Белсат ✔

@belsat · Belarusian · active

Белсат - першы незалежны беларускі тэлеканал. Працуем з 2007 году. Кантакт з Белсатам у ТГ толькі праз асабістыя паведамленні ў гэты канал. ↓ Важныя спасылкі ↓ 📲 cde34rfv.ovh taplink.cc/belsat

Subscribers 14.6K Subscribers, last 30 days: 14.6K → 14.6K +0 24h
Reach per post (ERR) 11.1%1.6K avg views
Posting 37.0/day last 21 minutes ago
Reactions per 1K views 14.7 ❤ 🤬 😢
  1. 💥 Двух беларусаў і ўкраінца абвінавачваюць у дыверсіі ў Румыніі Іх падазраюць у датычнасці да пажару каля румынскага абароннага прадпрыемства CARFIL SA. Пра гэта паведамляюць румынскія спецслужбы. Пажар адбыўся ў верасні ў горадзе Брашаве. Паводле следства, двое падазраваных затрыманыя ў Нямеччыне, дзе, як сцвярджаюць следчыя, рыхтаваліся да падобных дзеянняў у Румыніі ды краінах Еўразвязу. Трэцяга знайшлі ў Польшчы, ордар на яго арышт выдалі 26 кастрычніка.

  2. ⚽️ Гары Кейн атрымаў «Залаты мяч» Нападнік «Баварыі» і зборнай Англіі Гары Кейн стаў уладальнікам галоўнай індывідуальнай футбольнай узнагароды. У сезоне 2025/26 англійскі форвард забіў 73 галы за клуб і зборную, што стала адным з найлепшых паказчыкаў у сусветным футболе. Для 33-гадовага Кейна гэта першы «Залаты мяч» у кар'еры.

  3. 🍂 Лістапад у Беларусі: падаражэнне камуналкі, новыя штрафы і большыя пенсіі Апошні месяц восені прынясе беларусам адразу некалькі важных змен. У жыроўках упершыню адчуюць павышэнне тарыфаў на ацяпленне, камеры пачнуць аўтаматычна штрафаваць за адсутнасць тэхагляду, а пенсіянерам давядзецца развітацца з сезоннай ільготай на электрычкі. Сабралі ўсе асноўныя змены лістапада: ад пенсіяў і падаткаў да аўто, відаў на жыхарства і школьных канікулаў: 👉️️️️️️ Чытайце на сайце «Белсату» 🔗️️️️️️ Гэты лінк працуе з Беларусі

  4. 🔺 У выніку начной атакі на Кіеў загінуў адзін чалавек, яшчэ як мінімум дзесяць атрымалі раненні Расейская ракета трапіла на тэрыторыю аднаго з універсітэтаў. Пашкоджаныя навучальны корпус, інтэрнаты і жылыя дамы побач. Таксама ў Дняпроўскім раёне пацярпелі два медычныя ўстановы. Пад ударам апынуўся і Паўднёвы мост. Паводле мэра Кіева, пашкоджаная інфраструктура метро, а рух транспарту праз мост часова перакрылі ў абодвух кірунках.

  5. edited

    🔸️️️️️️ Анджэй Пачобут абвясціў, што ў снежні вернецца жыць у Беларусь Былы палітвязень і журналіст Анджэй Пачобут, вызвалены з беларускай турмы ў красавіку гэтага года, заявіў, што ў снежні вернецца ў Беларусь на сталае жыхарства. Пра сваё рашэнне ён расказаў у інтэрв’ю польскаму выданню Rzeczpospolita. «Такое рашэнне было з самага пачатку. Я ўвесь час пра гэта кажу. У снежні вяртаюся ў Беларусь», – сказаў Пачобут. У верасні журналіст ужо прыязджаў у Горадню на тыдзень. Паводле яго словаў, пасля вяртання дадому да яго адразу завітаў супрацоўнік міліцыі з відэарэгістратарам і задаваў пытанні пра працу і планы знаходжання ў краіне. Пачобут таксама расказаў, што ў Беларусі яму фактычна забаронена мець мабільны тэлефон праз статус «экстрэміста» і «тэрарыста». Нават пасля пераафармлення старога нумара сувязь адключылі праз некалькі званкоў.

  6. 🤨️️️️️️ Тыль Швайгер зняўся ў фільме, які цалкам здымалі ў Менску На YouTube з'явіўся трэйлер псіхалагічнага трылера «Бочка», дзе адну з роляў сыграў вядомы нямецкі актор Тыль Швайгер. Паводле сюжэту, малады пранкер прыходзіць у сябе ў закрытай бочцы на закінутым заводзе, а побач знаходзіцца ягоны бацька, з якім ён даўно страціў паразуменне. Хоць дзеянне фільму адбываецца ў ЗША, здымкі прайшлі ў Менску. Над карцінай працавалі беларуская студыя «Киноцех» і расейская кампанія «БигСкринПродакшн».

  7. edited

    ❗️ У Менску ў шматпавярховіку адбыўся выбух газу: ёсць пацярпелыя Здарэнне адбылося ў кватэры на першым паверсе дзевяціпавярховага дома на вуліцы Алтайскай. Паводле папярэдняй інфармацыі, апёкі атрымаў гаспадар кватэры. Яшчэ адзін мужчына, які ў гэты момант праходзіў побач з домам, быў траўмаваны аконнай рамай, выбітай выбуховай хваляй. Таксама пашкоджаныя два прыпаркаваныя аўтамабілі. Абодвух пацярпелых шпіталізавалі. На шчасце, апорныя канструкцыі дома і суседнія кватэры не пашкоджаныя. Прычыны інцыдэнту цяпер высвятляюцца.

  8. ☕️ Вітаем, шаноўныя! Сабралі для вас найбольш цікавыя матэрыялы «Белсату», які вы маглі прапусціць: 🔸 «Расея трымае Лукашэнку за горла» Паводле палітычнага аглядальніка Ігара Тышкевіча, цяпер у афіцыйнага Менску з'явілася больш магчымасцяў для манеўру. 🔸 Дзясяткі былых палітвязняў падпісалі адкрыты ліст з заклікам да Еўразвязу актыўней спрыяць вызваленню людзей з лукашэнкаўскіх турмаў У тэксце нагадваецца пра тое, што Беларусь на сёння – краіна ці з не найбольшай колькасцю палітвязняў у свеце. 🔸 Маскаваўся пад таксіста, сустракаўся з КДБ у Будапэшце Стала вядома больш пра Уладзіслава Надзейку, якога Польшча перадала Беларусі ў межах «шпіёнскага абмену». #штопачытаць

  9. 🍂 Чароўнай восені імгненні У здымках фотамайстра. "Выпадковыя фота кастрычніка. Ад наваколляў Заслаўя да Мядзельшчыны і Глыбоччыны". Так майстар пазначае геаграфію фотавандровак. 🔥

  10. edited

    🤷‍♂️ «Беларус» з Бялынічаў пайшоў забіваць украінцаў і знік Ігар Плюшко доўгія гады жыў у Расеі, але калі пайшоў ваяваць з Украінай, узяў пазыўны «Беларус» . Да сваёй формы ён чапляў шаўрон альбо са сцягам РБ, альбо з камбінаваным сцягам РБ-РФ. Раней акупант ужо атрымліваў раненне - хадзіў з мыліцай. Але гэта яго не спыніла. Вядома, што Плюшко паходзіць з Бялынічаў на Магілёўшчыне, 1970 года нараджэння. Скончыў Бялыніцкае ПТВ-217. Цяпер "Беларуса" шукаюць беларускія сваякі. ☝️

  11. edited

    🦌 Ці бачылі вы як пасвяцца алені? А аўтару відэа пашанцавала: днямі пабачыў каля вёскі Дзівін ў Кобрынскім раёне на Берасцейшчыне. 🔥

  12. edited

    ☝️У Швейцарыі прапала сястра братоў Піпія Луіза Піпія – 27-гадовая сястра нядаўніх палітвязняў, братоў Цімура і Тамаза Піпія. Ужо больш за месяц яна не выходзіць на сувязь з роднымі. Пра гэта «Люстэрку» паведаміў яе брат Тамаз. У 2022 годзе з-за рэпрэсій яна выехала ў Грузію, а пазней – у Швейцарыю, адкуль родам яе муж. Там у яе нарадзіўся сын Міхась. Сям'я жыла ў горадзе Санкт-Галлен. Паводле Тамаза, яны з сястрой былі ў добрых адносінах і падтрымлівалі сувязь. Аднак з 23 верасня яна перастала выходзіць на сувязь. «Яна не адказвае ні па сотавым тэлефоне, ні ў сацсетках. Нікому не адказвае, нічые гісторыі нават банальна не праглядае. Я ўжо ня ведаю, што думаць». Са словаў Тамаза, з мужам Луізы таксама немагчыма звязацца. З тымі знаёмымі, да якіх атрымалася дастукацца, яна размаўляць перастала. Браты Луізы – Цімура і Тамаза Піпія арыштавалі ў верасні 2020 года і асудзілі па крымінальных артыкулах. Вызвалілі вясной 2026 года і вывезлі ў Літву. Цяпер яны чакаюць дакументы і не могуць пакідаць краіну. ☝️

  13. 💥 #галоўнае за 26 кастрычніка ✔️Швейцарскі суд прызнаў былога сілавіка Юрыя Гараўскага вінаватым у выкраданні Анатоля Красоўскага ў 1999-м годзе. Але вырак – умоўны ✔️73 былыя палітвязні падпісалі адкрыты ліст з заклікам да Еўразвязу актыўней спрыяць вызваленню людзей з лукашэнкаўскіх турмаў. Да яго скептычна паставіліся Эдуард Пальчыс і Паліна Шарэнда-Панасюк ✔️Маскаваўся пад таксіста, сустракаўся з КДБ у Будапэшце. Стала вядома больш пра Уладзіслава Надзейку, якога Польшча перадала Беларусі ў межах «шпіёнскага абмену» ✔️Таджыкаў чакаюць на прадпрыемствах Гарадзеншчыны, некаторыя гатовыя плаціць больш за $1000 ✔️Украінская кампанія, што вырабляе дроны і ракеты: «Часам мы выкарыстоўваем сала» ✔️У полацкай краме канфіскату пабачылі шэдэўр інжынернай думкі ✔️Міліцыя склала адміністратыўны пратакол на магілёўца, які пінаў свайго шпіца ✔️Адзін выпадак на сто тысячаў: маладая лекарка са Старобіна не прачнулася пасля анэстэзіі ў часе стаматалагічнай аперацыі ✔️Жыхар Бабруйскага раёну загінуў, зваліўшыся ў калодзеж ✔️Бялград святкуе перамогу створанай студэнтамі палітычнай сілы над Вучычам ✔️Лідарка венесуэльскай апазіцыі вярнулася на радзіму пасля дзесяці месяцаў адсутнасці ✔️У кітайскай правінцыі Хайнань памёр беларус. Аднак абставіны смерці не раскрываюцца #рэпрэсіі: ▫️Праваабаронцы даведаліся пра 37 завочных прысудаў, якія былі вынесеныя ў Беларусі ў дачыненні грамадзянаў РБ, што ваююць на баку Украіны

  14. ⛲ Восеньскі пейзаж у адным з двароў Магілёва сёння нечакана ўпрыгожыў гейзер На вуліцы Аўтазаводскай прарвала трубу, у выніку чаго вада ўтварыла фантанчык вышынёю пад тры метры. 📹 Відэа: Могилев. Главное!

  15. 🎃 Па Менску ўжо катаецца «Гэлаўін-мабіль» Цікава, дарожных інспектараў гэта будзе адпужваць або, наадварот, прыцягваць? ☝️Дарэчы, пару гадоў таму мы публікавалі гайд, як выразаць сабе такую ж галаву з гарбуза ✍️

  16. 👀 Таджыкаў чакаюць на прадпрыемствах Гарадзеншчыны, некаторыя гатовыя плаціць больш за $1000 Ад супрацоўнікаў чакаюць ведання расейскай мовы, добрага стану здароўя і адсутнасці судзімасці. Куды іх гатовыя прыняць на працу? ✅ Чытайце па спасылцы 🔗 Карыстайцеся гэтым лінкам, калі вы ў Беларусі

  17. 🔴 «Студыя Белсат» – галоўныя падзеі дня! У сённяшнім выданні: 🔻Зварот былых палітвязняў да еўрапейскіх палітыкаў выклікаў розныя рэакцыі 🔻Сяброўства для абыходу санкцый? Ці выкарыстае Лукашэнка сустрэчу з прэзідэнтам Манголіі 🔻У Сербіі прайшлі выбары. Вучыч прайграў. Будзе хуткі паварот да Еўропы? Ці стане Сербія менш сяброўскай для Расеі і Беларусі? Далучайцеся да нашага эфіру ⤵️ https://youtube.com/live/RLSXgwsNw64

  18. 😨 Маладая лекарка са Старобіна не прачнулася пасля анэстэзіі ў часе стаматалагічнай аперацыі На гісторыю звярнула ўвагу @nashaniva. Валерыі Баброўнік было 30 гадоў, яна працавала намесніцай загадчыка па медыцынскай частцы Старобінскай гарадской больніцы. Каля месяца таму яна папрасіла парады ў карыстальнікаў Threads – шукала добрага стаматолага, які б выдаліў зуб мудрасці. Звычайна гэта вельмі простая аперацыя, аднак у выпадку з Валерыяй сітуацыя была досыць складаная. «Стаматолагі ў маім горадзе адмовіліся выдаляць, бо трэба пілаваць костку (корань пайшоў у костку)», – тлумачыла дзяўчына. У выніку Валерыя дамовілася на аперацыю з менскай клінікаю «Стамарус». Для агульнай анэстэзіі ў гэтай установе выкарыстоўваюць прэпараты «Севафлуран» і «Прапафол». Для дарослага чалавека яны, як правіла, бяспечныя, аднак могуць здарацца вельмі рэдкія (на ўзроўні статыстычнай пагрэшнасці) выпадкі вострай алергічнай рэакцыі. Падобна, акурат нешта такое адбылося з Валерыяй – пасля наркозу яна не прачнулася. Заўтра ў Мікашэвічах пройдзе цырымонія развітання з Валерыяй. У яе застаўся муж і 7-гадовы сын.

  19. 🔨 Закінуты хутар, дзіўныя знаходкі, старыя таямніцы і сюрпрызы, да якіх новыя гаспадары зусім не гатовыя Менавіта ў такім таямнічым месцы Сяргей Гунь і Наталля Цюлюпава вырашылі пачаць новае жыццё. Абое перажылі рэпрэсіі, а цяпер яны хочуць ператварыць старую сядзібу ў прастору для жыцця і экатурызму. 🎥 З якімі сюрпрызамі ўжо сутыкнуліся героі, і ці атрымаецца ажыццявіць задуманае, глядзіце ў нашым новым праекце «Талака. Будуем Мрою».

  20. edited

    🥩 Украінская кампанія, што вырабляе дроны і ракеты: «Часам мы выкарыстоўваем сала» Выглядае як анекдот, але такая цікавіка была апублікаваная ў акаўнце Fire Point на поўным сур'ёзе: «Пры тэмпературы каля -20°C мароз можа скаваць камеры і кабелі беспілотніка, а таксама прывесці да больш хуткага разраду акумулятараў. Развязанне простае: пласт сала, які абараняе адчувальныя дэталі ад холаду. Разумная інжынерыя – гэта не пра тое, каб усё занадта ўскладняць, а пра разуменне таго, што сапраўды працуе»

  21. Older posts