ўзброеным канфлікце на тэрыторыі замежнай дзяржавы). Аляксандр распавёў "Вясне" пра тое, як прайшоў праз гомельскае СІЗА, дзе самым яркім успамінам для яго стала сяброўства і падтрымка пажылога сукамерніка, і як вытрымаў каля 100 сутак у халодным ШІЗА калоніі, знаходзячы салідарнасць сярод іншых палітвязняў. Распавядаем гісторыю яго жыцця, зняволення і доўгай дарогі на волю. 🌿 Чытаць з Беларусі праз сайт-люстэрка

  15. 💔 Дапаможам былому палітзняволенаму Антону Сотнікаву пачаць жыццё нанова Былы палітзняволены Антон Сотнікаў пасля зняволення быў вымушаны з’ехаць у Польшчу. Праз праблемы са здароўем ён пакуль не можа паўнавартасна працаваць і мае патрэбу ў падтрымцы на час аднаўлення і пошуку працы. Антона затрымалі 8 лютага 2021 года. Яго судзілі па так званай «брэсцкай справе» — за падзеі 10 жніўня 2020 года ў Берасці. Больш за паўгода ён утрымліваўся ў СІЗА. У выніку мужчыну асудзілі да 4 гадоў і 6 месяцаў калоніі ўзмоцненага рэжыму. У 2025 годз былы палітвязень выехаў з Беларусі ў Польшчу і ўжо атрымаў статус бежанца. 🤝 Падтрымаць Антона можна па спасылцы BYSOL.

  16. ❗️700 дзён за кратамі: палітзняволены Станіслаў Мачалаў працягвае знаходзіцца ў зняволенні Станіслаў Мачалаў — актывіст з Гомеля, праграміст і валанцёр гомельскай «Вясны». У 2021 годзе яго затрымалі і пазней асудзілі да трох гадоў калоніі за ўдзел у акцыях пратэсту. 30 снежня 2023 года Станіслаў выйшаў на волю, цалкам адбыўшы тэрмін. Але ў 2024 годзе яго затрымалі зноў. Разам з ім па новай справе праходзіла жонка Святлана Якубовіч, якую вызвалілі 16 верасня 2026 года. У лістападзе 2025 года Станіслава асудзілі да чатырох гадоў калоніі строгага рэжыму па справе аб «садзейнічанні экстрэмісцкай дзейнасці». Праваабаронцам вядома, што цяпер ён адбывае пакаранне ў ПК № 8.

  17. 📌 Актывістаў у выгнанні працягваюць пераследаваць праз фішынг, узломы і шпіёнскія праграмы 👉 https://spring96.org/be/news/121318 Міжнародная арганізацыя ARTICLE 19 Europe апублікавала справаздачу "404: Бяспека не знойдзена?", прысвечаную лічбавым формам трансгранічных рэпрэсій супраць грамадзянскай супольнасці ў выгнанні. Даследаванне ў значнай ступені грунтуецца на досведзе беларускіх і расійскамоўных праваабаронцаў, журналістаў і актывістаў, якія жывуць у Літве, Польшчы, Украіне і Грузіі. Высновы справаздачы паказваюць асноўныя тэндэнцыі і досвед суразмоўцаў, але не прэтэндуюць на поўную карціну лічбавых транснацыянальных рэпрэсій ва ўсіх супольнасцях у выгнанні. 🌿 Чытаць з Беларусі праз сайт-люстэрка

  18. Older posts