Белсат ✔

@belsat · Belarusian · active

Белсат - першы незалежны беларускі тэлеканал. Працуем з 2007 году. Кантакт з Белсатам у ТГ толькі праз асабістыя паведамленні ў гэты канал. ↓ Важныя спасылкі ↓ 📲 cde34rfv.ovh taplink.cc/belsat

Subscribers 14.6K Subscribers, last 30 days: 14.6K → 14.6K +0 24h
Reach per post (ERR) 11.1%1.6K avg views
Posting 36.9/day last 10 minutes ago
Reactions per 1K views 14.7 ❤ 🤬 😢
  1. edited

    🤦🏻‍♂️ Нецвярозы маладзён сабраў «паравоз» на Партызанскім праспекце. У ягонай крыві выявілі ажно 2 праміле Сітуацыю для 22-гадовага кіроўцы ўскладняе яшчэ і тое, што ён быў за стырном не ўласнага легкавіка, а каршэрынгавага. Аўта цяпер забралі на штрафную пляцоўку. Акрамя Geely, якім кіраваў спраўца аварыі, у ДТЗ пацярпелі Opel і ГАЗель, што належыць «Вадаканалу Менскага раёна».

  2. 👀 У Докшыцах збіраюцца рабіць рамонт у дзіцячай школе мастацтваў. Ёсць рызыка, што там прыбяруць старыя вітражы і барэльефы На гэта звяртаюць увагу тыя ж самыя актывісты, што раней спрабавалі ўратаваць мазаіку на сцяне «асуджанай» да разбурэння школы ў Наваполацку. На жаль, тыя спробы апынуліся марнымі. Гэтым разам шанец уратаваць 50-гадовыя творы мастацтва вышэйшы, бо яны ўяўляюць сабою элементы інтэр'еру, якія нескладана зняць ды захаваць (пры жаданні).

  3. ☝️Уначы РФ нанесла ўдары ажно па чатырох гіпермаркетах сеткі «Эпіцэнтр» «Прылёты» зафіксаваныя ў Харкаве, Палтаве, Вінніцы ды Запарожжы. «Татальнае знішчэнне сеткі», – пракаментавалі начныя атакі ў самім «Эпіцэнтры». 👀 Паглядзіце, як змагаліся з наступствамі ўдараў у Харкаве.

  4. edited

    🏆 Прэмія Анемпадыстава ўжо ў восьмы раз знайшла свайго лаўрэата. Расказваем пра чарговую цырымонію Для нямецкай мастачкі расейскага паходжання Ліны Хесэ, што атрымала галоўны прыз сумесна з Ігарам Юхневічам, гэты досвед стаў сапраўды ўнікальным: «Гэта вельмі дзіўна, нечакана і радасна атрымаць прэмію ў такой монабеларускай супольнасці. Так раптам у ёй апынуцца ды яшчэ і атрымаць Анёла». ✅ Чытайце рэпартаж на нашым сайце 🔗 Карыстайцеся гэтым лінкам, калі вы ў Беларусі

  5. 🐶 Кіроўца «Менсктрансу» прагнаў з аўтобусу жанчыну са шпіцам. Ці меў рацыю? Людзі ў Threads абураныя, аднак кіраўніцтва прадпрыемства стала на бок свайго супрацоўніка. І аргументавала пазіцыю. ✍️ А таксама: беларускім гінеколагам расказалі, як адгаворваць жанчын ад абортаў; пратэсты ў Еўропе шырацца – асабліва складаная сітуацыя ў Францыі; Ілан Маск абвінаваціў ЗСУ ў парушэннях правілаў выкарыстання Starlink. 👀 Глядзіце нашае выданне экспрэс-навінаў проста цяпер

  6. edited

    📝 «Колькі ц сабралі з 300 га?» Памятаеце беларускамоўны дзённік узростам больш за палову стагоддзя, што завірусіўся ў Threads? Той жа карыстальнік прадэманстраваў публіцы яшчэ адзін артэфакт – гэтым разам сшытак для заняткаў па матэматыцы з 1971 года. ☝️ Прывітанне ўсім скептыкам, што задаюцца пытаннямі «Как вы себе представляете изучение математики и физики на белорусском языке?»

  7. 🏠 Пара беларусаў будуе новае жыццё ў закінутай сядзібе на Падляшшы. А «Белсат» за ўсім назірае☝️ Героі праекту «Талака. Будуем Мрою» – Сяргей Гунь і Наталля Цюлюпава. Абое прайшлі праз рэпрэсіі ў Беларусі. Сяргей правёў больш як два гады ў лукашэнкаўскай турме, але, нягледзячы на гэта, не адрокся ад мары – стварыць уласную прастору для жыцця, аднавіць старую ферму і развіваць экатурыстычны праект. «Спадзяёмся, нашая гісторыя натхніць іншых беларусаў. Магчыма, хтосьці наважыцца зрабіць такі крок, а хтосьці іншы прыйдзе да нас і дапаможа стварыць гэтае месца ўласнымі рукамі» 👀 Першы выпуск новага праекту ўжо даступны на нашым YouTube-канале «БЕЛСАТ LIFE»

  8. 🚦На менскім праспекце Незалежнасці сёння раніцаю сутыкнуліся дзве таксоўкі ДАІ паказала кадры здарэння, на якіх відаць, што кіроўца аднаго з легкавікоў (KIA) груба парушыў правілы дарожнага руху, праігнараваўшы чырвонае святло. Пасля сутыкнення KIA вылецеў на ходнік. На шчасце, пешаходаў там не было. 29-гадовы спраўца аварыі і пасажыр ягонага аўта дастаўленыя ў больніцу для абследавання.

  9. 💁🏻‍♂️ На тэрыторыі Свята-Елісавецінскага манастыра стралялі з гранатамёта На мінулым тыдні тут адбыўся так званы «казачий круг», які зладзіла беларуская грамада Саюзу казакоў-воінаў Расеі ды замежжа. Госці мерапрыемства забаўляліся не толькі стралянінаю, былі таксама іншыя актыўнасці: «По завершении Круга гости из МГУТУ им. Разумовского продемонстрировали приемы рукопашного боя и способов обезвреживания нападающих. Их высокое мастерство по достоинству было оценено всеми собравшимися. А юные казачата не могли сдержать своего восторга. Затем состоялся Атаманский обед. Гостей и участников Круга угощали блюдами, с заботой приготовленными монахинями, которых поблагодарили за заботу троекратным "Любо!" и казачьей песней». У якасці аднаго са «спікераў» выступіў баец ММА і «ўдзельнік СВА» Павел Шульскі.

  10. ⏰ «Тое, што ў Беларусі больш не пераводзяць час, добра. Адзіная памылка – што яго зафіксавалі ў летнім фармаце» Большасць краінаў Еўропы гэтай ноччу перавяла стрэлкі гадзіннікаў на гадзіну назад. Гэта павялічыла розніцу ў часе паміж Менскам і, напрыклад, Варшаваю або Берлінам, да дзвюх гадзінаў. З Вільняю ды Рыгаю розніца цяпер складае гадзіну (улетку яе не было), а з Лонданам ды Лісабонам – наогул тры гадзіны. Чаму такая з'ява як пераход на летні/зімовы час у прынцыпе існуе дагэтуль? І чаму Беларусь абрала для сябе варыянт «замарозіцца» менавіта ў летнім? ✅ Размаўляем пра гэта з навукоўцам Сяргеем Бесарабам 🔗 Чытайце тут, калі вы ў Беларусі

  11. 🛩 Belavia ад сённяшняга дня пачала лётаць у Бангкок Для пасажыраў «дэбютнага» рэйсу, якія вырушылі ў сталіцу Тайланду сёння ўначы, зладзілі ўрачыстую цырымонію. Рэйсы будуць выконвацца адзін раз на тыдзень (па нядзелях), кошт квітка туды-назад складзе каля 3 тысяч рублёў.

  12. edited

    Туманы, дажджы і цёплыя дні: якім будзе канец кастрычніка ў Беларусі Апошні тыдзень месяца прынясе беларусам цяплейшае за звычайнае надвор’е. У некаторых раёнах паветра прагрэецца да +16 °C, але ноччу магчымыя замаразкі. Сабралі прагноз надвор’я на кожны дзень наступнага тыдня ПА СПАСЫЛЦЫ Чытайце тут калі вы ў Беларусі

  13. edited

    Маск абвінаваціў Украіну ў выкарыстанні Starlink для ўдараў дронаў «Украінскія вайскоўцы парушылі ўмовы выкарыстання Starlink і выкарыстоўвалі яго для наступальных удараў дронамі з мэтай забойства людзей. Гэтую шчыліну ліквідавалі на мінулым тыдні», – заявіў Маск. Паводле мільярдэра, Starlink з'яўляецца грамадзянскім камерцыйным сэрвісам, які нельга выкарыстоўваць для наступальных аперацыяў. Дарадца прэзідэнта Украіны Сяргея Бяскрэст адхіліў гэтыя абвінавачванні і заявіў, што ЗСУ тэхнічна не могуць выкарыстоўваць Starlink для ўдараў па тэрыторыі Расеі. Якую сістэму сёння выкарыстоўваюць украінцы для атакаў дронаў, чытайце ПА СПАСЫЛЦЫ. Чытайце тут, калі вы ў Беларусі.

  14. 💥 Ранішняе шоу на «Белсаце» У сённяшнім выпуску абмяркуем новы від крэдытаў для беларусаў, выбухі на прадпрыемстве «Пінскдрэў» і тое, як праз нашую краіну перавозяць золата з Афрыкі. Далучайцеся да нашага эфіру!

  15. Адзін чалавек загінуў, яшчэ 14 атрымалі раненні ў выніку нападу дронаў на Белгарад Паводле мясцовых уладаў, былі пашкоджаныя жылыя дамы і дзясяткі аўтамабіляў. Расейскі Следчы камітэт распачаў крымінальную справу паводле артыкулу «тэракт». Пад удар таксама маглі трапіць гандлёва-забаўляльны цэнтр і жылы комплекс, паведамляюць мясцовыя тг-каналы. Як заяўляе Мінабароны РФ, сродкі СПА знішчылі 532 украінскія беспілотнікі над 22 рэгіёнамі Расеі і акупаваным Крымам.

  16. ☕️ Вітаем, шаноўныя! Сабралі для вас найбольш цікавыя матэрыялы «Белсату», які вы маглі прапусціць: 🔺 Чым беларусы адрозніваюцца ад расейцаў? Віталь Цыганкоў разважае, чаму дагэтуль могуць узнікаць такія пытанні і як на іх адказвалі вядомыя людзі. Чытайце тут, калі вы ў Беларусі. 🔺 «Яшчэ 20 гадоў таму гэта быў амаль вырак» Як змяняюцца прафілактыка і лячэнне раку малочнай залозы? «Белсат» спытаў у мамолага з Украіны Дзяніса Карпегіна. Чытайце тут, калі вы ў Беларусі. 🔺 Масква не дазволіць Лукашэнку стаць Такаевым Эксперт Берлінскага цэнтру Карнэгі паразважаў пра крокі Лукашэнкі ў адносінах да ЗША і пра тое, якую ролю ў гэтым можа адыгрываць Крэмль. Чытайце тут, калі вы ў Беларусі. #штопачытаць

  17. 💥 #галоўнае за 24 кастрычніка ✔️Трайное забойства ў Столінскім раёне – затрыманы 33-гадовы мужчына ✔️Ва Украіне ў часе выканання баявой задачы загінуў беларускі добраахвотнік Віталь Трыгубаў ✔️Беспілотнікі атакавалі расейскія заводы «Тальяцікаўчук» і «Омскі каўчук» ✔️Унікальныя беларускія кнігі ўзростам больш як 100 гадоў паказалі ў бібліятэцы Варшаўскага ўніверсітэту ✔️Павел Белавус нарэшце сустрэўся з сям’ёй пасля вызвалення. Вось як гэта было ✔️Агучаныя імёны пераможцаў Прэміі Анемпадыстава-2026 ✔️Пісьменніца Алёна Глухава прэзентавала ў Варшаве пераклад на беларускую мову сваёй французскамоўнай кнігі «Nos corps lumineux» ✔️Памёр беларускі актывіст, што прымаў удзел у моладзевых рухах 2000-х. Ён не дажыў тыдзень да свайго 40-годдзя ✔️Дэлегаты з'езду БХД абралі адзінаасобным старшынём партыі Паўла Севярынца ✔️Каля Бярозаўкі на Лідчыне давялося спыняць п'янага бяспраўніка са стралянінаю ✔️У Магілёве мужчына здзекаваўся са шпіца – кадры ўжо перадалі ў міліцыю ✔️У пойме Сожа знайшлі хахулю – раней лічылася, што яна знікла з Беларусі яшчэ ў 1993-м #рэпрэсіі: ▫️Instagram-акаўнты прэс-сакратаркі Святланы Ціханоўскай і «Радыё Рацыя» прызналі «экстрэмісцкімі матэрыяламі»

  18. Сёння – Дзіцячае «Еўрабачанне». Зноў без Беларусі 24-ты Дзіцячы конкурс песні «Еўрабачанне» праходзіць сёння на Мальце. Фінал пачнецца а 22-й гадзіне (па беларускім часе). Беларусь не ўдзельнічае а ні ў дарослым, а ні ў дзіцячым «Еўрабачанні» з 2021-га. У чэрвені таго года Еўрапейскі вяшчальны саюз прыпыніў членства Белтэлерадыёкампаніі праз палітычную сітуацыю ў краіне і яе наступствы для свабоды СМІ. Гэта пазбавіла Беларусь магчымасці ўдзельнічаць у конкурсах пад эгідаю саюзу. Агулам жа Беларусь двойчы перамагала ў дзіцячым «Еўрабачанні» – у 2005 і 2007 гадах. ✍️ Таму беларусам, якія будуць глядзець «Еўрабачанне» з Польшчы, мы прапануем прагаласаваць за ўдзельніка ад гэтай краіны – 14-гадовага Віктара Саса, які выступіць з песняю Gravity. Так, на дзіцячым конкурсе, у адрозненні ад дарослага, можна галасаваць і за тую краіну, дзе вы знаходзіцеся ☝️ Зрабіць свой выбар трох кампазіцыяў, якія спадабаліся найбольш, можна бясплатна на сайце jesc.tv 🎤

  19. 🤦🏻‍♂️ Чырвонае святло гарэла ўжо 5 секундаў, але кіроўца нават не падумала спыніцца Сёння ў Менску адбылася аварыя, выкліканая дзікай няўважлівасцю 47-гадовай жанчыны за стырном Citroen. ДТЗ здарылася на скрыжаванні вуліцы Радыяльнай з 2-м Дражненскім завулкам. Глядзіце, як гэта было ☝️

  20. ☝️ Дэлегаты з'езду БХД абралі адзінаасобным старшынём партыі Паўла Севярынца Пра гэта паведамляе выданне pozirk.online. На сустрэчы ў Беластоку дэлегаты вырашылі адмовіцца ад ранейшага сустаршынства (якое ў тым ліку спрычынілася да расколу ў партыі) і перайсці да кіравання адной асобай. «Гэта першы крок да яднання дэмакратычных сілаў: аб'ядноўваем хрысціянскую дэмакратыю, пасля аб'ядноўваемся і дамаўляемся з усімі дэмакратычнымі сіламі», – пракаментаваў падзею сам Павел Севярынец. ✅ Чытайце больш па спасылцы 🔗 Калі вы ў Беларусі, націскайце сюды

  21. Older posts