Важныя падзеі і сэнсы серады, 7 кастрычніка, у праграме ЕЎРАЗУМ: 01:12 Шпіёнскі скандал у Германіі: за што затрымалі былога кіраўніка разведкі? 14:36 Навіны спорту 17:02 2,5 тысячы "палітычных", 885 палітвязняў. Ці варта і далей разлічваць на дапамогу ЗША? 23:03 Навіны шоў-бізу 26:17 Канфлікт на беларуска-латвійскай мяжы — тэрарызм ці звычайная дыверсія? Сэнсы дня: глядзіце кароткае відэа пра важныя падзеі гэтай серады
Еўрарадыё | Еврорадио ✔
Хутка, чотка і па-беларуску. Падтрымаць нас: buymeacoffee.com/euroradio Напісаць ананімна ў рэдакцыю: @euroradio_minsk Нашы суполкі ў сацсетках: TikTok: tiktok.com/@euroradio FB: facebook.com/euroradio.fm Instagram: instagram.com/euroradio
-
-
"Было добрае пачуццё — аднаўляць дамы, якія разбурыў наш вермахт". Мы знайшлі ўспаміны нямецкага салдата, які трапіў у палон падчас аперацыі "Багратыён", а пасля вайны адбудоўваў разбураны Віцебск. Магчыма, яго брыгада ўзнімала з руінаў і дом Марка Шагала: https://euroradio.fm/gistoryya-zhyccya-saldata-vermakhta-yaki-u-40-kh-adnaulyau-vicebsk-magchyma-i-dom-shagala Спасылка, якая працуе без VPN
-
"У Мінску няма латвійскіх дыпламатаў, а ў Рызе — беларускіх. То-бок, латвійскім уладам нават няма каго выклікаць у МЗС, каб зачытаць ноту пратэсту". Палітычны аглядальнік Аляксандр Фрыдман разважае пра магчымыя наступствы правакацыі на мяжы з Беларуссю, пра якую сёння заявілі ў Латвіі. Цалкам свежы стрым з Фрыдманам глядзіце тут: https://www.youtube.com/watch?v=Del-n7-lXaQ
-
Брэсцкі бізнесмен паспяхова працуе ў Еўропе — і адначасова рамантуе дарогі ў Крыме. Удзельнік топ-100 уплывовых і паспяховых бізнесменаў Беларусі Дзмітрый Чарненка сядзіць адразу на ўсіх крэслах. Акрамя Крыма, ягоная “БТіМ-Казань” актыўна працуе ў прыфрантавых рэгіёнах Расіі: https://euroradio.fm/brescki-biznesmen-paspyakhova-pracue-u-europe-i-adnachasova-ramantue-darogi-u-kryme Спасылка, якая працуе без VPN
-
"Фактычна гэта спайка дзяржаўнага апарата з сілавым блокам. Ці гэта патрэбна ў мірны, спакойны час?". Кіраўнік Народнага антыкрызіснага ўпраўлення Павел Латушка тлумачыць, навошта ў кіраўніцтва абласцей і Мінска дадалі прадстаўнікоў КДБ і Камітэта дзяржкантролю. Цалкам сённяшні стрым з Паўлам Латушкам глядзіце тут: https://www.youtube.com/watch?v=pMPgg83-xQg
-
Еўрасаюз зняў санкцыі з расійскага бізнесоўца Міхаіла Гуцэрыева і беларускага прадпрымальніка Віктара Шаўцова. Абодва былі ўнесеныя ў "беларускі чорны спіс", і абодва аспрэчвалі ўвядзенне санкцыяў праз суды ЕС. Уласна, з перамогамі прадпрымальнікаў у судах і звязаная палёгка. У Еўрасаюзе палічылі слабымі юрыдычныя падставы для захавання санкцыяў. Пры гэтым Гуцэрыеў (на фота) усё адно застанецца пад санкцыямі. 23 ліпеня 2026 года ён трапіў у асобны спіс, звязаны з расійскай агрэсіяй супраць Украіны. А вось Шаўцоў у іншых спісах не фігуруе. Разам з тым, ЕС рыхтуе найбуйнейшае пашырэнне санкцый супраць Расіі. Пад абмежаванні патрапяць больш за 1600 фізічных і юрыдычных асоб. Асобна ў спіс будуць уключаны 77 палітыкаў, якія ўдзельнічалі ў выбарах у Дзяржаўную думу РФ на акупаваных тэрыторыях Украіны. Санкцыі прадугледжваюць замарожванне актываў і забарону на ўезд у ЕС. Канчатковае рашэнне плануецца зацвердзіць 12-га кастрычніка.
-
"Калі ў Польшчы будуць вынікі — дыялог з Лукашэнкам могуць адкрыць і іншыя краіны Еўрасаюза". Экспертка ў міжнароднай палітыцы Роза Турарбекава мяркуе, што шмат хто цяпер сочыць за тым, ці расквітнее "пралеска". Цалкам свежы стрым са спадарыняй Турарбекавай глядзіце тут: https://www.youtube.com/watch?v=PUItOK4XDRo
-
М'янма хоча ўзяць крэдыт у Лукашэнкі. І набыць за яго беларускія ж тавары, тэхніку і паслугі. То-бок, м'янмарская хунта — неплацёжааздольная, але Мінск так хоча ёй хоць што-небудзь прадаць, што гатовы заплааціць сам сабе: https://euroradio.fm/myanma-khocha-uzyac-kredyt-u-lukashenki Спасылка, якая працуе без VPN
-
Падчас нелегальных гонак пад Слуцкам сутыкнуліся сем аўтамабіляў. У адной з удзельніц "правалілася" педаль тормаза. Пацярпелі чатыры чалавекі. У адной з ахвяраў непапраўна знявечаны твар: https://euroradio.fm/sk-pavedamiu-padrabyaznasci-masavaga-dtz-na-nelegalnykh-gonkakh-pad-sluckam Спасылка, якая працуе без VPN
-
У Беларусь перавязуць... асфальтабетонны завод з Расіі. Гаворка пра вытворчасць у кантэйнерным выкананні, сабраную нямецкім брэндам Benninghoven. Цяпер завод знаходзіцца ў Ліпецку. Гомельскі дарожна-будаўнічы трэст №2 шукае, хто б узяўся перавезці яго ў нашу краіну. На працэдуру закупкі звярнуў увагу @flagshtok. Адрасам пастаўкі ўказаны Калінкавіцкі раён, Сыродскі сельсавет, 4/1. Мяркуючы па ўсім, туды і плануюць рэлакаваць завод. Каб зрабіць гэта, спатрэбіцца 11 рэйсаў еўрафур для зборнага грузу і 33 рэйсы пляцовак. У склад грузу ўваходзяць шматтонныя габарытныя канструкцыі: прыёмны бункер, сушыльны барабан, элеватар і іншыя.
-
Нацыянальныя інтарэсы vs маральнасць: што выбраць і як не згубіць Беларусь? Стрым з кіраўніком НАУ Паўлам Латушкам Заклікі Паўла Латушкі да Еўрасаюза ўвесці новыя санкцыі супраць “Беларуськалію” праз датычнасць апошняга да незаконнага вывазу ўкраінскіх дзяцей выклікалі абурэнне з боку Валерыя Кавалеўскага. Маўляў, трэба думаць найперш пра нацыянальныя беларускія інтарэсы, а не пра інтарэсы іншых краін. А яны пра свае інтарэсы няхай клапоцяцца самі. Гэтая дыскусія пра нацыянальныя інтарэсы выглядае актуальнай на фоне перамоў Варшавы з Мінскам, іншых непублічных (пакуль) кантактаў беларускага боку з еўрапейскімі палітыкамі і дыялогу рэжыму Лукашэнкі з Вашынгтонам. Ці адпавядаюць патрабаванні накласці санкцыі на беларускае прадпрыемства “за ўкраінскіх дзяцей” нашым нацыянальным інтарэсам? Зыходзячы з чыіх інтарэсаў асобныя еўрапейскія краіны пачынаюць дыялог з рэжымам Лукашэнкі? Калі і на чыіх умовах можа адбыцца сустрэча Лукашэнкі і Трампа? Размаўляем пра гэта з кіраўніком Народнага антыкрызіснага ўпраўлення, намеснікам кіраўніцы Аб’яднанага пераходнага кабінета Паўлам Латушкам: https://www.youtube.com/watch?v=pMPgg83-xQg
-
Больш за 2,5 тысячы чалавек асуджаныя ў Беларусі па крымінальных справах за "экстрэмізм" з пачатку 2025 года. Лічбу, выступаючы ў парламенце, агучыў генпракурор Дзмітрый Гара. Ён дадаў, што сілавікі працягваюць "прымаць меры па прыцягненню да крымінальнай адказнасці ўсіх асобаў, якія ўчынілі экстрэмісцкія і тэрарыстычныя злачынствы з 2020 года". Паводле праваабарончага цэнтру “Вясна”, пасля прэзідэнцкіх выбараў 2020 года ў Беларусі зафіксавана больш за 100 тысяч выпадкаў палітычна матываванага пераследу. Па палітычных крымінальных справах пакараныя не менш за 10 тысяч чалавек.
-
Тры гады таму ўлады забаранілі грамадзянам Беларусі афармляць пашпарты за мяжой. Скончыўся пашпарт — едзь па месцы рэгістрацыі, ідзі ў пашпартны стол, запаўняй форму 1, вось гэта ўсё. Нават калі ты ў жывеш у Аргентыне ці ў Кітаі. Так улады хацелі адпомсціць сваім апанентам. Але вядоўцы "Клуба галоўных рэдактараў" на @Bel_Tomorrow звяртаюць увагу, што якраз "палітычныя" добра ведаюць, як жыць за мяжой без пашпартоў. Затое з рэальнымі праблемамі сутынкуліся тысячы "нейтральных" беларусаў. Больш цікавых абмеркаванняў глядзіце ў "Клубе галоўных рэдактараў": https://www.youtube.com/watch?v=p7PkBx9L1xA
-
edited
Актор з фільма "Купала" выйграў фэст фільмаў, знятых з дапамогай AI. У яго стужцы "Першы шчыры дзень" учынкі змяняюць знешнасць чалавека: добрыя — у лепшы бок, дрэнныя — у горшы. Разам з гран-пры казахскага кінафэста AAIFF Мікалай Шастак атрымаў 201 млн тэнге — каля 450 тысяч долараў. Агулам у фэсце ўдзельнічалі 8067 фільмаў са 125 краінаў. Пераважна з ЗША і Кітаю. Мікалай Шастак жыве ў Латвіі. Ён знаёмы беларусам па галоўнай ролі ў драме "Купала" Уладзіміра Янкоўскага.
-
Агентура паўсюль: былы кіраўнік нямецкай разведкі аказаўся… шпіёнам. Стрым з Аляксандрам Фрыдманам Былы кіраўнік Федэральнай разведвальнай службы Германіі Аўгуст Ханінг трапіў у шпіёнскі скандал, які ўжо называюць найгучнейшым у Еўропе XXI стагоддзя. 6 кастрычніка ён быў затрыманы па падазрэнні ў супрацоўніцтве з замежнымі спецслужбамі і дзяржаўнай здрадзе. Як паведамляе часопіс Der Spiegel, Ханінг перадаваў аналітычныя матэрыялы, падрыхтаваныя на аснове сакрэтнай разведвальнай інфармацыі, у Азербайджан. Не Расія, канешне, і не Кітай, але тым не менш… Чым адметны скандал з удзелам былога кіраўніка нямецкай разведкі? Хто стаіць за “школьнымі пратэстамі” ў Францыі і за антымігранцкімі пратэстамі ў Літве? Гэтыя ды іншыя тэмы абмяркоўваем з палітычным аглядальнікам, гісторыкам Аляксандрам Фрыдманам: https://www.youtube.com/watch?v=Del-n7-lXaQ
-
"Правакацыя была дэманстратыўнай і агрэсіўнай". Людзі ў масках пранікілі з тэрыторыі Беларусі ў Латвію, пашкодзілі размеркавальную шафу і выкралі камеры назірання. Перад гэтым яны штурхалі з бок Латвіі мігрантаў: https://euroradio.fm/pravakacyya-byla-demanstratyunay-i-agresiunay-latviya-ne-puscila-nelegalau-z-belarusi Спасылка, якая працуе без VPN
-
Беламу дому агучылі ўмовы, на якіх "Лукашэнка згодны сустрэцца з Трампам". Не наадварот, не пераблытайце! Стрым з эксперткай у міжнароднай палітыцы Розай Турарбекавай Лукашэнка не супраць сустрэцца з Дональдам Трампам. Але "не любой цаной". І не з "пазіцыі таго, хто просіць". З такой заявай выступіў кіраўнік МЗС Максім Рыжанкоў. Трампа тым часам цікавіць зусім не Беларусь — ён хоча сазваніцца з Пуціным, каб даведацца, ці выпусціла Расія на свабоду вірус чумы. Лукашэнка ж сёння сазваніўся з Пуціным — павіншаваў таго з днём нараджэння. Але ці запытаўся пра чуму — яго прэс-служба не паведамляе. Што азначаюць насамрэч словы Рыжанкова, на каго яны разлічаныя? Па якіх кутах еўрапейскія палітыкі хаваліся ад беларускага міністра і ці не варта ім і надалей працягваць гэта рабіць? Як вайна ўплывае на наладжванне адносінаў ЕС з Мінскам і ці варта чакаць кардынальных зменаў? Распытваем пра гэта кандыдатку гістарычных навук Розу Турарбекаву: https://www.youtube.com/watch?v=PUItOK4XDRo
-
Нобелеўскую прэмію па хіміі за 2026 год уручылі за даследаванні асіметрычнага арганічнага сінтэзу. Яе атрымалі французскамі хімік Анры Каган і японскі навуковец Кэнса Сааі. Яны "адкрылі нелінейныя эфекты і аўтакаталіз у асіметрычным арганічным сінтэзе". Такая фармулёўка змешчаная на сайце ўзнагароды.
-
edited
З-пад завалаў разбуранага расійскай ракетай пад'езда ў Прылуках Чарнігаўскай вобласці дасталі целы траіх дзяцей. Агульная колькасць загінулых у выніку расійскага ўдару вырасла да дзевяці чалавек, пацярпелых — да 38. Пошукавыя работы працягваюцца. Уладзімір Зяленскі назваў разбурэнне жылога дома ў Прылуках падарункам Пуціну на дзень нараджэння ад расійскага войска. Таму сёння спаўняецца 74 гады.
-
Ужо тыдзень у Дзяржынску з кранаў ліецца брудная вада. Вось такая, як на фота. Гараджанам рэкамендуюць адстойваць і кіпяціць яе — і толькі тады піць. Праз перапады ціску ў трубаправодах адбылося "натуральнае ўзмучванне донных адкладаў": https://euroradio.fm/nekalki-dzyon-u-dzyarzhynsku-z-kranau-idze-brudnaya-vada Спасылка, якая працуе без VPN
- Older posts