Позірк. Навіны пра Беларусь

@pozirkonline · Belarusian · active

Навіны Беларусі. Аналітыка. Інтэрв'ю Сайт: https://pozirk.online ▪️YouTube: http://bit.ly/40t8H9a ▪️Facebook: https://bit.ly/3TSLGdf Сувязь з рэдакцыяй: @pozirkeditor

Subscribers 2.7K Subscribers, last 30 days: 2.7K → 2.7K +0 24h
Reach per post (ERR) 12.1%331 avg views
Posting 24.9/day last 3 hours ago
Reactions per 1K views 9.9 👍 👎 ❤
  1. edited

    Рыжанкоў прыняў копіі даверчых грамат у новага амбасадара Венесуэлы Яны абмеркавалі супрацоўніцтва ў палітычнай, гандлёва-эканамічнай і гуманітарнай сферах, пацвердзілі гатоўнасць працягваць дыялог і рэалізоўваць сумесныя праекты. Раней амбасадар Беларусі ў Венесуэле Дзмітрый Дзеравінскі сустрэўся з новым калегам 23 кастрычніка. Бакі пацвердзілі прыхільнасць агульным прынцыпам выбудоўвання ўзаемадзеяння і абмеркавалі ўвесь комплекс стасункаў. ☝️Беларусь і Венесуэла ўстанавілі дыпламатычныя стасункі ў 1997 годзе, але актыўнае супрацоўніцтва пачалося пасля прыходу да ўлады Уга Чавеса. У 2006 годзе ён наведаў Мінск і падпісаў з Лукашэнкам дэкларацыю аб стратэгічным партнёрстве. ✅ Падрабязнасці 🗝 Без VPN 📷 news.by

  2. Украінскі падлетак, які пабываў у беларускім прытулку, уз'яднаўся з маці — омбудсмен Кіева У ходзе гуманітарнай місіі ў Алешках удалося вярнуць маці непаўналетняга сына, які прайшоў праз прытулак у Беларусі, паведаміў украінскі омбудсмен Дзмітрый Лубінец. Раней да яго звярнулася маці 16-гадовага падлетка: "Хлопец доўгі час жыў з бацькам на часова акупаванай Херсоншчыне. Па словах жанчыны, мужчына меў прарасійскія погляды, забараняў сыну вучыцца, сістэматычна аказваў на яго псіхалагічны ціск і прымяняў хатняе гвалт". Cын вырашыў самастойна з'ехаць з акупаванай тэрыторыі, аднак пры спробе перасекчы мяжу яго затрымалі беларускія службы. Маці прад'явілі патрабаванне асабіста забраць сына, але ў яе не было загранпаспарта. ✅ Падрабязнасці 🗝 Без VPN 📷 БелТА

  3. Беларусь перадала Кубе лекі і 30 тон сухога малака ў якасці гуманітарнай дапамогі Груз прызначаны двум медыцынскім установам: Дзіцячай клінічнай бальніцы і Цэнтру дзіцячай кардыялогіі ў сталіцы. Цырымонія перадачы адбылася 5 лістапада пры ўдзеле пасла на Кубе Віталія Барчука і прадстаўнікоў кубінскіх міністэрстваў. Кубінскі бок падзякаваў Беларусі за дапамогу, адзначыўшы яе своечасовасць ва ўмовах складанай сацыяльна-эканамічнай сітуацыі. Раней паведамлялася, што Беларусь накіруе гуманітарную дапамогу Кубе, Мазамбіку і Ірану агульным коштам больш за 2,2 млн рублёў. ☝️За апошнія два гады гуманітарная дапамога з Беларусі дастаўлялася ў пяць краін: Расію, Зімбабвэ, М'янму, Таджыкістан і Кубу. 15 красавіка Лукашэнка прадоўжыў на два гады механізм паставак лекаў з Кубы ў абмен на беларускія тавары. ✅ Падрабязнасці 🗝 Без VPN 📷 mchs.gov.by

  4. У Даўгаўпілсе за кантрабанду цыгарэт затрыманыя грамадзяне Беларусі — машыніст цягніка і яго памочнік Паліцыя затрымала машыніста цягніка, які прыбыў з Беларусі, і яго памочніка, якія выкінулі з яго на хаду некалькі пачкаў з цыгарэтамі. Усяго было вынята 140 тыс. цыгарэт NZ Gold з беларускімі акцызнымі маркамі. У Дзяржпаліцыі пачаты крымінальны працэс за кантрабанду, учыненую арганізаванай групай асоб. За гэта прадугледжана пакаранне ў выглядзе пазбаўлення волі на тэрмін да дзесяці гадоў з канфіскацыяй маёмасці або без яе. ☝️Раней паведамлялася, што ў Латвіі быў спынены ўвоз буйной партыі беларускіх тытунёвых вырабаў — 852,8 тыс. цыгарэт з беларускімі акцызнымі маркамі, схаваных у грузе свежай морквы. ✅ Падрабязнасці 🗝 Без VPN 📷 bel-en.by

  5. У абноўленым навучальным цэнтры Ваеннай акадэміі абсталяваная траса для пілатавання FPV-дронаў Пра гэта паведаміла Мінабароны па выніках адкрыцця комплексу з удзелам Віктара Хрэніна. Паводле міністра, там змогуць займацца мотастралкі, танкісты і артылерысты, у тым ліку ў складзе малых груп. Ён спасылаўся на вопыт вайны Расіі супраць Украіны і адзначыў, што "львіную долю ў агнявым паражэнні занялі беспілотныя лятальныя апараты, рабатызаваныя комплексы". Наступны навучальны год у УС названы годам удасканалення сістэмы процідзеяння БПЛА. Хрэнін заявіў пра "добрую традыцыю" здаваць новыя або абноўленыя аб'екты напярэдадні 7 лістапада. Неабходнасць рэканструкцыі ён патлумачыў "гібрыднай вайной", якая, паводле яго слоў, "супраць нашай краіны ўжо доўгі час вядзецца". ✅ Падрабязнасці 🗝 Без VPN 📷 sb.by

  6. Пошліны на вываз звадкаваных вуглевадародных газаў павялічаны ў 3,5 раза На звадкаваныя вуглеваводныя газы (СУГ, сумесі) — з 17,4 да 61,5 долара за тону, а на этан, бутан і ізабутан — з 15,6 да 55,3. 14 красавіка ўрад адмяніў нулявую стаўку, якая дзейнічала 10 месяцаў, устанавіўшы тарыфы на ўзроўні 5,2 і 4,6 долара за тону. ☝️У пачатку 2024 года стаўкі складалі 1,6 і 1,4 долара, з лютага на працягу сямі месяцаў пошліны былі нулявымі, затым вагаліся: у верасні — 20,8 і 18,7, у кастрычніку — 45,2 і 40,6, у снежні — 61,7 і 55,5. У 2025 годзе стаўкі зноў зніжаліся і павышаліся. ✅ Падрабязнасці 🗝 Без VPN 📷 Міністэрства энергетыкі

  7. Другі выпадак смяротнага траўматызму на вытворчасці за тры дні: 38-гадовы рабочы загінуў у Наваполацку 38-гадовы фармоўшчык загінуў 5 лістапада на тэрыторыі прадпрыемства ў Наваполацку. Ён вырашыў ліквідаваць няспраўнасць металічных варот цэха. Яны перавярнуліся і прыдушылі мужчыну. 3 лістапада на тэрыторыі піларамы ў Магілёўскай вобласці загінуў 28-гадовы кіроўца самазвала Shacman. Падчас разгрузкі бутовага каменю кузаў зачапіў высакавольтную лінію электраперадачы, пасля чаго машына загарэлася. ☝️Раней паведамлялася пра гібель 55-гадовага жывёлавода ў Добрушскім раёне і 57-гадовага слесара ў Магілёве. У 2025 годзе на вытворчасці ў Беларусі загінула 103 чалавекі — гістарычны мінімум. ✅ Падрабязнасці 🗝 Без VPN 📷 sb.by

  8. У Светлагорску знойдзены боепрыпасы і касцяныя рэшткі часоў Другой сусветнай вайны Знаходку ў канцы жніўня выявіў мясцовы жыхар на сваім участку падчас работ па падводзе камунікацый да пабудаванага дома. Следча-аператыўная група выняла касцяныя рэшткі не менш за 4 чалавек, фрагменты вырабаў са скуры, металічныя лыжкі, катлы, ППШ, амаль сотню патронаў, некалькі гранат. Апошнія абясшкодзіла зводная сапёрная група. ☝️Падчас вайны на месцы вуліцы, дзе знайшлі рэшткі, была сельская мясцовасць і ваколіцы вёскі Святоч. У жніўні 1941 года рэгіён акупавалі нямецкія войскі, а зімой 1943–1944 гадоў зона стала прыфрантавой, дзе праводзіліся карныя аперацыі. ✅ Падрабязнасці 🗝 Без VPN 📷 sudexpert.gov.by

  9. edited

    Железнодорожный терминал GREATPORT открылся в индустриальном парке “Великий камень” “Беларусь находится в центре Евразии, — заявил на открытии первый вице-премьер Николай Снопков. — Поэтому использование потенциала транзита <...> для нас является весьма и весьма нужным для формирования валютной выручки страны“. По его убеждению, терминал “проявит себя не только как погрузочно-разгрузочный пункт“, но и как “мультимодальный терминал, использующий с точки зрения доставки грузов железную и автомобильную дорогу“. 6 ноября из терминала отправляются в Китай первые контейнерные поезда. ✅ Подробности 🗝 Без VPN 📷 smolevichi-24.by

  10. Праваабаронцам прыходзяць супярэчлівыя звесткі пра ўмовы ўтрымання палітвязня Эдуарда Бабарыкі Спачатку была інфармацыя, што ў траўні Бабарыку ўзмацнілі пакаранне і перавялі ў следчую турму №1 Гродна. Неўзабаве іншая крыніца перадала, што той па-ранейшаму ў папраўчай калоніі № 8 у Оршы. Эдуард Бабарыка знаходзіцца ў зняволенні амаль шэсць з паловай гадоў. За гэты час сына былога прэтэндэнта на пасаду прэзідэнта ў 2020 годзе Віктара Бабарыкі двойчы судзілі “злоснае непадпарадкаванне патрабаванням адміністрацыі папраўчай установы”. Першы раз яму дадалі два гады зняволення, другі прысуд застаецца невядомым. Да затрымання ў чэрвені 2020 года Эдуард Бабарыка кіраваў ініцыятыўнай групай па зборы подпісаў за вылучэнне кандыдатам у прэзідэнты свайго бацькі. Раней узначальваў краўдфандынгавыя платформы Ulej і MolaMola. ✅ Падрабязнасці 🗝 Без VPN 📷 Эдуард і Віктар Бабарыкі. Архіўнае фота: акаўнты Віктара Бабарыкі ў сацсетках

  11. edited

    Ад 10 лістапада беларусы змогуць запісацца на візу для наведвання сваякоў у Чэхіі Падаць дакументы змогуць бацькі, бабулі, дзядулі, дзеці і ўнукі грамадзян Чэхіі, а таксама беларусаў, якія жывуць у гэтай краіне паводле доўгатэрміновай візы альбо маюць дазвол на пражыванне, паведаміў Офіс Святланы Ціханоўскай. Для запісу трэба адправіць ліст на Minsk.Visa@mzv.gov.cz, указаўшы імёны і прозвішчы заяўніка і асобы, якая запрашае, лацінкай, тып візы, мэту паездкі, свае кантактныя даныя і нумар пашпарта. Падрабязныя патрабаванні апублікаваныя на сайце амбасады. У Офісе Ціханоўскай назвалі адкрыццё запісу вынікам сумеснай працы з чэшскімі партнёрамі. Паводле яго інфармацыі, палітык неаднаразова ўздымала пытанне пра візавыя абмежаванні на сустрэчах з уладамі Чэхіі. ✅ Падрабязнасці 🗝 Без VPN 📷 (ілюстрацыйнае) Прага. Фота: pixabay.com

  12. Беларусь і Егіпет абмеркавалі аднаўленне супрацоўніцтва з ваеннымі прадпрыемствамі Абмеркаванне адбылося падчас сустрэчы дзяржаўнага міністра ваеннай вытворчасці гэтай краіны Салаха Сулеймана Джумблата з беларускім амбасадарам Яўгенам Сабалеўскім, паведаміла ўчора егіпецкае выданне “Аш-Шурук”. Паводле слоў міністра, прамысловыя сувязі дзвюх краін налічваюць дзесяцігоддзі, на працягу якіх быў рэалізаваны шэраг праектаў сумеснай вытворчасці. Ён назваў некалькі прыкладаў. Паведамляецца, што Сабалеўскі пацвердзіў зацікаўленасць Беларусі ў актывізацыі супрацоўніцтва з Міністэрствам ваеннай вытворчасці. Пра магчымае планаванае падпісанне пагадненняў або кантрактаў, а таксама пра якія-небудзь канкрэтныя праекты двухбаковага супрацоўніцтва ў галіне выпуску ўзбраенняў выданне не паведамляе. ✅ Падрабязнасці 🗝 Без VPN 📷 (ілюстрацыйнае) sb.by

  13. Долар, расійскі рубель і юань падаражэлі на апошніх таргах тыдня 📈 Каціроўка долара вырасла да 2,9921 рубля (+0,02%), кітайскага юаня — да 4,4866 за 10 (+0,08%), расійскага рубля — да 3,6584 за 100 (+0,13%). 📉 Еўра патаннеў да 3,3455 (-0,38%). ☝️На адыходзячым працоўным тыдні курс долара вырас на 1,56% (з 2,946 да 2,9921), у кастрычніку знізіўся на 2,72%. За 10 месяцаў года афіцыйны курс долара ў Беларусі вырас на 1,50%. ✅ Падрабязнасці 🗝 Без VPN 📷 pixabay.com

  14. Нацбанк оставил на 2027 год прежним перечень системно значимых банков Перечень состоит из двух групп. В первой находятся “Беларусбанк“, “Белагропромбанк“, “Приорбанк“ и “Альфа-Банк“. Сейчас к ним добавлен “Сбер Банк“. Во второй группе остались “Белгазпромбанк“, “Белинвестбанк“, “Банк БелВЭБ“, “МТбанк“, “Банк ВТБ (Беларусь)“ и “БНБ-Банк“, следует из сообщения пресс-службы регулятора. “Отнесение банков к числу системно значимых произведено на основании агрегированной оценки их системной значимости по таким показателям, как масштаб деятельности банка, его взаимосвязанность с банками-резидентами, значимость для экономики и взаимосвязанность с нерезидентами”, — говорится в сообщении регулятора. ✅ Подробности 🗝 Без VPN 📷 1prof.by

  15. У Мінску замежная студэнтка асуджаная да 8 гадоў пазбаўлення волі за распаўсюд псіхатропаў Паводле звестак Мінгарсуда, 20-гадовая студэнтка забірала аптовыя партыі псіхатропаў са схованак. Дома яна дзяліла іх на дробныя дозы, раскладвала па іншых схованках і перадавала іх каардынаты саўдзельнікам. У судзе дзяўчына прызнала віну. Яна патлумачыла, што прыехала ў Беларусь вучыцца, паступіла на платнае аддзяленне БДУІР і стала наркакур'ерам, каб аплаціць вучобу. ☝️Паводле звестак Вярхоўнага суда, за першыя шэсць месяцаў 2026 года за злачынствы, звязаныя з наркотыкамі, асуджана 1.039 чалавек. ✅ Падрабязнасці 🗝 Без VPN 📷 (ілюстрацыйнае) unsplash.com

  16. Ашуканцы пераканалі мінскага трэцякласніка перадаць кур’еру 12 тыс. долараў У Мінску дзевяцігадовы школьнік на ўказанне тэлефонных махляроў перадаў кур’еру сямейныя зберажэнні, паведаміла Міністэрства ўнутраных спраў. Зламыснік па тэлефоне пераканаў школьніка сабраць усе наяўныя грошы ў доме і перадаць “на праверку“. Хлопчык пералічыў грошы, склаў у пакет і аддаў незнаёмцу ў пад’ездзе. Аператыўнікі затрымалі кур’ера — 18-гадовага мінчаніна, які, як выявілася, таксама быў ашуканы. Распачата крымінальная справа аб махлярстве. ✅ Падрабязнасці 🗝 Без VPN 📷 (ілюстрацыйнае) magnific.com

  17. edited

    Ад пачатку года на пажарах у Беларусі загінула 444 чалавекі — МНС Год таму па стане на раніцу 6 лістапада іх было 422, такім чынам колькасць ахвяр павялічылася на 5,2%. Па 2 чалавекі загінулі 5 лістапада на пажарах у жылым доме ў Чэрыкаве Магілёўскай вобласці , а таксама ў Віцебску. Паводле інфармацыі МНС, з пачатку 2026 года адбылося 5.641 пажар, на якіх траўмавана 556 чалавек, выратавана 914. ✅ Падрабязнасці 🗝 Без VPN 📷 (ілюстрацыйнае) mchs.gov.by

  18. Сібіга прапануе запрашаць Ціханоўскую і беларускія дэмсілы на мерапрыемствы Цэнтральнаеўрапейскай ініцыятывы Пра намер прапанаваць запрашаць беларускага дэмлідара Святлану Ціханоўскую і прадстаўнікоў беларускіх дэмакратычных сіл на мерапрыемствы Цэнтральнаеўрапейскай ініцыятывы ў якасці спецыяльных гасцей заявіў кіраўнік МЗС Украіны Андрэй Сібіга. “Я перакананы, што ў гэтай арганізацыі знойдзецца месца для свабоднай і дэмакратычнай Беларусі“, — сказаў кіраўнік украінскага МЗС. Паводле яго слоў, удзел Ціханоўскай і прадстаўнікоў дэмсіл у мерапрыемствах ініцыятывы стаў бы “сімвалам надзеі і будучыні для беларускага народа“. Як адзначыў у каментары журналістам галоўны дарадца Ціханоўскай Франак Вячорка, дэмлідар абмяркоўвала пытанне ўдзелу прадстаўнікоў дэмакратычнай Беларусі ў мерапрыемствах ЦЕІ падчас сустрэч з кіраўніцтвам Румыніі 4 лістапада. ✅ Падрабязнасці 🗝 Без VPN 📷 Андрэй Сібіга і Святлана Ціханоўская. Архіўнае фота: Офіс Святланы Ціханоўскай

  19. Дырэктар мінскай фірмы недаплаціў больш за 1,6 млн рублёў падаткаў і завышаў цэны на абсталяванне — СК Аб пачатку крымінальнай справы супраць 45-гадовага заснавальніка і дырэктара мінскай фірмы, які падазраецца ва ўхіленні ад выплаты падаткаў і перавышэнні службовых паўнамоцтваў, паведаміла прэс-служба Следчага камітэта. У асобных выпадках гандлёвая надбаўка на абсталяванне, якое прадаваў фігурант, дасягала 65% адпускной цаны пры дапушчальных 15%, сцвярджае СК. Паводле папярэдніх звестак СК, падазраваны недаплаціў у бюджэт больш за 1,6 млн рублёў падаткаў. Ведамства ацэньвае шкоду дзяржаве больш чым у 430 тыс. рублёў. ✅ Падрабязнасці 🗝 Без VPN 📷 (ілюстрацыйнае) СК

  20. edited

    Прэм'ер-міністр Малдовы дапусціў увядзенне віз для грамадзян Беларусі Малдова можа ўвесці візы для грамадзян Беларусі ў межах падрыхтоўкі да ўступлення ў Еўрасаюз, вынікае з заявы прэм'ер-міністра краіны Васіле Тофана. Як адзначае TV8 са спасылкай на даклад Еўракамісіі, Малдове трэба будзе прывесці правілы ўезду для грамадзян 11 краін, у тым ліку Беларусі і Расіі, у адпаведнасць з візавай палітыкай ЕС. ☝️Нават пры дзеючым бязвізавым рэжыме грамадзянам Беларусі і Расіі памежная паліцыя мае права адмовіць ва ўездзе. У 2025 годзе ў аэрапорце Кішынёва ва ўездзе было адмоўлена 84 грамадзянам Беларусі і 561 грамадзяніну Расіі. ✅ Падрабязнасці 🗝 Без VPN 📷 "Позірк"

  21. Older posts