Белсат ✔

@belsat · Belarusian · active

Белсат - першы незалежны беларускі тэлеканал. Працуем з 2007 году. Кантакт з Белсатам у ТГ толькі праз асабістыя паведамленні ў гэты канал. ↓ Важныя спасылкі ↓ 📲 cde34rfv.ovh taplink.cc/belsat

Subscribers 14.6K Subscribers, last 30 days: 14.6K → 14.6K +0 24h
Reach per post (ERR) 11.0%1.6K avg views
Posting 37.0/day last 31 minutes ago
Reactions per 1K views 14.6 ❤ 🤬 😢
  1. edited

    Беларусаў чакаюць цёплыя дні і халодныя ночы Паводле Белгідрамету, днём 19 кастрычніка паветра прагрэецца да +9...+17 °С. Уначы тэмпература апусціцца да +3 °С. На поўдні Беларусі пройдуць дажджы, таксама чакаецца парывісты вецер. 20 кастрычніка тэмпература ўдзень зноў складзе +9...+17 °С, а ноччу прагназуюцца замаразкі (на Віцебшчыне будзе 0...−2 °С). У краіне зноў чакаюцца кароткачасовыя дажджы і вецер. 21 кастрычніка будзе пераважна без ападкаў. Тэмпература паветра ўначы складзе ад +1 °С да +11 °С, днём чакаецца +10...+17 °С. Другая палова тыдня будзе адносна цёплай і сухой.

  2. edited

    Трамп зноў раскрытыкаваў Зяленскага «Ён "выкарыстоўвае" расейскія нафтаперапрацоўчыя заводы ў якасці мішэняў, ведаючы, што гэтыя атакі наносяць сур'ёзную шкоду сусветным рынкам дызельнага паліва, у тым ліку рынку ЗША. Зяленскаму да гэтага няма справы. Ён не хоча заканчваць гэтую вайну і, верагодна, ніколі не хацеў», – напісаў ён у Truth Social. Паводле прэзідэнта ЗША, два гады таму ўкраінскі лідар мог бы заключыць больш выгадную здзелку, чым цяпер. Учора, у інтэрв’ю NBC News, Зяленскі выказаў апасенне, што калі ЗША стануць на бок Расеі, Украіна не зможа выстаяць.

  3. Расея атакавала Кіеў балістычнымі ракетамі Загінула 21-гадовая дзяўчына, яшчэ як мінімум восем чалавек атрымалі раненні. У выніку ўдараў былі пашкоджаныя станцыя метро, навучальная ўстанова і гандлёвы цэнтр. Таксама ўзнік пажар у памяшканні медычнай установы. Акрамя таго, расейцы атакавалі беспілотнікамі Дняпро. Пацярпела 84-гадовая жанчына.

  4. ☕️ Вітаем, шаноўныя! Сабралі для вас найбольш цікавыя матэрыялы «Белсату», які вы маглі прапусціць: 🔺 «Будзе неспакой, а, магчыма, і бунт» Франак Вячорка падзяліўся меркаваннем, чаму Пуцін не выкарыстоўвае беларускую армію. Чытайце тут, калі вы ў Беларусі. 🔺 Быць ворагам Амерыкі небяспечна, але быць яе сябрам фатальна Адміністрацыя Трампа пайшла на адкрытую здраду Украіне. Вашынгтон фактычна перайшоў ад падтрымкі Кіева да ціску з мэтай прымусіць яго да капітуляцыі. Пра тое, да чаго прыводзілі такія дзеянні ў гісторыі, чытайце на нашым сайце. Чытайце тут, калі вы ў Беларусі. 🔺 Кожны трэці думаў пра самагубства «Белсат» вывучыў вынікі даследавання пра тое, як ламаюць беларускіх палітвязняў за кратамі. Чытайце тут, калі вы ў Беларусі. #штопачытаць

  5. 💥 #галоўнае за 18 кастрычніка ✔️Раніцай у паветраную прастору Літвы заляцеў (і пазней выбухнуў) дрон. Праз яго часова спынялі працу аэрапорту ў Коўне ✔️Прэм'ер-міністр Літвы: уначы невядомыя спрабавалі падпаліць прадпрыемства, дзе захоўваецца абсталяванне для Starlink ✔️Дакументальны фільм «Белсату» пра фанатаў Макса Каржа ўзнагародзілі на фестывалі ў Лодзі ✔️Украінскія дроны масава атакавалі Санкт-Пецярбург. Пацярпеў, сярод іншага, дата-цэнтр «ВКонтакте» ✔️Маці забітай у Ізраілі беларускі дамагаецца таго, каб ёй перадалі на выхаванне ўнука ✔️Зяленскі агучыў перасцярогі наконт магчымага сцэнару заканчэння вайны ✔️Павел Севярынец расказаў (і паказаў), як пакінуў аўтограф у пратэрмінаваным беларускім пашпарце ✔️Праблемаў будзе больш, чым выгады. Расейскае кіраўніцтва мае сумневы ў лаяльнасці лукашэнкаўскіх войскаў? ✔️Мазаіку са сцяны наваполацкай школы ўсё ж не ўратавалі – будынак разбурылі разам з ёй ✔️Берасцейскі таксіст вазіў пасажыраў, дэманструючы шэўрон, прапітаны расейскім шавінізмам ✔️Страшныя кадры з Эквадору: на святара проста ў часе імшы паваліўся крыж ✔️На дне асушанага возера ў Магілёве знайшлі нешта, падобнае да артылерыйскага снараду ✔️У цэнтры Менску матацыкліст зрабіў два сальта ў паветры пасля сутыкнення з Mercedes #рэпрэсіі: ▫️77 былых палітзняволеных, што прайшлі праз лукашэнкаўскія турмы, расказалі пра свой досвед для даследавання пра катаванні

  6. 👀 У Магілёве проста на вуліцах пасвяцца вярблюд і поні Як ні парадаксальна, патлумачыць наяўнасць у горадзе вярблюда прасцей – ён, падобна, належыць перасовачнаму цырку, які цяпер дэманструе свае выступленні магілёўцам. А вось вакол поні разгараюцца гарачыя дыскусіі ў мясцовых чатах: відавочцы сцвярджаюць, што гаспадар штодня прывязвае яго ў месцах, дзе расце шмат травы, і кідае так жывёлу ажно да ночы. Сітуацыя назіраецца ў 8-м мікрараёне.

  7. 😨 У цэнтры Менску матацыкліст зрабіў два сальта ў паветры пасля сутыкнення з Mercedes Здарэнне адбылося на скрыжаванні вуліцаў Карла Маркса і Янкі Купалы, непадалёк ад будынка цырку. Мужчыну, які кіраваў матацыклам Kawasaki, шпіталізавалі.

  8. edited

    🇺🇦 Зяленскі агучыў перасцярогі наконт магчымага сцэнару заканчэння вайны «Калі ЗША падтрымаюць Пуціна, гэта будзе проста неймаверна. Гэта станецца гістарычнай памылкаю і велізарнай трагедыяй», – сказаў ён у інтэрв’ю NBC News. Прэзідэнт Украіны дадаў, што трэба быць прагматычнымі і не мець ілюзіяў. «Калі Злучаныя Штаты афіцыйна стануць на бок Расеі, калі гэтыя дзве краіны аб’яднаюць намаганні, мы не здолеем перамагчы. Мы проста не здолеем выстаяць», – заявіў Уладзімір Зяленскі.

  9. ❓ Фэйк пра намер NATO напасці на Беларусь падхапілі прапагандысты, МЗС і нават Лукашэнка. Якая па факце палітыка альянсу адносна Беларусі? ❓ Што адбылося за тыдзень паміж Украінай і Расеяй? ❓ Наколькі беларуская лічбавая сістэма завязаная на расейскай? І пры чым тут удары па VK i Оzon? ▶️ Глядзіце ў Студыі Белсату!

  10. ▪️Полымя знішчыла хату ў Гарадку на Віцебшчыне. Гаспадара-пенсіянера знайшлі мёртвым пад аскепкамі даху Папярэдне, да трагедыі прывяло неасцярожнае абыходжанне мужчыны з агнём. Мясцовыя жыхары знялі на відэа, як выглядаў пажар. 📹 Відэа: Витебск. Главное!

  11. 🤔 У Літве мяркуюць, што дрон, праз які часова спынялі працу ковенскага аэрапорту, прыляцеў з боку Польшчы. Палякі абвяргаюць У літоўскіх узброеных сілах заявілі, што радары зафіксавалі траекторыю палёту БПЛА з боку мяжы з Польшчаю. Ён рухаўся ў паўночным кірунку, але дакладную ідэнтыфікацыю вельмі ўскладнялі ўмовы надвор'я (моцны туман). «Польскае радыё» пацікавілася, з боку якой дакладна польскай мясцовасці – Сувалак або Сейнаў – прыляцеў аб'ект. Літоўскія вайскоўцы сказалі, што такой інфармацыі ў іх на гэты момант няма. Тым часам Аператыўнае камандаванне польскіх узброеных сілаў выпусціла камунікат пра тое, што тамтэйшае войска не фіксавала ніякіх рухаў неапазнаных аб'ектаў каля мяжы з Літвою і што доказы меркаванага залёту БПЛА з Польшчы ў Літву адсутнічаюць. Міністры абароны дзвюх краінаў знаходзяцца ў кантакце між сабою. 📹 Літоўскае выданне Delfi паказала запіс, на якім відаць выбух меркаванага беспілотніка пасля падзення ў Пасвальскім раёне на поўначы краіны.

  12. 🤯Барыкады на вуліцах і натоўпы пратэстоўцаў – не нагода прапускаць ранішнюю прабежку У сацсетках завірусілася жыхарка Парыжу, якая выйшла на бегавое трэнаванне ў не самых спрыяльных умовах. Або яна проста не чытае навінаў 💁🏻‍♂️

  13. 🤔 На дне асушанага возера ў Магілёве знайшлі нешта, падобнае да артылерыйскага снараду Як (і з якой гістарычнай эпохі) ён туды патрапіў – незразумела. ✍️ Вадаём у Пячэрскім лесапарку Магілёва пачалі асушаць напрыканцы верасня, каб зладзіць глабальную ачыстку дна. Плануецца, што ўжо ўвесну яно зноў будзе гатовае для адпачынку жыхароў гораду.

  14. +5

    📷 Маладзёны «разносяць» Францыю і Албанію, аўтамабілі змывае ў мора ў Грэцыі, таксічны дым ад пажараў накрыў Інданезію Гэта і не толькі – у нашай традыцыйнай нядзельная падборцы фатаздымкаў тыдня. ✅ Больш кадраў шукайце на нашым сайце 🔗 Клацайце сюды, калі вы ў Беларусі

  15. 🤡 «Жду пока везде будет Россия» Карыстальнік Threads апублікаваў фота нашыўкі, якую заўважыў на рукаве таксіста з Берасця. На ёй быў такі «жарт»: 📍«Загранпаспорт не заказываю, жду, пока везде будет Россия» У каментарах «гумар» не вельмі зацанілі: 🔹«Какой еще загранпаспорт в Беларуси?» 🔹«Судя по шеврону, водитель любит разруху, нищету, рабство, воровство олигархов, продажную власть и Терешкову в госдуме» 🔹«Дапамагчы немагчыма. Медыцына тут не зможа нічога. Толькі спачуванні»

  16. 😺 Пад восеньскім лісцем можа хавацца шмат таямніцаў... Некаторыя з іх – жывыя, таму махайце граблямі акуратней ☝️ 📹 Відэа: Гарадзенскі заапарк

  17. 💁🏻‍♂️ Праблемаў будзе больш, чым выгады. Расейскае кіраўніцтва мае сумневы ў лаяльнасці лукашэнкаўскіх войскаў? У эфіры «Раніцы з Белсатам» Франак Вячорка падзяліўся сваімі думкамі наконт таго, чаму Крэмль так і не змог дагэтуль паўнавартасна задзейнічаць Беларусь у сваёй вайне ды якія крокі Лукашэнкі маглі б паказаць Захаду, што ён сапраўды з'яўляецца незалежным ад Пуціна гульцом. 👉 Чытайце тэкставую версію 🔗 Спасылка для тых, хто ў Беларусі

  18. 🤯 Страшныя кадры з Эквадору: на святара проста ў часе імшы паваліўся крыж Здарэнне адбылося ў суботу ў адным з каталіцкіх прыходаў у горадзе Гуаякіль. На месца тэрмінова выклікалі дактароў, аднак выратаваць Патрыс'я Альфрэда Санчэса Малінары яны не змаглі. Усе імшы з прыходу, дзе здарылася трагедыя, транслююцца ў жывым эфіры праз сацсеткі, таму смерць святара патрапіла на відэа. ❗️УВАГА: КАДРЫ МОГУЦЬ ВАС ШАКАВАЦЬ

  19. 😢 Мазаіку са сцяны наваполацкай школы ўсё ж не ўратавалі – будынак разбурылі разам з ёй Відэа апублікавала ў TikTok адна з былых вучаніц гэтай навучальнай установы. На мінулым тыдні стала вядома, што група энтузіястаў шукае сродкі і магчымасці выразаць і захаваць прынамсі кавалак мазаікі. Зняць і захаваць яе цалкам, на жаль, не існавала ніякай тэхнічнай магчымасці.

  20. Older posts