Белсат - першы незалежны беларускі тэлеканал. Працуем з 2007 году.
Кантакт з Белсатам у ТГ толькі праз асабістыя паведамленні ў гэты канал.
↓ Важныя спасылкі ↓
📲 cde34rfv.ovh
taplink.cc/belsat
Subscribers14.6K +0 24h
Reach per post (ERR)11.1%1.6K avg views
Posting37.0/daylast 27 minutes ago
Reactions per 1K views14.7❤ 🤬 😢
👀 Міліцыя склала адміністратыўны пратакол на магілёўца, які пінаў свайго шпіца
Як заяўляюць сілавікі, 30-гадовы гаспадар сабакі патлумачыў свае паводзіны «стрэсавай сітуацыяй»: шпіц выбег на праезную частку і ледзь не патрапіў пад колы аўтамабіля.
Думаць над тым, якое пакаранне прызначыць для мужчыны, цяпер будзе суд.
🤭 «Дзікі ласось, абалдзець!»
Нечаканая сустрэча наўпрост на трасе дзесьці ў Беларусі.
🪤 Сілавікі зноў раставілі свае пасткі ў Telegram – будзьце пільнымі!
Гэтым разам яны падрабілі чат-бот праваабаронцаў «Гомельскай вясны».
Расказваем, што вядома ☝️
edited
💬 «Жадаю, каб вам, дарагія МТСаўцы, рабілі тату майстры, якія па вашых SMS вучыліся»
Беларус Віктар расказаў у сацсетках, як адзін з айчынных мабільных аператараў займаецца, фактычна, «узаконеным махлярствам» – робіць рассылкі з прапановамі падпісацца на разнастайную «лухту», на якія часта «клююць» дзеці або пенсіянеры. Прычым клікнуць на спасылку чалавек можа нават выпадкова – і гэта адразу ж выліваецца ў грашовыя выдаткі:
«Паўгода таму я сварыўся з МТС Беларусь, якія пападпісвалі маю дачку на кучу "левых" рассылак. Нават у МАРГ пісаў зварот, адкуль прыйшоў адказ, што яны пакладуць канец падобнай практыцы. І што вы думаеце? Толькі падлучыў меншага сына, як тут жа гэтыя ўш***кі ўзяліся за сваё - за 26 дзён спісалі 41 рубель.
Аказалася, што Янка паспеў падпісацца на "Женские штучки", правілы дарожнага руху і "Майстэрства тату". Блін, я шчыра жадаю, каб вам, дарагія МТСаўцы, рабілі тату майстры, якія па вашых SMS вучыліся!. Разлік просты і абсалютна гнюсны – дачакацца, пакуль пасля размовы дзіця або стары чалавек выпадкова не націсне не тую кнопку на кнопачным тэлефоне. Усё, SMS аўтаматычна адпраўлена!
Разумею, што ўсё вырашаецца выключэннем паслугі "Будь в курсе", але ж не заўсёды пра гэтую паслугу ўзгадваеш, калі падлучаеш нумар. А пакуль узгадаеш – гэтыя заразы паспеюць сабе хаця б пару дзясяткаў рублёў урваць».
🤔 А вы сутыкаліся з падобным «легальным метадам адбірання грошай» з боку беларускіх мабільных аператараў?
edited
💬 «Для мяне гульні з Лукашэнкам пад шыльдаю клопату пра палітвязняў непрымальныя. Гэта здраджвае наймацнейшых духам з нас»
Былая палітзняволеная Паліна Шарэнда-Панасюк (як раней і Эдуард Пальчыс) таксама адзначыла, што не мае энтузіязму адносна новых спробаў выцягнуць рэжым Лукашэнкі на дыялог дзеля вызвалення людзей.
«Я была апошняй палітзняволенай, якая размаўляла з Вольгай Маёравай. [...] Вользе было вельмі цяжка. Яна слепла. [...] На яе жоўтай бірцы канцом тэрміну значыўся 2042 год.
Мы хадзілі ўпрыцемках па марозе, ад плота да плота "лакалкі" і размаўлялі, размаўлялі. Вольга была шчаслівая, і я была шчаслівая гэтымі размовамі. Ведаеце, што сказала мне тады Вольга?
– "Я пратрымаюся, я ўсё выцерплю! Я гатовая быць тут – толькі б даціснулі Лукашэнку, толькі б гэта дапамагло скончыць з рэжымам!"
Я хачу сказаць усім, хто лямантуе, хто енчыць – такія людзі як Вольга Маёрава ў лукашысцкіх засценках таксама ёсць. [...]
Праблему беларускіх палітвязняў вырашыць толькі ліквідацыя рэжыму Лукашэнкі. Гнайнік мусіць быць выдалены хірургічным шляхам, а не прыпудраны».
☝️Афіцыйны Менск стаў закладнікам сваёй ваеннай рыторыкі – Крэмль націскае
Масква патрабуе ад Менску «дзеянняў на апярэджанне». Міністр абароны РФ Белавусаў прывёз у Беларусь сцэнар вялікіх вайсковых вучэнняў. Ён кажа пра развязанні на ўзроўні «галоўнакамандуючых», а генералы на нарадзе могуць толькі напружана слухаць.
🔍 Разбіраемся з гэтай сітуацыяй у праграме «Нацыянальны інтарэс». Гавораць Сяргей Пеляса, Зміцер Міцкевіч і Аляксандр Казак.
👆Карбалевіч мог быць у лазні з Ганчаром і Красоўскім у дзень іхнага знікнення
Палітычны аглядальнік прыгадаў дзень, калі выпадковы збег абставінаў, магчыма, выратаваў яму жыццё.
Пра два дні, якія ён запомніў назаўсёды, Валер Карбалевіч расказвае ў нашым відэа.
🎙А паслухаць размову цалкам можна ў нашай праграме «Мне толькі спытаць» на YouTube-канале «БЕЛСАТ LIFE»
edited
😨 Geely перакуліўся як дзіцячая цацка. У Менску няўважлівасць кіроўцы ў часе манёўру прывяла да ДТЗ
45-гадовая кабета, што кіравала легкавіком Opel, не пераканалася ў тым, што змяняе паласу для руху бяспечна – і зачапіла Geely, якім кіравала 31-гадовая жанчына.
Маладзейшую кіроўцу накіравалі ў больніцу для абследавання.
Усё здарылася на Партызанскім праспекце.
▶️Жывы эфір «Наш дзень»
Абмяркоўваем важнейшыя падзеі дня з нашымі журналістамі ды гасцямі студыі. Сёння гаворым пра зварот былых палітвязняў да Еўразвязу
Таксама ў выданні: змены ў выплаце аліментаў у Беларусі, вырак у справе Гараўскага, умовы ЗША для вяртання амбасады ў Менск.
Далучайцеся да нашага эфіру ⤵️
https://youtube.com/live/awvtyjxRNJo
🔌 Вось такі цуд інжынернай думкі прадаюць у полацкай краме «канфіскату»
З такой зарадкаю для тэлефону вы, без сумневаў, прыцягнеце да сябе ўвагу ў якой-кольвек кампаніі. І ўсё гэта толькі за 3 рублі!
✍️ Калі ж без жартаў, то карыстацца падобнай прыладаю смяротна небяспечна.
💬 «Вы ж бачылі, як Лукашэнка ў апошні раз падмануў Коўла наконт выпуску 200 нашых зняволеных»
Былы палітвязень Эдуард Пальчыс вельмі скептычна адрэагаваў на сваёй Facebook-старонцы на адкрыты ліст 73 іншых экс-палітзняволеных да Еўразвязу.
«Чамусьці інтуіцыя мне падказвае, што гэты "адкрыты ліст" будзе выкарыстоўвацца ў кулуарных размовах з еўрапейскімі дыпламатамі зусім іншымі асобамі. І вось ужо да гэтых асобаў (а не да падпісантаў ліста) у мяне ёсць канкрэтныя пытанні. [...]
Вы ж бачылі, як Лукашэнка ў апошні раз падмануў Джона Коўла наконт выпуску 200 нашых зняволеных. Людзі ўжо сабралі рэчы, іх чакалі родныя каля варотаў, але ў апошні момант усё адмянілі.
Я не ведаю, якое эга павінна быць у галаве тых людзей, якія сапраўды думаюць, што вось з імі нехта проста так сядзе пра нешта размаўляць. Тым больш, калі ў вас не будзе ніякага сур'ёзнага рычагу ціску.
Паверце, адна дзяржаўная бюракратыя будзе перамаўляцца з іншай, а не з людзьмі, якія не заўжды безпраблемна дакументы па легалізацыі могуць атрымаць.
Іншы момант – як нам вызваліць усіх? Абсалютна ўсіх? [...] Як нам даведацца пра ўсіх? Бо сістэма стала настолькі непразрыстай, што мы можам не бачыць новых палітычных вязняў. [...]
Я ўжо маўчу пра той пакет законаў і практык, які ператварыў Беларусь у лакальную "КНДР", дзе сілавік прама на вуліцы можа залезці ў тэлефон. Трэба думаць наперад і пра астатнія 9 мільёнаў, якіх мы пакідаем у вялізнай калоніі БССР 2.0»
Пальчыса ў каментарах пад пастом падтрымалі прафсаюзны лідар Аляксандр Ярашук ды журналістка Аксана Колб, якія таксама прайшлі праз рэпрэсіі. А Павел Севярынец адзначыў, што да яго аўтары ліста з просьбаю паставіць подпіс наогул не звярталіся.
💱 Курсы валютаў 26 кастрычніка
Беларускі рубель сёння нязначна ўмацаваўся ў дачыненні да ўсіх асноўных валютаў. Найбольш – да долара.
#курсывалютаў
⚽️ У Мёрах – свой «Залаты мяч»
Капітан мясцовага футбольнага клубу, які гуляе ў трэцім дывізіёне чэмпіянату Беларусі, атрымаў ад фан-сектару тазік свежых журавінаў з балота Ельня.
Якімі б крутымі ні былі Ламін Ямаль або Кіліян Мбапэ, такога трафею яны не здабудуць ніколі...
💁🏻♂️ Міністр падаткаў і збораў РБ расказаў, як ягонае ведамства «трасе» заможных грамадзянаў
Тым часам плошча пустой дзяржаўнай нерухомасці ў Беларусі працягвае расці. Ці можна неяк развязаць праблему?
І трохі міжнароднай палітыкі: лідарка венесуэльскай апазіцыі вярнулася на радзіму, а ў Сербіі Вучыча адхіляе ад улады палітычная сіла, што нарадзілася са студэнцкага руху.
👀 Глядзіце нашае выданне экспрэс-навінаў проста цяпер
👀 Маскаваўся пад таксіста, сустракаўся з КДБ у Будапэшце. Стала вядома больш пра Уладзіслава Надзейку, якога Польшча перадала Беларусі ў межах «шпіёнскага абмену»
У рэпартажы «Nowa zimna wojna» тэлеканалу TVP раскрываюцца падрабязнасці дзейнасці Надзейкі ў Польшчы. Мужчына жыў у Беластоку, куды перабраўся з Горадні пасля падзеяў 2020 года.
Жанчына, да бацькі якой у Беларусі пасля размоваў з Надзейкам прыходзілі сілавікі, расказала журналістам: шпіён хваліўся, што мае вялізныя сумы грошай, заробленыя дзякуючы кантрабандзе цыгарэтаў. Іх, маўляў, хопіць да канца жыцця.
Надзейка жыў у люксавых апартаментах у цэнтры гораду, за жытло плаціў толькі наяўнымі.
Галоўным поспехам шпіёна стала тое, што ён інфільтраваўся ў парамілітарную арганізацыю «Паспалітае рушэнне» ды здолеў перадаць сілавікам Лукашэнкі прозвішчы ейных чальцоў. Асабістыя сустрэчы Надзейкі з КДБістамі адбываліся ў Будапэшце, бо ў часы кіравання Віктара Орбана спецслужбы РБ і РФ маглі не перажываць за сваю бяспеку ў сталіцы Вугоршчыны.
Польская Агенцыя ўнутранай бяспекі затрымала Уладзіслава Надзейку ў верасні 2025 года. А сёлета ў красавіку мужчына стаў часткаю абмену, па выніках якога з турмы быў вызвалены Анджэй Пачобут.
edited
☝️Былога сілавіка Гараўскага швейцарскі суд прызнаў вінаватым у датычнасці да выкрадання Анатоля Красоўскага
Суд Санкт-Галэну пастанавіў пакараць Юрыя Гараўскага двума гадамі пазбаўлення волі ўмоўна. У справе аб выкраданні Юрыя Захаранкі былы баец САХРу быў апраўданы.
✍️ Бізнесовец Анатоль Красоўскі знік 16 верасня 1999 года. Разам з ім быў выкрадзены апазіцыйны палітык Віктар Ганчар. Ні Красоўскага, ні Ганчара ніколі не знайшлі ані жывымі, ані мёртвымі.
🔸Дзясяткі былых палітвязняў падпісалі адкрыты ліст з заклікам да Еўразвязу актыўней спрыяць вызваленню людзей з лукашэнкаўскіх турмаў
У тэксце, пад якім паставілі свой подпіс 73 асобы (у тым ліку Марыя Калеснікава, Ірына Слаўнікава, Марына Золатава ды іншыя публічныя экс-палітзняволеныя) нагадваецца пра тое, што Беларусь на сёння – краіна ці з не найбольшай колькасцю палітвязняў у свеце.
«Мы заклікаем Еўрапейскі звяз стаць актыўным удзельнікам працэсу вызвалення палітвязняў і спынення рэпрэсій у Беларусі. Мы просім выкарыстоўваць для гэтага ўсе даступныя сродкі: дыпламатычныя каналы, перамоўныя фарматы, ціск і стымулы, публічную і закрытую працу. Няхай гэтыя намаганні будуць паслядоўнымі і скаардынаванымі, а вызваленне людзей стане пастаянным пунктам парадку дня ў любым кантакце з Менскам і ў любых размовах пра будучыню адносін з Беларуссю. [...]
Вызваленне павінна быць часткай устойлівага рашэння, а не разавым эпізодам. Людзі, якія выходзяць на волю, не павінны апынацца ў вымушаным выгнанні без права вярнуцца, а тыя, хто застаецца, не павінны жыць пад пагрозай новага арышту. [...]
Дыялог пра людзей і каштоўнасці павінен весціся разам з беларускім грамадствам. Мы заклікаем ЕС слухаць розныя галасы беларусаў, у тым ліку тых, хто прайшоў праз турму, і ўлічваць іх досвед пры выпрацоўцы рашэнняў».
Марына Золатава таксама апублікавала на сваёй старонцы ў Facebook аргументы для магчымых крытыкаў адкрытага ліста:
«Я пастаянна чую "толькі ціск", "толькі санкцыі". Мінула 6 гадоў. Што змянілася?
Я вам скажу, што змянілася. 9 чалавек ужо памерлі, шмат у каго разбуранае здароўе, шмат у каго – сем'і.
Найбольш нас цяпер хвалююць дзве тэмы: вызваленне людзей і спыненне рэпрэсіяў. Таму мы і напісалі гэты ліст.
Мы нідзе не гаворым пра адмену санкцыяў. Дылема "альбо санкцыі, альбо перамовы" – ілжывая. Мы гаворым пра тое, што людзей трэба ратаваць».
😨 У Бабруйскім раёне мужчына зваліўся ў калодзеж і загінуў
Гэта здарылася сёння ўначы ў вёсцы Узнога. Мясцовая жыхарка пачула на падворку дзіўныя гукі, а калі выйшла з хаты – пабачыла, што на калодзежы адсутнічае металічная накрыўка, што была там раней.
Жанчына зазірнула ўглыб і пабачыла ўнізе свайго 70-гадовага мужа без прыкметаў жыцця. Ратаўнікі дасталі ягонае цела з калодзежа каля 5-й раніцы.
Папярэдне, незадоўга да трагедыі загінулы ўжываў алкагольныя напоі.
📷 Фота ілюстрацыйнае
🇺🇦 Зяленскі назваў тры ўмовы, пры якіх Украіна спыніць удары па расейскіх НПЗ
Прэзідэнт Украіны заявіў, што атакаваць расейскую нафтавую інфраструктуру даводзіцца ў адказ на ўдары па ўкраінскай энергетыцы.
Паводле Уладзіміра Зяленскага, Кіеў можа адмовіцца ад удараў па НПЗ, калі будуць выкананыя тры ўмовы:
Расея сапраўды спыніць атакі на энергетычную інфраструктуру Украіны;
Starlink адкрые сувязь над тэрыторыяй Расеі для супрацьдзеяння расейскім ракетным устаноўкам;
Украіна атрымае дастатковую колькасць ракет-перахопнікаў для комплексаў Patriot.
«Яны знішчаюць нашу электраэнергію – нам балюча. А што балюча ім? Нафта, дызель, паліва», – сказаў Зяленскі.
Раней Доналд Трамп неаднаразова крытыкаваў украінскія ўдары па расейскіх НПЗ, сцвярджаючы, што яны ўплываюць на цэны на паліва.
edited
Ягоныя кнігі раскуплялі за некалькі тыдняў, а ягоныя вершы разышліся на цытаты
26 кастрычніка нарадзіўся Анатоль Сыс – адзін з самых яркіх і самабытных беларускіх паэтаў канца ХХ стагоддзя.
Пры яго жыцці выйшлі толькі тры зборнікі, але творчасць Сыса паўплывала на цэлае пакаленне беларускіх літаратараў.