Белсат - першы незалежны беларускі тэлеканал. Працуем з 2007 году.
Кантакт з Белсатам у ТГ толькі праз асабістыя паведамленні ў гэты канал.
↓ Важныя спасылкі ↓
📲 cde34rfv.ovh
taplink.cc/belsat
Subscribers14.6K +0 24h
Reach per post (ERR)10.9%1.6K avg views
Posting37.4/daylast 36 minutes ago
Reactions per 1K views14.7❤ 🤬 😢
▪️62-гадоваму кіроўцу цяжкавіка стала кепска проста за стырном на МКАД. Ён памёр
Аўтамабіль Iveco, якім кіраваў мужчына, спачатку ўляцеў у адбойнік на сярэдзіне кальцавой, а пасля з'ехаў на ўзбочыну і ў кювет. Ратаўнікі дэблакавалі кіроўцу з кабіны, а медыкі правялі рэанімацыйныя мерапрыемствы, аднак яны не далі плёну.
Смерць, верагодна, наступіла не ў выніку ДТЗ.
💬 «Я не шчаслівы з той нагоды, што ён паехаў. Але, разумееце, ягоная душа – у Горадні»
Польскі журналіст Барташ Веліньскі быў першым прадстаўніком медыяў, які апублікаваў фота з Анджэем Пачобутам пасля ягонага вызвалення ў красавіку. Гэты ж чалавек стаў першым, хто падзяліўся здымкам Пачобута з Горадні пасля сённяшняга вяртання экс-палітвязня ў Беларусь.
Спадар Веліньскі паразмаўляў з нашым карэспандэнтам і раскрыў больш звестак пра анансаваны яшчэ ў траўні прыезд Анджэя Пачобута на радзіму.
Пра сам працэс перасячэння мяжы:
Анджэй перасёк мяжу на аўтамабілі сваёй дачкі, якая ездзіць паміж Беластокам і Горадняй. Гэты аўтамабіль прапусцілі. Там, мяркую, была нейкая размова на мяжы паміж Анджэем і прадстаўнікамі службаў. Але я патэлефанаваў яму каля 12-й гадзіны, і ён сказаў, што ўжо на беларускім баку.
Пра тое, куды Пачобут найперш паехаў у Беларусі:
Сёння з самай раніцы пасля перасячэння мяжы ён паехаў у Вялікую Бераставіцу, месца свайго нараджэння. Потым адтуль паехаў на могілкі, схіліўся над магіламі сваіх продкаў. Адтуль паехаў у Горадню.
Пра магчымыя рызыкі затрымання:
Анджэй знаходзіцца ў Польшчы пад апекаю дзяржавы, таму ўрад паклапаціўся пра тое, каб беларускі бок не зрабіў нічога неразумнага ў гэтай справе.
Пра паралелі з лёсам Аляксея Навальнага:
Анджэй казаў: "Але гэта іншая краіна, гэта іншая сітуацыя. Гэта Беларусь, а не Расея. Калі б яны хацелі мяне забіць, яны б забілі мяне яшчэ ў турме".
Пра спробы адгаварыць Пачобута ад паездкі ў Беларусь:
Я лічу, што Анджэй павінен быў застацца. Ён мне неяк кажа: "Чаму ты забараняеш мне ехаць да маёй сям'і, у мой горад, у маю краіну? Сопат прыгожы, Варшава прыгожая, Беласток добры і таксама вельмі прыгожы, але мая душа – у Горадні"
Пра рэакцыю лукашэнкаўскай прапаганды:
Яны насамрэч апынуліся ў даволі складаным становішчы. Вяртаецца надзвычай адважны чалавек. Што аўтарытарны, хлуслівы прапагандыст можа зрабіць з такім чалавекам, як Пачобут? Ён можа толькі лаяць яго, але Пачобуту гэта, вядома, як з гусака вада.
Пра схаваныя палітычныя сігналы, якія могуць хавацца ў вяртанні Пачобута:
Я думаю, што гэта не з'яўляецца ніякім сігналам. Гэта асабістая справа Анджэя Пачобута. Яна не мае ніякай палітычнай афарбоўкі. Гэта проста яго асабісты, прыватны выбар.
🔴 «Студыя Белсат» – галоўныя падзеі дня!
У сённяшнім выданні:
🔸Легалізацыя ці самаліквідацыя? Што насамрэч адбываецца з Саюзам палякаў Беларусі?
🔸Цяпер да вайны рыхтуюцца і ратавальнікі
🔸Яшчэ 11 «Рускіх дамоў» паўстане за мяжою. Расказваем дзе менавіта і чым яны займаюцца ўжо цяпер
Таксама пагаворым пра булінг у баранавіцкай гімназіі, скандал на забегу з сабакам, беспілотны транспарт у Беларусі, гуманітарную дапамогу Венесуэле ды эканамічны форум у Карпачы.
Далучайцеся да нашага эфіру ⤵️
https://youtube.com/live/Qug8tVdfdFc
Telegram doesn't show this post on the web. Open it in Telegram to see it.
👻 А вы ведалі, што ў Менску ёсць свае «прывіды»?
Паводле гарадской легенды, па начах каля ратушы з’яўляецца здань шляхціча Міхала Валадковіча.
Яго расстралялі ў 1760 годзе проста ў двары менскай ратушы. А пасля па горадзе пайшла легенда: нібыта ягоны дух так і не пакінуў гэтае месца.
Расказваем, што Валадковіч паспеў нарабіць пры жыцці і як рэальная гісторыя ператварылася ў легенду старога Менску.
👨🦰 А даведацца больш пра нашую гісторыю можна ў праграме «Вусы Скарыны» на YouTube-канале «БЕЛСАТ HISTORY».
💬 «Пайду Дудзінскага ў сябры дадам, ці што. Чым больш нас – тым менш іх»
Новая калонка Паўла Вінаградава прысвечаная тэме, якая што 5 гадоў таму, што цяпер падзяляе нацыянальна-арыентаваную беларускую супольнасць на два практычна роўныя лагеры.
🤔 Ці варта забывацца на мінулае людзей, якія да падзеяў 2020-га працавалі на рэжым Лукашэнкі, а потым змянілі пазіцыю? Цікавыя аргументы прыводзяць прыхільнікі абодвух бакоў гэтага «супрацьстаяння».
«Вінаград» паспеў пабываць і ў «радыкальным» лагеры, але цяпер, здаецца, палагаднеў.
✅ Чытайце ягоную калонку на нашым сайце
🔗 Спасылка для тых, хто ў Беларусі
👀 Рэжым Лукашэнкі прапанаваў Саюзу палякаў Беларусі самараспусціцца ды легалізавацца як новая юрыдычная асоба?
Узамен лукашэнкаўцы нібыта прапануюць сябрам Саюзу шэраг паслабленняў, звязаных з правядзеннем у Беларусі культурніцкіх польскіх праектаў. Аднак вяртанне сканфіскаванай раней маёмасці арганізацыі ў такім выпадку стане амаль немагчымым.
Галоўная рада СПБ пакуль не прымала рашэння аб роспуску арганізацыі дзеля рэгістрацыі новай. Паводле звестак TVP, у актывістаў няма ўпэўненасці, што рэжым Лукашэнкі ў дадзенай сітуацыі сапраўды мае намер выканаць свае абяцанні.
✅ Расказваем больш пра сітуацыю па спасылцы
🔗 Карыстайцеся гэтым лінкам, калі вы ў Беларусі
🧐 Літва не бачыць ваенных пагрозаў з боку Беларусі. Але ці іх і праўда няма?
Дарадца прэзідэнта Літвы ў пытаннях нацыянальнай бяспекі Дэйвідас Матулёніс адмаўляе імавернасць пагрозы з боку Беларусі, нягледзячы на заявы Ціханоўскай пра разгортванне вайсковай інфраструктуры на тэрыторыі нашай краіны. Дык хто мае рацыю? У нашай праграме «Тут і там» рэдактар «Белсату» Сяргей Пеляса выказаў такое меркаванне:
«Ціханоўская не мае выведнай інфармацыі са штаб-кватэры NATO ці Дзяржаўнай службы бяспекі Літвы, але мае беларусаў, якія да яе ці ейнай каманды пішуць з Беларусі. І беларусы бачаць, што хай сабе і прыхавана, але там і тут нейкая інфраструктура будуецца. Мы памятаем гэтую інфраструктуру ў Асіповічах на ракетнай базе. Таму тут я бы памірыў Святлану Ціханоўскую са спадаром амбасадарам Матулёнісам. Ён мае рацыю, што няма рыхтавання да агрэсіі, але і Ціханоўская мае рацыю. Беларусы інфармуюць, што інфраструктуру будуюць».
❓Якая пазіцыя бліжэй вам?
🎥 Цалкам праграму глядзіце на YouTube-канале «БЕЛСАТ NEWS».
💪 Не ўсе героі носяць плашчы. Некаторыя разгружаюць палеты
Звычайны грузчык супермаркету з прыгараду Мехіка выклікаў захапленне ўсёй краіны пасля таго, як выратаваў дзяўчынку. Маці не ўсачыла за ёй, і малая пабегла проста на вуліцу з ажыўленым аўтамабільным рухам.
На шчасце, усё скончылася добра. У тым ліку дзякуючы самаадданасці грузчыка. Паглядзіце, як гэта было 👀
🐶 Беларускі Threads заступіўся за шпіца, якога гаспадар неахайна цягнуў на павадку. У справу ўмяшалася нават міліцыя
Многія былі перакананыя, што сітуацыя здарылася ў часе менскага паўмарафону ў нядзелю. На самой жа справе гэта быў адмысловы забег для людзей разам з іхнымі гадаванцамі пад назваю «Хуткія лапкі». Ён адбываўся днём раней – 5 верасня.
На відэа трапіў старт аднаго з удзельнікаў, які рэзка цягнуў свайго маленькага шпіца за сабою, пры тым што сабака ўпіраўся ды нават не спрабаваў перабіраць лапкамі. Беларуская супольнасць Threads задалася пытаннем, ці не выглядае гэта як здзек з жывёлы.
👀 Сёння менская міліцыя паведаміла, што знайшла гаспадара шпіца. З ім запісалі відэа, дзе мужчына расказвае сваю версію падзеяў. Ён пераконвае, што гадаванец проста спужаўся рэзкага гуку стартавага сігналу, таму і не зразумеў адразу, што трэба бегчы. Ніякіх траўмаў жывёла, паводле мужчыны, не атрымала і адчувае сябе добра.
Міліцыя ўсё роўна праводзіць праверку з мэтаю выявіць, ці было ў дзеяннях гаспадара сабакі нейкае правапарушэнне.
💱 Курсы валютаў 8 верасня
Еўрапейская і амерыканская валюты сёння сінхронна падраслі прыкладна на паўкапейкі. Расейскі рубель трохі саслабеў.
#курсывалютаў
edited
✍️ Вяртанне Пачобута ў Беларусь. Галоўнае
Дата і час прыезду былога палітвязня ў родную Горадню да апошняга моманту былі таямніцаю. Насуперак хваляванням многіх, яго не затрымалі на мяжы. Забароны на ўезд для актывіста польскай мешнасці таксама не было.
edited
📷 Фотафакт: Анджэй Пачобут у Горадні на беразе Нёмна
Кадр апублікаваў журналіст выдання Gazeta Wyborcza Барташ Веліньскі.
🔺 Расея атакавала памяшканні тэлеканалу «Мы – Украіна» у момант жывога эфіру
Асноўны ўдар прыйшоўся на рэдакцыю і офісы супрацоўнікаў. На месцы працуюць ратавальнікі і медыкі.
edited
💬 «Гэта не значыць, што ўсе беларусы могуць вяртацца»
Вяртанне Анджэя Пачобута ў Беларусь у жывым эфіры новай белсатаўскай праграмы «Наш дзень» пракаментаваў дарадца Святланы Ціханоўскай Франак Вячорка:
«У выпадку Статкевіча і ў выпадку Пачобута – гэта сапраўды міжнародная ўвага. У вызваленні гэтых людзей удзельнічалі амерыканцы, а з амерыканцамі Лукашэнка сварыцца не хоча.
На жаль, такая "абарона" не распаўсюджваецца на ўсіх. Вядома, гэта [вяртанне Пачобута] – пазітыўны прэцэдэнт, але, па-першае, давайце дачакаемся ягонага бяспечнага выезду [з Беларусі], а па-другое, гэта не азначае што ўсе беларусы могуць вяртацца. Таму мы заклікаем пакуль што ўстрымацца ад паездак у Беларусь тых, для арышту каго рэжым можа мець падставы»
edited
☝️PAP: Анджэй Пачобут выехаў з Польшчы праз пункт пропуску «Баброўнікі»
Паводле інфармацыі ад польскіх службаў, разам з экс-палітвязнем у Беларусь ехала жанчына.
edited
🔸Святлана Ціханоўская пракаментавала вяртанне Анджэя Пачобута ў Беларусь
«Думаю, кожны, хто ведае яго гісторыю, разумее, колькі мужнасці стаіць за гэтым рашэннем.
Часам нават ва ўмовах дыктатуры чалавек можа адваяваць для сябе маленькую прастору свабоды – дзякуючы ўласнай трываласці і міжнароднай падтрымцы. Я вельмі рада, што Анджэй цяпер у Беларусі і можа быць дома.
Але важна не рабіць з гэтага выснову, што ў краіне нешта змянілася для ўсіх. Рэпрэсіі працягваюцца: людзей затрымліваюць, заводзяць крымінальныя справы, ціснуць на родных, выклікаюць у КДБ. Для тых, хто мае рызыку пераследу, вяртанне па-ранейшаму можа быць небяспечным.
Гісторыя Анджэя – вельмі асаблівая. Такія людзі натхняюць сваёй вытрымкай і гераізмам. І сёння галоўнае – каб ён быў у бяспецы. І спадзяюся, што ён гэтак жа свабодна зможа выехаць».
▶️Жывы эфір праграмы «Наш дзень»
Абмяркоўваем найважнейшыя падзеі дня з нашымі журналістамі ды гасцямі студыі. Сёння гаворым пра вяртанне Анджэя Пачобута ў Беларусь.
Таксама ў выданні:
📍Дзень беларускай вайсковай славы: чаму гэтая дата важная для нас ды ці ваяўнічы народ беларусы?
📍Абмяркуем і мапу заробкаў у Беларусі, дэмаграфічную праблему ды як крэдыт пад 1% справакаваў рост цэнаў на жыллё.
Далучайцеся да нашага эфіру ⤵️
https://www.youtube.com/live/wFN9oII95Qc
edited
☝️Gazeta Wyborcza: Пачобут збіраецца знаходзіцца ў Беларусі цягам тыдня, пасля паляціць у Паўночную Амерыку
Там былы палітвязень плануе сустрэцца з амерыканскімі ды канадскімі палітыкамі, а таксама актывістамі мясцовай польскай дыяспары. Далей, паводле выдання, Анджэй Пачобут накіруецца ў Польшчу, дзе будзе працаваць над кнігаю пра сваё знаходжанне ў турме.
edited
❗️Анджэй Пачобут перасёк польска-беларускую мяжу ды едзе ў Горадню
Пра гэта піша рэпарцёр польскага выдання Gazeta Wyborcza Барташ Веліньскі. Гэты ж журналіст быў першым прадстаўніком медыяў, хто пабачыўся з Пачобутам пасля ягонага вызвалення ў красавіку.
Пачобут выехаў з тэрыторыі Польшчы сёння да апоўдня.