Белсат ✔

😮У Францыі невядомы мужчына скраў з касцёлу фрагмент мошчаў Святога Мікалая, пасля чаго спаліў і раструшчыў яго Паліцыя затрымала падазраванага. Ён прызнаўся ў злачынстве і патлумачыў, што хацеў знішчыць рэліквію, бо лічыў ушанаванне костак формай ідалапаклонства. Імя і іншыя звесткі пра затрыманага не раскрываюцца.

😨13-гадовая школьніца з Менску пад прымусам стала кур’ерам махляроў пасля знаёмства праз Telegram-бот Дзяўчына пазнаёмілася з хлопцам праз чат-бот для знаёмстваў у Telegram і даслала яму свае каардынаты. Пазней ёй даслалі відэа не з падлеткам-аднагодкам, а з мужчынам у вайсковай форме, праз што дзяўчына спужалася і выдаліла перапіску. Пасля гэтага невядомая жанчына пачала запалохваць школьніцу абвінавачаннямі ў дзяржздрадзе і тэрарызме па тэлефоне. Ёй пагражалі, што бацькоў пасадзяць на 25 гадоў, а яе саму адправяць у дзіцячы дом. Спалоханую дзяўчыну прымусілі сесці ў таксі, аб’ехаць два адрасы, забраць у іншых дзяцей бацькоўскія грошы і адвезці іх у прызначанае месца за горадам.

😍 У ЗША коргі выбег на поле і ледзь не сарваў матч па амерыканскім футболе Некалькі супрацоўнікаў стадыёна кінуліся лавіць сабаку, але той спрытна ўцякаў ад іх. Сітуацыя выклікала ўсмешкі ў гледачоў.

✊ Дзецям эмігрантаў дазволяць паступаць у віленскую гімназію з беларускай мовай навучання У 2026 годзе віленскія ўлады змянілі правілы прыёму ў школы: дзяцей з краінаў па-за ЕЗ, якія ўпершыню ідуць у пачатковую школу, абавязалі выбіраць школы з літоўскай мовай выкладання. Гэта выклікала занепакоенасць беларускіх бацькоў, бо магло абмежаваць паступленне дзяцей без літоўскага грамадзянства ў гімназію імя Францішка Скарыны – адзіную дзяржаўную школу ў Літве, дзе выкладаюць па-беларуску. Пасля звароту Асацыяцыі беларускіх бацькоў улады пацвердзілі, што новыя правілы не перашкодзяць прыёму такіх дзяцей у гімназію ў 2027/28 навучальным годзе. Таксама паступіць у першыя класы змогуць дзеці, якія цяпер наведваюць там падрыхтоўчыя групы.

🇺🇦🇷🇺 Перамовы ў Абу-Дабі будуць трываць два дні Трохбаковыя перамовы паміж Украінай, ЗША і Расеяй пройдуць 10 і 11 лістапада. Сустрэча будзе прысвечаная гарантыям бяспекі і ўрэгуляванню вайны. Расейскую дэлегацыю ўзначаліць памочнік Пуціна Уладзімір Мядзінскі, украінскую – кіраўнік Службы замежнай разведкі Рустэм Умераў – паведамляюць расейскія медыя. Еўрапейскія прадстаўнікі не будуць удзельнічаць у трохбаковых перамовах.

Чыноўнікі ЗША лічаць, што Расея «гатовая да міру» Напярэдадні расейска-ўкраінскіх перамоваў у Абу-Дабі, якія пройдуць пры пасярэдніцтве ЗША, амерыканскія чыноўнікі ананімна выказалі аптымізм наконт магчымых вынікаў. Чаму, на іх думку, Расея можа спыніць вайну, чытайце ПА СПАСЫЛЦЫ. Чытайце тут, калі вы ў Беларусі.

Лаўрэатам Букераўскай прэміі ў 2026-м стаў аўтар раману «Канец усяго» 81-гадовы Майкл Джон Харысан стаў самым узроставым пераможцам прэміі. Яго называюць пісьменнікам-фантастам, а ягоны раман – сатырычнай антыўтопіяй. Падзеі кнігі «Канец усяго» адбываюцца праз гады пасля загадкавай катастрофы, якая прывяла да краху звыклага грамадскага ладу. Галоўны герой – валацуга і яго ўзброеная цётка, якія разам выжываюць на ўзбярэжжы Кента ў недалёкай будучыні. Букераўская прэмія была заснаваная ў 1969 годзе. Узнагароду прысуджаюць за найлепшы мастацкі твор на ангельскай мове, апублікаваны ў Вялікай Брытаніі або Ірландыі.

Украінскія дроны прыляцелі ў Наўгародскую вобласць Пад удар мог трапіць 123-і авіяцыйны рамонтны завод, які абслугоўвае вайсковыя самалёты. Прадпрыемства ўжо было цэллю ЗСУ у сакавіку 2026-га. Паводле ўкраінскіх маніторынгавых каналаў, у мікрараёне «Гарадок», дзе знаходзіцца авіязавод, адбылася серыя выбухаў. На месца атакі прыехалі пажарныя. Завод знаходзіцца пад санкцыямі ЗША, Еўразвязу, Японіі ды іншых краінаў.

☕️ Вітаем, шаноўныя! Сабралі для вас найбольш цікавыя матэрыялы «Белсату», які вы маглі прапусціць: 🔸 «Расея актыўна перацягвае беларускіх студэнтаў» У АПК распавялі, як еўрапейскія абмежаванні ўплываюць на выбар моладзі. 🔸 На поўдні Беларусі выйшлі з ладу тры вышкі мабільнай сувязі Яны маглі выкарыстоўвацца для кіравання расейскімі беспілотнікамі. 🔸 Як перавесці грошы з ЕЗ у Беларусь: простыя і не вельмі варыянты Payoneer больш не працуе з беларусамі, але перавесці грошы з Еўропы ў Беларусь усё яшчэ можна. #штопачытаць

☝️Сёння сусветны дзень Кніга рэкордаў Гінеса Сярод многіх беларускіх рэкарсменаў шмат жанчын. Вось толькі дзве з іх. 🔥

☝️Падводны паляўнічы шукаў рыбу, а знайшоў тапельца Рыбак выправіўся на падводнае паляванне ў Беразіне каля вёскі Краснае пад Асіповічамі. Але на дне знайшоў парэшткі чалавека, якія праляжалі ў вадзе 9 месяцаў. Ад прыжыццёвага аблічча загінулага ўжо нічога не засталося, ніякіх дакументаў у адзенні не знайшлося. Але з'явілася меркаванне, што гэта 45-гадовы бабруйчанін, які знік яшчэ ў снежні 2025 года. Ён тады з сябрам прыехаў у Асіповіцкі раён у госці да брата - увечары выпілі, а пасля мужчына пайшоў на раку парыбачыць. Назад ён так і не вярнуўся. Кім напраўду быў загінулы, усталявалі толькі генетыкі, якія параўналі біяматэрыял тапельца і ягонага брата. Яны напраўду былі роднымі братамі. ☝️

☝️У Вільні шукаюць пахаванне Вітаўта Парэшткаў вялікага князя Вітаўта ў Віленскай катэдры не знайшлі. Археолагі прасвідравалі сцяну, за якой, паводле адной з гіпотэзаў, маглі быць схаваныя косткі валадара Вялікага Княства Літоўскага. Аднак замест іх выявілі толькі камяні і будаўнічае смецце. Ці азначае гэта канец пошукаў? І дзе навукоўцы будуць шукаць парэшткі Вітаўта далей? Пад Віленскай катэдрай дагэтуль застаюцца дзясяткі недаследаваных месцаў. Сярод іх – замураваныя пустоты, засыпаныя крыпты і невядомыя падземныя памяшканні. І хоць адна з версіяў пра месца пахавання Вітаўта не пацвердзілася, у археолагаў застаюцца іншыя магчымыя напрамкі пошукаў. Навукоўцы склалі карту падземных памяшканняў, на якой пазначылі 11 патэнцыйных пустотаў, шэсць засыпаных памяшканняў і дзве анамаліі, выяўленыя з дапамогай геарадара. Частка гэтых месцаў раней увогуле не даследавалася. Цяпер археолагам давядзецца вырашыць, якія з іх правяраць наступнымі. Больш чытайце па спасылцы. 👈

💥 #галоўнае за 9 лістапада ✔️ Паводле ўцечкі з базы «Расстату», з 2022 года ва Украніе загінулі 1500 беларусаў. ✔️ Памёр стралок, які забіў шэсць чалавек у цэнтры Кракава ✔️ Payoneer больш не працуе з беларусамі, але перавесці грошы з Еўропы ў Беларусь усё яшчэ можна ✔️ У Гомлі жанчына забіла сужыцеля праз сварку вакол стрыму ў TikTok. Пасля спаліла цела ў бочцы ✔️ Дэмакраты хочуць вылучыць Украіне яшчэ $15 млрд дапамогі ✔️ Трамп заявіў, што дзеля замірэння «Украіна будзе выглядаць крыху па-іншаму» ✔️ BELPOL прадставіў даклад пра мілітарызацыю Беларусі ў парламенце Аўстрыі ✔️ У дзяржаўнай гаспадарцы пад Менскам масава памірае жывёла ✔️ На поўдні Беларусі выйшлі з ладу тры вышкі мабільнай сувязі, якія маглі выкарыстоўвацца для кіравання расейскімі беспілотнікамі ✔️ У памежным з Расеяй раёне жыхароў заклікалі паведамляць пра падазроных людзей у камуфляжы ✔️ У Харватыі перакуліўся аўтобус – сярод пацярпелых беларуска, два чалавекі загінулі ✔️ У Менск прыехала дэлегацыя нямецкіх палітыкаў і актывістаў з Брандэнбургу, якая выступае за аднаўленне кантактаў з Беларуссю ✔️ У Менскім раёне мужчына абстраляў з пнеўматыкі грузавік, які быў прыпаркаваны на газоне ✔️ У Польшчы пройдуць вучэнні з удзелам амаль 3000 жаўнераў з 11 краінаў ✔️ Музыка Сяргей Доўгушаў абвясціў пра закрыццё «Дому творцаў» і шэлтару для былых палітвязняў у Варшаве

☝️У Варшаве закрываецца беларускі «Дому творцаў» Пра гэта на сваёй старонцы ў Facebооk паведаміў заснавальнік гэтай творчай пляцоўкі, музыка Сяржук Доўгушаў. Таксама закрываецца шэлтар для палітвязняў, заснаваны Доўгушавым. «З 2021 года я займаўся дапамогай, сацыяльна-дабрачыннай дзейнасцю, і вось мой рэсурс скончыўся. Цяпер я хачу дапамагчы сабе, быць больш са сваёй сям’ёй і блізкімі..... Здаецца, гэта цэлая гісторыя, палова жыцця... Дадам, што фундацыя «Дом творцаў» будзе існаваць далей разам з іншымі творчымі праектамі». «Дом творцаў» і шэлтар для палітвязняў працаваў як бяспечная прастора, арт-рэзідэнцыя і месца для псіхалагічнай рэабілітацыі творчых людзей з Беларусі і палітвязняў, якія былі вымушаны пакінуць краіну з-за рэпрэсій. На іх працу Сяржук Доўгушаў абвяшчаў грашовыя зборы.☝️

🧐 Што звязвае Францыска Скарыну, Адама Міцкевіча і Францішка Багушэвіча з Познанню? Гэты польскі горад захоўвае нямала беларускіх гісторый. Тут Скарына апынуўся за кратамі, Міцкевіч шукаў магчымасць далучыцца да паўстання, а вакол выдання кнігі Багушэвіча дагэтуль застаецца загадка. Даследуем беларускія сляды Познані ў нашай праграме «Сармацкі вус». 📺️️️️️️ Глядзіце на YouTube-канале «БЕЛСАТ HISTORY».

🥹️️️️️️ «Не крыўдуй, прабач мяне, калі ласка» Прынеслі вам мілату дня! 🫶

🔴 «Студыя Белсат» – галоўныя падзеі дня! У сённяшнім выданні: 🔻КДК запускае онлайн-платформу для скаргаў на бюракратыю, а Лукашэнка абяцае страсянуць сацыяльную сферу 🔻У свеце новы Эль-Ніньё, у Беларусі – рэкордна гарачы кастрычнік. Што адбываецца? Разбярэм з кліматолагам Таксама пагаворым пра беларусаў загінулых на вайне ва Украіне, візіт нямецкай дэлегацыі ў Менск, аварыю аўтобусу ў Харватыі, вышкі сотавай сувязі на мяжы ды адносіны з Польшчай. Далучайцеся да нашага эфіру ⤵️ https://youtube.com/live/bD-fjzsljl0

😳 Журналіста «Еўрарадыё» унеслі ў базу «Міратворца» Пра гэта паведаміў сам журналіст Тарас Круцкіх, які працуе пад псеўданімам Тарас Тарналіцкі. Нагодай стала публікацыя інтэрв’ю з украінцам, які перасек мяжу праз Беларусь, каб пазбегнуць мабілізацыі. На сайце «Міратворца» яму закідаюць дзеянні супраць Украіны. «Мяне, чалавека са сталай і публічна выразнай праўкраінскай пазіцыяй, запісалі ў спіс ворагаў Украіны. Смех і абсурд!» – напісаў журналіст. Тарас заявіў, што хоча дамагчыся выдалення свайго імя з базы.

«Застаецца толькі тое, што ўхвалілі чыноўнікі». У Беларусі становіцца ўсё цяжэй арганізоўваць канцэрты і фестывалі. Улады тлумачаць новыя патрабаванні неабходнасцю бяспекі. Аднак яны яшчэ больш узмацняюць дзяржаўны кантроль над культурнай сферай і выціскаюць незалежных арганізатараў з рынку: «Галоўная праблема беларускай канцэртнай індустрыі сёння – гэта не вецер 10 метраў за секунду, а дзяржава, якая вырашыла, што мае права кіраваць кожным крокам арганізатара і артыста», – кажа прамоўтар Аляксандр Багданаў (Papa Bo). 🔗 Чаму ўлады ўскладняюць арганізацыю канцэртаў і як адбываецца манапалізацыя культурнага жыцця ў Беларусі – чытайце ў нашым матэрыяле ✅ Адкрыць спасылку ў Беларусі

🏋️ Чым даўжэй стаіш у планцы, тым лепшы вынік? А вось і не! Папулярныя рэкорды ў працягласці стаяння ў планцы могуць не толькі не прынесці карысці, але і нашкодзіць вашай паясніцы. Рэч не ў тым, колькі хвілінаў вы вытрымліваеце, а ў тым, наколькі правільна выконваеце практыкаванне. Спартовы энтузіяст Піт Паўлаў разбурае галоўны фітнес-міф і паказвае, як правільна рабіць планку, каб яна сапраўды працавала. 💪 Глядзіце, паўтарайце і беражыце сваю спіну! ☝️ А яшчэ больш цікавых і важных тэмаў асвятляем у праграме «Раніца з «Белсатам» на YouTube-канале «БЕЛСАТ LIFE».