Белсат ✔

@belsat · Belarusian · active

Белсат - першы незалежны беларускі тэлеканал. Працуем з 2007 году. Кантакт з Белсатам у ТГ толькі праз асабістыя паведамленні ў гэты канал. ↓ Важныя спасылкі ↓ 📲 cde34rfv.ovh taplink.cc/belsat

Subscribers 14.6K Subscribers, last 30 days: 14.6K → 14.6K +0 24h
Reach per post (ERR) 11.0%1.6K avg views
Posting 37.2/day last 41 minutes ago
Reactions per 1K views 14.6 ❤ 🤬 😢
  1. 🇰🇿 Пасля масавай загібелі вайскоўцаў на Каспійскім моры ў Казахстане абвесцілі дзень жалобы Учора паведамлялася, што падчас вучэнняў у Мангістаўскай вобласці зніклі 19 чалавек, 9 з якіх пазней знайшлі мёртвымі. Цяпер лічбы больш дакладныя – у адкрытыя воды вынесла 17 вайсковаслужбоўцаў, загінулі 12 з іх. Яшчэ траіх удалося выратаваць. Лёс двух дагэтуль невядомы. Што дакладна сталася прычынаю трагедыі – казахстанскія чыноўнікі і дзяржаўныя медыі не раскрываюць. Вядома толькі, што па факце здарэння заведзеныя крымінальныя справы за «Нядбайнае стаўленне да службы, што пацягнула цяжкія наступствы» і за «Парушэнне правілаў кіравання караблямі».

  2. edited

    🙂 У менскім метро заўважаны сабака, што патроху эвалюцыянуе ў чалавека Прынамсі, за поручань падчас руху трымацца ўжо ўмее. Скіл, які нават не ўсе людзі яшчэ пракачалі 💁🏻‍♂️

  3. edited

    Беларуска патрабуе праўды пра забойства мужа Карыстальніца Threads Ангеліна напісала допіс з заклікам прыцягнуць увагу да расследавання ягонай смерці. Паводле яе, 28 снежня 2025 года ейнаму мужу нанеслі цяжкія цялесныя пашкоджанні, якія прывялі да смерці. Адбылося гэта ў начны час у кафэ-бары «Фортуна» у Горадні. 💬 «Прыбылыя супрацоўнікі не ў поўнай меры выканалі ўскладзеныя на іх абавязкі па ўстанаўленні абставін здарэння і правядзенні першасных дзеянняў, накіраваных на фіксацыю доказаў». Жанчына піша, што сведак не апыталі належным чынам і нават не забралі запісы з камер відэаназірання. Таксама на месца злачынства, паводле яе, не прыехаў судова-медыцынскі эксперт. Пытанні былі і да паказанняў сведак. 💬 «Падчас допыту загадчыцы ў якасці сведкі апошняя давала супярэчлівыя паказанні, у дакладнасці якіх у мяне ёсць сумневы, паколькі яна з'яўляецца знаёмай кампаніі падазраванага». Ангеліна піша, што неаднаразова прасіла праверыць тэлефонныя званкі загадчыцы з асобамі з кампаніі падазраванага, аднак атрымлівала адмовы. 💬 «Следства па гэтай справе ідзе ўжо больш чым паўгода, а вынікаў фактычна няма ніякіх. Само расследаванне неаднаразова прыпынялася і пасля маіх скаргаў зноў аднаўлялася. Я неаднаразова звярталася да кіраўніцтва СК, а таксама ў органы пракуратуры, каб справу перадалі расследаваць у ўпраўленне Следчага камітэту па Гарадзенскай вобласці. Аднак мне адмовілі і ў гэтым».

  4. Сікорскі: Расея рыхтуе нешта вялікае Кіраўнік МЗС Польшчы заявіў, што атрымлівае інфармацыю пра падрыхтоўку Расеяй нейкіх дзеянняў ужо ў гэтым годзе. Міністр дадаў, што не раскрывае крыніцаў, але адзначае, што іх шмат. «Мы таксама думаем, што грамадская думка існуе нават у дыктатурах, і я лічу, што Пуціну патрэбная падстава для мабілізацыі. Таму яны могуць правесці атаку пад чужым сцягам, каб сказаць расейцам: "На нас напалі, і таму мы павінны мабілізавацца"», – заявіў кіраўнік польскага МЗС. Радаслаў Сікорскі таксама дадаў, што «беларусы вельмі занепакоеныя ўцягваннем у вайну». Нагадваем, 23 верасня ўпершыню за 11 гадоў адбылася сустрэча міністраў замежных спраў Польшчы і Беларусі.

  5. Максім Рыжанкоў працуе над бязвізам для беларусаў у КНДР Кіраўнік МЗС Беларусі сустрэўся з паўночнакарэйскім калегам на палях Генасамблеі ААН. Бакі адзначылі «новы ўзровень, на які выйшлі краіны». «Падкрэслілі, што іх аснову складаюць сяброўскія і даверлівыя адносіны паміж лідарамі дзвюх краін», – адзначыла прэс-служба МЗС Беларусі. Акрамя абмеркавання адкрыцця беларускай амбасады ў Пхеньяне, міністры дамовіліся ўзмацніць намаганні ў пытанні бязвізавага рэжыму для грамадзян Беларусі і КНДР.

  6. edited

    Украінскія дроны атакавалі нафтазавод у Пермі Пад удар трапіла прадпрыемства «Лукойл-Пермнефтеоргсинтез», якое з’яўляецца адным з буйнейшых у Расеі і перапрацоўвае 13 млн тон нафты ў год. Мінулы раз гэты НПЗ гарэў у канцы жніўня. Акрамя таго, паводле ўкраінскіх тг-каналаў, быў атакаваны «Завод Искра» ва Ульянаўску, які выпускае электронную прадукцыю, у тым ліку для ваенных мэтаў. Як піша ASTRA, у Варонежы таксама пад удар трапіла прадпрыемства «Воронежсинтезкаучук», побач з якім можа знаходзіцца пазіцыя комплексаў С-300/С-400. Інфармацыі пра пацярпелых няма.

  7. ☕️ Вітаем, шаноўныя! Сабралі для вас найбольш цікавыя матэрыялы «Белсату», які вы маглі прапусціць: 🔺 Севярынец – пра раскол і перазапуск партыі Былы палітвязень распавёў, хто сёння кіруе БХД, чаму яе разарвалі ўнутраныя канфлікты і на якія грошы існуе партыя. Чытайце тут, калі вы ў Беларусі 🔺 Калі ў NATO лопне цярпенне? Падпалы, выбухі на чыгунках, кібератакі, дроны – краіны ЕЗ звязваюць усё больш такіх эпізодаў з Расеяй. Дзе праходзіць чырвоная лінія для расейскіх дыверсіяў – разбяромся па спасылцы. Чытайце тут, калі вы ў Беларусі 🔺 Што не так з арэндным жыллём у Беларусі? Лукашэнка правёў нараду наконт арэндных кватэр, на якой высветлілася, што шмат такога жылля пустуе. Аднак кошты ўсё роўна павышаюцца. Прааналізавалі сітуацыю з нерухомасцю на нашым сайце. Чытайце тут, калі вы ў Беларусі #штопачытаць

  8. edited

    🤦‍♀️ Студэнтаў ЕГУ ў Беларусі пачалі абмяжоўваць падпіскамі аб нявыездзе Паводле нашых крыніцаў, супраць студэнтаў «экстрэмісцкага» ўніверсітэту, якія знаходзіліся ў Беларусі, ужылі новую форму рэпрэсіяў. «Белсату» вядома пра некалькі такіх выпадкаў. Наколькі гэтая з’ява масавая, пакуль невядома. Падрабязнасці чытайце па спасылцы 🔗 Спасылка для чытачоў з Беларусі

  9. edited

    ☝️ Грыбы і ягады на Гомельшчыне «фаняць» У Гомельскай вобласці знайшлі грыбы і ягады з перавышэннем нормы цэзію-137 у 51 раз. Небяспечныя ўзроўні выявілі ў Брагінскім, Кармянскім, Нараўлянскім і Светлагорскім раёнах. Адмыслоўцы нагадваюць, што радыеактыўнае забруджванне нельга выявіць вонкава, таму сабраныя ў гэтых раёнах грыбы і ягады варта правяраць на ўтрыманне радыенуклідаў. ☝️

  10. edited

    🤷 «Добры дзень. Я замініраваў будынак» Пра гэта ў міліцэйскі чат-бот паведаміў 14-гадовы школьнік са Слуцка. Нібыта, выбухоўку ён падклаў у шпіталь і школу ды запатрабаваў выкуп. «Я чакаю выкуп ці актывую гексагенную бомбу», – прыгразіў падлетак. «Бамбіста» неўзабаве знайшлі праз набыты акаўнт у Telegram. Да таго часу 14-гадовы школьнік паспеў пахваліцца сябрам сваёй «вынаходлівасцю». Распачатая крымінальная справа. Бацькам «тэрарыста» давядзецца кампенсаваць грошы, выдаткаваныя на працу экстраных службаў. ☝️

  11. 🫠 «Чаму так шмат плаціць за крэдыт, калі мы шматдзетныя і нам належыць бясплатнае жытло?» Гісторыя вырашэння «кватэрнага пытання» сям'і з Фаніпалю падзяліла меркаванні ў беларускім Threads. Паглядзіце, у чым справа 👌 І вырашайце, на чыім баку тут вы 💁🏻‍♂️

  12. edited

    Памерла французская акторка Марына Уладзі Яна шмат здымалася ў кіно, была вядомай акторкай і таксама была жонкай расейскага актора і спевака Уладзіміра Высоцкага. З пачатку 50-х гадоў мінулага стагоддзя Марына Уладзі мела галоўныя ролі ў папулярных фільмах. Здымалася з Марчэла Мастраяні і іншымі зоркамі сусветнага кіно. Марына Уладзі нарадзілася ў Францыі ў сям'і расейскіх эмігрантаў у 1938 годзе. З Высоцкім яны пашлюбаваліся ў 1970 годзе і да ягонай смерці жылі на дзве краіны – Францыю і СССР. Пасля смерці Высоцкага ў 1980 годзе Марына напісала кнігу ўспамінаў «Уладзімір, або Перарваны палёт». Свайго расейскага мужа францужанка перажыла на 46 гадоў.

  13. 💥 #галоўнае за 24 верасня ✔️На свабоду выйшлі 15 зняволеных, у тым ліку 13 асуджаных за «палітыку» ✔️У Дзярждэпартаменце ЗША прайшла сустрэча Джона Коўла і Анджэя Пачобута ✔️Непадалёк Варшавы гарэла наземная станцыя Starlink, разглядаецца версія падпалу ✔️Часовы павераны ў справах РБ у Вільні атрымаў чарговую ноту пратэсту ад МЗС Літвы ✔️Сі Цзіньпін упершыню з 2015 года прыляцеў з візітам у Злучаныя Штаты ✔️Дыверсіі ў Еўропе сталіся звычайнай справаю. Якім чынам NATO можа адказаць ды ці будзе адказваць увогуле? ✔️Беларускую хрысціянскую дэмакратыю праз месяц чакае «перазагрузка». Вялікая размова з Паўлам Севярынцам ✔️Украіна перадала Паўднёвай Карэі двух палонных вайскоўцаў КНДР ✔️Жыхарка Камянецкага раёну знайшла дзіўны металічны кавалак у буханцы хлебу. На хлебазаводзе патлумачылі, адкуль узялася «начынка» ✔️Казахстанскіх вайскоўцаў вынесла ў Каспійскае мора падчас вучэнняў – прынамсі 9 чалавек загінулі ✔️Мужчына, узброены мачэтэ, атакаваў людзей у польскім кляштары. Адзін чалавек загінуў ✔️Латвія забараніла вяшчанне «Радыё Беларусь» на сваёй тэрыторыі. Мінінфарм РБ адрэагаваў на гэта з «рашучым асуджэннем» ✔️У Круглым на Магілёўшчыне расфармавалі папраўчую ўстанову адкрытага тыпу ✔️Смяротнае ДТЗ на Віцебшчыне: сутыкнуліся два нямецкія легкавікі, у адным з іх загінула пасажырка

  14. 👀 Яшчэ адзін экспанат у калекцыю жывёлаў, якіх можна спаткаць на айчынных дарогах Учора ўвечары ў Бешанковіцкім раёне кіроўцу прымусіў прытармазіць янотавідны сабака. 🔍 А хто са свету фаўны трапляўся на беларускіх дарогах вам? 📹 Відэа: Витебск. Главное!

  15. ☝️У Польшчы сталі затрымліваць істотна больш парушальнікаў міграцыйнага заканадаўства. Беларусы не ў «топе», але і не ў «хвасце» Сёлета (з 1 студзеня па 1 верасня) агулам было затрымана 400 нашых суайчыннікаў, што мелі праблемы з дакументамі легалізацыі. Гэта значна меней у параўнанні з украінцамі (іх затрымалі 2200), аднак беларусы ў любым выпадку апынуліся на чацвёртым радку гэтага сумнеўнага «рэйтынгу». У тройку ж, акрамя ўкраінцаў, патрапілі калумбійцы (нечакана) і грамадзяне Грузіі. ✅ Больш інфармацыі па тэме шукайце тут 🔗 Спасылка для чытачоў з Беларусі

  16. 😨 У Менску кіроўца «Škoda» заехаў на паркінг незвычайным спосабам 42-гадовы мужчына прабіў сваім легкавіком агароджу падземнай паркоўкі на праспекце Дзяржынскага каля скрыжавання з вуліцаю Шчорса. Папярэдне, ён адчуў сябе кепска за стырном. Кіроўцу даставілі ў больніцу для абследавання. Акрамя ягонага аўта і агароджы паркінгу пацярпелых не было.

  17. 📞 Амаль як у Лондане. У Магілёве зноў ёсць таксафон, але працуе ён ужо паводле сучасных тэхналогіяў «Апгрэйднутая» савецкая тэлефонная будка з'явілася на вуліцы Арджанікідзэ. Каб скарыстацца таксафонам, варта падключыць да яго свой смартфон праз Bluetooth. А экстраныя службы ў выпадку неабходнасці можна выклікаць «па-старынцы».

  18. edited

    ☝️На волі яшчэ 15 чалавек. Што вядома на гэты момант? 🤔 Святлана Ціханоўская ў Генасамблеі ААН. Ці перасячэцца яна там з прадстаўнікамі Менску? 🙋🏼‍♂️🙎🏻‍♂️ Доналд Трамп асабіста сустракаў Сі Цзыньпіна ля трапа самалёта. ЗША і Кітай дамовіліся працягнуць «гандлёвае перамір’е». А што яшчэ? 📺 Усё самае важнае глядзіце ў Студыі Белсату!

  19. edited

    🛴12-гадовы хлопец скраў электрасамакат проста з фае інтэрнату 45-гадовы жыхар аднаго з пасёлкаў у Салігорскім раёне пакінуў «сродак персанальнай мабільнасці» (так афіцыйна яго называюць у зводках міліцыі) на першым паверсе інтэрнату ўвечары. А зранку на тым жа месцы нічога не знайшоў. Дзякуючы камерам відэаназірання неўзабаве было высветлена, што самакат скрала 12-гадовае дзіця, што прыехала пагасціць у пасёлак з Салігорску. Хлопец вырашыў «проста пакатацца». Крымінальнай справы ў дачыненні яго распачаць не могуць (бо злачынцу яшчэ не споўнілася 14 гадоў), аднак паставяць на ўлік у камісію па справах няпоўнагадовых.

  20. 🤪 Ігар Случак працягвае «паляванне» на чыноўнікаў, што ігнаруюць беларускую мову І робіць гэта без усялякага «беспределу» – цалкам законным спосабам. Азаронак, што з тварам?

  21. Older posts