Нямецкая паліцыя пачала 11 крымінальных спраў пасля канцэрта Макса Каржа ў Франкфурце. Пра гэта гаворыцца ў адказе паліцыі на запыт DW. На канцэрт Макса Каржа ў Франкфурце прыехала каля 30 тысяч чалавек. Пасля шоу ў раёне Альт-Заксенхаузен адбыліся сутычкі з паліцыяй, а некаторыя ўдзельнікі кідалі ў сілавікоў бутэлькі. Сам спявак падчас канцэрту заклікаў спыніць вайну ва Украіне, але спыніў фанатаў, якія сталі крычаць абразлівыя лозунгі на адрас Пуціна.