Важныя падзеі і сэнсы аўторка, 13 кастрычніка, у праграме ЕЎРАЗУМ: 01:10 Чаму беларускі ўсё часцей расказваюць гісторыі пра садызм у радзільнях 14:59 Навіны спорту 17:55 NATO ударыць па Беларусі ў выпадку расійскай атакі: як успрымаць заяву генерала 25:48 Навіны шоў-бізу 29:10 Пуцін пагражае Еўропе і цалуецца з Трампам: чаго чакаць Украіне Сэнсы дня: глядзіце кароткае відэа пра важныя падзеі гэтага аўторка
Еўрарадыё | Еврорадио ✔
Хутка, чотка і па-беларуску. Падтрымаць нас: buymeacoffee.com/euroradio Напісаць ананімна ў рэдакцыю: @euroradio_minsk Нашы суполкі ў сацсетках: TikTok: tiktok.com/@euroradio FB: facebook.com/euroradio.fm Instagram: instagram.com/euroradio
-
edited -
edited
Як змяняецца аўтарытарызм у сучасным свеце і ці магчымыя палітычныя перамены ў Беларусі і Расіі? Банк Ідэй запрашае на дыскусію з вядомай амерыканскай журналісткай Эн Эплбаўм і былым палітвязнем, юрыстам Максімам Знакам. Пагаворым пра будучыню аўтарытарных рэжымаў, выклікі для заходніх дэмакратый і ролю Захаду ў магчымых пераменах.
-
Узброеная правакацыя на мяжы Беларусі і Латвіі — гульня на мяжы вайны? Палітолаг Павел Усаў не сумняваецца, што за інцыдэнтам стаяць спецслужбы. Але чые — Лукашэнкі ці Пуціна? Чытаць тут: https://euroradio.fm/nakiravali-u-bok-vayskoucau-pradmet-padobny-da-zbroyu-detali-incydentu-na-myazhy A гэтая спасылка адкрыецца і без VPN
-
NATO пагражае ўдарыць па Беларусі. Чаму Лукашэнка гэта не каментуе? На гэтае пытанне ў эфіры @euroradio адказвае палітычны аглядальнік Аляксандр Фрыдман. Цалкам стрым тут: https://www.youtube.com/watch?v=-ln4HIe1lYE
-
Санкцыі супраць мабільных аператараў Беларусі рыхтуе Украіна. Гэта звязана з тым, што рэжым Лукашэнкі дазваляе выкарыстоўваць іх інфарструктуру для нанясення атак па ўкраінскай тэрыторыі. Раней Украіна неаднаразова заяўляла, што расійскія дроны карыстаюцца рэтранслятарамі на тэрыторыі Беларусі, каб атакаваць заходнія вобласці Украіны.
-
Вучыўся на мастака ці ювеліра, а стаў міліцыянтам? У Віцебску навучэнцаў каледжа агітавалі змяніць прафесію. Да будучых керамістаў, мастакоў і разьбяроў па дрэве завіталі супрацоўнікі МУС і АМАП. Падлеткам паказалі зброю, паабяцалі льготныя крэдыты на жыллё і пенсію пасля 20 гадоў службы. А напрыканцы раздалі анкеты — каб высветліць, хто гатовы пасля каледжа пайсці ў міліцыю.
-
Падтрымліваеш Украіну, але можаш стаць у ёй нелегалам. У такую пастку трапілі беларусы, якія не могуць абнавіць пашпарты. Чаму так адбываецца і ці збіраюцца ўкраінскія ўлады нешта мяняць? Чытаць тут: https://euroradio.fm/lyudzi-stanovyacca-nelegalami-yakiya-prablemy-z-legalizacyyay-u-belarusau-va-ukraine A гэтая спасылка адкрыецца і без VPN
-
Кожны пяты рубель з бюджэту Беларусі пойдзе на армію і сілавікоў! У 2027 годзе на абарону і бяспеку плануюць выдаткаваць 12,66 млрд рублёў. Гэта ў 2,55 раза больш, чым у 2022-м, калі Расія пачала поўнамаштабнае ўварванне ва Украіну. Асабліва хутка растуць выдаткі на ўнутраныя войскі МУС — за пяць гадоў яны павялічацца ў 3,57 раза. Чытаць тут: https://euroradio.fm/vydatki-belarusi-na-armiyu-za-chas-pounamashtabki-va-ukraine-vyrasli-u-28-raza A гэтая спасылка адкрыецца і без VPN
-
Нямецкая паліцыя пачала 11 крымінальных спраў пасля канцэрта Макса Каржа ў Франкфурце. Пра гэта гаворыцца ў адказе паліцыі на запыт DW. На канцэрт Макса Каржа ў Франкфурце прыехала каля 30 тысяч чалавек. Пасля шоу ў раёне Альт-Заксенхаузен адбыліся сутычкі з паліцыяй, а некаторыя ўдзельнікі кідалі ў сілавікоў бутэлькі. Сам спявак падчас канцэрту заклікаў спыніць вайну ва Украіне, але спыніў фанатаў, якія сталі крычаць абразлівыя лозунгі на адрас Пуціна.
-
У Польшчы пасля 15 дзён барацьбы за жыццё памерла беларуска Наталля Борухава. Яе на пешаходным пераходзе ў Варшаве збіла таксоўка, піша выданне MOST са спасылкай на польскія СМІ. За рулём аўтамабіля была грамадзянка Таджыкістана. Паліцыя спярша не затрымлівала кіроўцу і не ўжывала іншых мераў стрымання. Праваахоўнікі зацікавіліся ёй толькі пасля смерці беларускі. Але тая паспела пакінуць Польшчу. Наталля і Павел Борухавы пераехалі з Беларусі ў Польшчу ў лютым 2022 года. Яны стаматолагі, маюць дзвюх дочак. У Варшаве яны адкрылі кабінет, а потым і стаматалагічную клініку.
-
Як абараніць беларусаў ад вярбоўкі Расіяй на вайну ва Украіне? На гэтae ды іншыя пытанні ў эфіры @euroradio адказвае прадстаўнік па абароне і нацыянальнай бяспецы Аб’яднанага пераходнага кабінета, былы намеснік камандзіра палка імя Кастуся Каліноўскага Вадзім Кабанчук. https://www.youtube.com/watch?v=O0akCdwwFe4
-
Ці закрануць “маштабныя” санкцыі ЕС супраць Расіі рэжым Лукашэнкі? Пра гэта і шмат што іншае мы і разважаем у штотыднёвым жывым эфіры @euroradio з палітычным аглядальнікам, гісторыкам Аляксандрам Фрыдманам https://www.youtube.com/watch?v=-ln4HIe1lYE
-
Беларускі андэграўнд становіцца ўсё больш заўважным у Варшаве. А фіксацыяй гэтага музычнага дзвіжу амаль год займаецца К6 — платформа з жывымі вечарынамі і канцэртамі, якая збірае разам музыкаў, паэтаў і слухачоў. Цяпер К6 аб'ядналіся з дакументальным праектам "Твары" — каб пра беларускую музыку і яе творцаў даведалася як мага больш людзей. Пра першыя вынікі і перспектывы калабарацыі, патэнцыял беларускага руху і яго інтэграцыю ў еўрапейскі кантэкст гаворым са стваральнікамі K6 Стасам Мурашкам і Альбертам Кенгерлі. https://www.youtube.com/watch?v=WqgfgVu2FnE
-
Ціханоўскі паскардзіўся, што праваабаронцы спынілі аплачваць яму лячэнне зубоў. Чаму так адбылося? Блогер сцвярджае, што яго пазбавілі медыцынскай дапамогі. Аднак крыніцы @euroradio y праваабарончых колах кажуць, што пасля вызвалення ён “атрымаў усю патрэбную дапамогу ад розных арганізацый і ў адпаведных памерах”. Разбіраемся, як працуюць праграмы дапамогі былым палітвязням і чаму яе могуць спыніць. Чытаць тут: https://euroradio.fm/cikhanouski-abvinavaciu-pravaabaroncau-u-tym-shto-nedalyachyu-zuby-u-chym-prablema A гэтая спасылка адкрыецца і без VPN
-
Як гульні Трампа з Пуціным уплываюць на ўзровень пагрозы для Еўропы? Пра гэта і шмат што іншае мы і разважаем з сябрам “Вольнай Беларусі”, кіраўніком варшаўскага Цэнтра палітычнага аналізу і прагнозу, доктарам палітычных навук Паўлам Усавым. https://www.youtube.com/watch?v=V6-pFDmxnTA
-
Беларусу забаранілі ўезд у Расію на бліжэйшыя сто гадоў. Як заўважыла @nashaniva", Вярхоўны суд Рэспублікі Карэлія забараніў яму ўязджаць у РФ да 17 красавіка 2126 года. Абскардзіць прысуд праз апеляцыю не ўдалося. Максім Стасевіч у 2020‑м удзельнічаў у пратэстах пасля фальсіфікацыі вынікаў прэзідэнцкіх выбараў. Тады яго да адказнасці не прыцягвалі.
-
Падрыхтоўка і адукацыя медыкаў у Беларусі: што чакае маладога чалавека на гэтым шляху? На гэтае пытаннеў эфіры @euroradio адказвае доктар Станіслаў Салавей. Цалкам стрым тут: https://www.youtube.com/watch?v=uk4WaSe7i4M
-
Адказнасць за інцыдэнт на беларуска-латвійскай мяжы ўзяла на сябе малавядомая групоўка "Чорныя русы". Пра гэта паведамляюць у латвійскіх СМІ. Гаворка ідзе пра падзеі пачатку кастрычніка, калі ўзброеныя людзі ў масках нелегальна перапраўлялі з Беларусі ў Латвію 20 мігрантаў. Пазней невядомыя зайшлі з Беларусі на тэрыторыю Латвіі і пашкодзілі інфраструктуру на латвійскай мяжы.
-
У 34-гадовым узросце памёр амерыканскі актор Ар Джэй Міці. Ён граў сына Уолтара Уайта ў папулярным серыяле "Ва ўсе цяжкія". Паводле інфармацыі СМІ, прычынай смерці стала самагубства. Адзначаецца, што Ар Джэй Міці быў не толькі акторам, але таксама філантропам і абаронцам правоў людзей з інваліднасцю.
-
Каго глядзець/слухаць сёння на @euroradio? Трымайце наш анонс на аўторак (час пазначаны беларускі): 12:00 — доктар палітычных навук Павел Усаў 13:00 — стваральнікі прасторы K6 Стас Мурашка і Альберт Кенгерлі 14:00 — палітычны аглядальнік і гісторык Аляксандр Фрыдман 15:00 — прадстаўнік па абароне і нацыянальнай бяспецы Аб’яднанага пераходнага кабінета, былы намеснік камандзіра палка імя Кастуся Каліноўскага Вадзім Кабанчук Глядзіце стрымы на ютуб-канале Еўрарадыё, задавайце пытанні!
- Older posts