Хутка, чотка і па-беларуску. Падтрымаць нас: buymeacoffee.com/euroradio
Напісаць ананімна ў рэдакцыю: @euroradio_minsk
Нашы суполкі ў сацсетках:
TikTok: tiktok.com/@euroradio
FB: facebook.com/euroradio.fm
Instagram: instagram.com/euroradio
Subscribers8.4K +0 24h · −20 7d
Reach per post (ERR)16.8%1.4K avg views
Posting22.7/daylast 9 hours ago
Reactions per 1K views18.4👍 ❤ 🤬
Беларуса, які дапамагаў РФ атрымліваць оптыку з Украіны, абвясцілі ў міжнародны вышук. Расследаванне справы Яўгена Малінковіча адбывалася завочна.
Следства сцвярджае, што Малінковіч арганізаваў пастаўкі з Украіны праз Польшчу ў Расію аптычнага шкла. Яно прызначалася разанскаму ТАА "КОЛТ", якое працуе на ваенную прамысловасць Расіі. У Польшчу прадукцыю дастаўлялі грамадзяне Украіны. Следчыя кажуць пра некалькі такіх перавозак, але агульны аб’ём не ўдакладняюць. Украінцы падчас следства называлі Малінковіча "Жэнем з Гомеля".
Паводле экспертаў, шкло, якое перавозіў Малінковіч, у Расіі выкарыстоўваюць пры вытворчасці вайсковых прыладаў — кантрольных прыбораў, галовак саманавядзення ракет, оптыкі ва ўмовах ядзернага ўздзеяння.
У Вільні парадам і рэканструкцыямі адсвяткавалі ўгодкі бітвы пад Оршай.
edited
Віктар Бабарыка — пра пытанне "Чый Крым?"
"Да 14 снежня 2025 (...) танальнасць была такая: я не хачу адказваць на гэтае пытанне", — сказаў экс-палітвязень у інтэрв'ю літоўскаму Delfi.
Пасля 14 снежня 2025-га — дня, калі Бабарыку вызвалілі і выслалі ва Украіну — адказ, як кажа Бабарыка, у яго заўсёды адзін: "Крым заўсёды быў і застаецца ўкраінскім".
Чаму ён не хацеў адказваць на гэтае пытанне раней, Бабарыка не патлумачыў — прынамсі, на тым фрагменце, які апублікавала Delfi.
На сваёй першай прэс-канферэнцыі ў якасці прэтэндэнта ў прэзідэнты ў траўні 2020-га на пытанне "Чый Крым?" Бабарыка адказаў "грэчаскі". Не даў прамога адказу экс-палітвязень і ў інтэрв'ю Уладзіміру Золкіну ў снежні 2025-га.
"Маятнік вагануўся". Ці дапаможа перамога ўлтраправых у Саксоніі-Анхальт Лукашэнку і Пуціну?
І ці варта чакаць праблемаў для беларусаў і ўкраінцаў, што жывуць у гэтай зямлі? Распыталі палітычнага аглядальніка і гісторыка Аляксандра Фрыдмана.
"Для “Альтэрнатывы” гэта не вельмі прыемны момант: тут давядзецца ад слоў пераходзіць да справы. А многае з таго, на чым яны настойваюць, яны проста не могуць рэалізаваць у межах цяперашняга заканадаўства".
🔸 Чытайце цалкам тут: https://euroradio.fm/pratesnae-galasavanne-lyudzey-yakiya-bayacca-za-svayu-buduchynyu-pra-peramogu-adg-u-germanii
Спасылка, якая працуе без VPN
"Гэта сведчыць, што ён смелы чалавек і гатовы рызыкаваць". Алесь Бяляцкі — пра вяртанне Анджэя Пачобута ў Беларусь.
"Ці кажа гэта пра тое, што сітуацыя змянілася і ў Беларусь прыйшла адліга? Не.
У 30-я гады на будаўніцтва Беламорканалу, які будавалі палітычныя заняволеныя, вазілі пісьменнікаў, у тым ліку і беларускіх, каб паказаць, як праца перавыхоўвае “злачынцаў”. Неўзабавеі некаторыя з іх апынуліся на іншых гулагаўскіх новабудоўлях.
Не раю іншым палітычным уцекачам паўтараць тое, што зрабіў Анджэй, каб седзячы ў калоніі потым не дакараць сябе за даверлівасць".
На фота: Пачобут на беразе Нёмана.
Чаму Офіс не хоча, каб ЕС далучыўся да перамоў ЗША з Лукашэнкам? Ці ўсё ж хоча? Даведаемся ў эфіры @euroradio!
З якімі галоўнымі мэсэджамі выходзіць Офіс да заходніх партнёраў і ці сустракаюць яны разуменне ў суразмоўцаў? Як на іміджы Святланы Ціханоўскай і агулам на беларускай супольнасці адбіваецца канфлікт Сяргея Ціханоўскага са СМІ? Ці чакаць новага візіту Ціханоўскай ва Украіну і што яму можа перашкодзіць?
На гэтыя ды іншыя пытанні ў эфіры Еўрарадыё адказвае дарадца Святланы Ціханоўскай па палітычных пытаннях Аляксандр Дабравольскі: https://www.youtube.com/live/LLSAkGqPIs0?si=jxVJzeGZSE-CCB6w
“Белавія” — на вылет? Чым авіякампаніі пагражае “закрыццё” неба Расіі.
Чым для “Белавія” стане закрыццё расійскага неба і чым пагражае банкруцтва нацыянальнага авіяперавозчыка? Як доўга і як шмат беларускія прадпрыемствы будуць зарабляць на вайне ва Украіне? Ці магчымая “калійная здзелка” з удзелам Украіны, а “зерневая” — Беларусі?
На гэтыя ды іншыя пытанні ў эфіры @euroradio адказвае эканаміст Яраслаў Раманчук: https://www.youtube.com/watch?v=TQ9uHfJGnJ8
edited
Экс-палітвязень Анджэй Пачобут вярнуўся ў Беларусь. Пакуль — на тыдзень.
У сярэдзіне верасня Пачобут плануе наведаць ЗША і Канаду.
Так выглядала прысяга на вернасць Беларусі ў Дзень беларускай вайсковай славы — 8 верасня 1992 год. З прамовамі Зянона Пазняка і Міколы Статкевіча.
Відэа: @historyja
Які мужчына патрэбны беларускай дзяржаве? Даведаемся погляд гендарнай даследчыцы.
Пагаворым пра білборды Міністэрства абароны “Будзь абаронцам. Мужчынам будзь”, парады прапагандыста Тура мужчынам больш працаваць замест догляду за дзіцём і палкоўніка-дэпутата Шкодзіна, які з пазіцыі “сапраўднага мужыка” здзекуецца з “яжмаці” і “яжнараджала”. І пра іншы бок той жа маскуліннасці: чаму Следчы камітэт можа выкарыстоўваць пагрозу сексуальнага гвалту над мужчынам як “жарт” і сродак запалохвання?
Гэтыя ды іншыя тэмы ў эфіры @euroradio абмяркуем з гендарнай даследчыцай Ірынай Сідорскай: https://www.youtube.com/watch?v=D8Gs8fRBGDY
edited
Лукашэнка сустрэўся з расійскім алігархам Уладзімірам Патаніным. Ён займае другое месца ў спісе найбагацейшых расійскіх бізнесоўцаў.
Асноўны актыў Патаніна — "Нарнікель". Нядаўна ў яго з'явіўся бізнес-інтарэс у Беларусі: стварыць сумеснае прадпрыемства с БелАЗам. Алігарх ужо падпісаў пагадненне з дырэктарам дзяржпрапрыемства.
Плануецца зрабіць прадпрыемства ў Расіі, якое найперш займаецца рамонтам. Гэта будзе выгадна "Нарнікелю", праца якога наўпрост завязаная на самазвалах.
Ёсць важная дэталь: пакуль няма юрасобы — невядома, хто будзе ва ўласніках прадпрыемства. Напрыклад, сярод заснавальнікаў можа быць не сам БелАЗ, а яго расійскае прадстаўніцтва — "ГД БелАЗ", 40% акцый у якім належаць "Прэзідэнцкаму спартыўнаму клубу" на чале з Дзмітрыем Лукашэнкам.
То-бок, сустрэча Патаніна з Лукашэнкам-старэйшым цалкам лагічная: трэба абгаварыць дэталі і магчымыя "плюшкі" за супрацу.
edited
Дзяржхолдынгам не хапае тысяч працоўных рук. І гэта толькі калі лічыць вакансіі на самых буйных прадпрыемствах.
"У большасці сваёй [вакансіі] — на пасады, якія патрабуюць профільнай кваліфікацыі. Замяніць іх кадрамі з Усходу, за якія так топяць беларускія ўлады, адназначна не атрымаецца", — піша Plan B. у сваім даследаванні.
Абсалютны лідар рэйтынгу па колькасці вакансій – МТЗ, дзе патрэбныя 1190 працаўнікоў. У топ-3 таксама ўваходзяць "Беларусьнафта" і БелАЗ.
8 верасня адзначаецца Дзень беларускай вайсковай славы. У гэты дзень у 1514 годзе войска Вялікага княства Літоўскага пад Оршай разбіла ваяроў Маскоўскага княства, якія спрабавалі заваяваць беларускія тэрыторыі.
Гэтая дата — выдатная альтэрнатыва савецкаму 23-му лютага.
Дата генератар: Бітва пад Оршай
edited
Каго глядзець/слухаць сёння на @euroradio? Трымайце анонс эфіраў на аўторак (час пазначаны беларускі):
12:00 — гендарная даследчыца Ірына Сідорская.
13:00 — гісторык Яўген Красулін.
14:00 — эканаміст Яраслаў Раманчук.
15:00 — дарадца Святланы Ціханоўскай Аляксандр Дабравольскі.
Кожны будні дзень мы робім стрымы з экспертамі, палітыкамі, дзеячамі культуры, актывістамі і не толькі. Падтрымайце нашу працу праз спонсарства на ютубе, калі для вас гэта бяспечна і вы маеце такую магчымасць!
edited
Забудоўшчыкі падымаюць цэны на кватэры пасля ўвядзення "іпатэкі пад 1%". Пра гэта піша экспертка ў сферы нерухомасці Наталля Літоўская.
"Цэны навабудаў у некалькіх праектах "партнёрскі суперкрэдыт пад 1%" падняў. У сярэднім за кватэру — на $10 тысяч.
І нават уведзеная 5-гадовая забарона на датэрміновае пагашэнне гэтага "суперкрэдыту" на рашэнне падняць цэны не паўплывала", — паведаміла яна.
Як адзначае экспертка, у забудоўшчыкаў, якія не далучыліся да праграмы, "усё роўненька і добра — і з продажам, і з цэнамі".
Чаму кошты на нерухомасць у Мінску звар'яцелі?
Расія ноччу здзейсніла масіраваную ракетную атаку на Кіеў і вобласць. Ёсць загінулыя і пацярпелыя, піша @hromadske_ua.
У сталіцы Украіны разбурэнні і пажары адбыліся па меншай меры ў пяці раёнах.
Важныя падзеі і сэнсы панядзелка, 7 верасня, у праграме ЕЎРАЗУМ:
01:11 Што будзе, калі ў Беларусі застануцца адны пенсіянеры?
12:08 Навіны спорту
14:55 Ці знойдзецца месца Лукашэнку на перамовах паміж Расіяй і Украінай?
24:17 Навіны шоу-бізу
27:20 Куды паляціць “Белавія” калі закрыецца расійскае неба?
"Калі ЗША будуць гуляць па маскоўскіх правілах, то руху наперад не будзе”. З дапамогай эксперта ацэньваем, ці наблізілі Усходнюю Еўропу да міру паездкі Уіткафа і Кушнера ў Маскву і ў Кіеў.
Настрой скептычны: https://euroradio.fm/peramou-ne-budze-yakiya-rezultaty-vizitau-uitkafa-i-kushnera-u-maskvu-i-kieu
Спасылка, якая працуе без VPN
edited
Шпіц не паспявае перабіраць лапкамі, і бягун літаральна цягне яго да фініша па плітцы. Яшчэ адзін дзіўны і непрыемны момант Мінскага паўмарафона трапіў на відэа.
Ролік быў апублікаваны ў афіцыйным інстаграм-акаўнце паўмарафона. Неўзабаве яго выдалілі. Але людзі паспелі заўважыць яго.
"Я буду тым самым пенсіянерам, які будзе хадзіць і казаць: "Давайце абкладзем моладзь падаткамі ў 70%, каб было з чаго плаціць мне пенсію", — іранізуе эканаміст Леў Львоўскі. І дадае, што пры цяперашняй дэмаграфічнай сітуацыі працаздольную моладзь давядзецца абкладаць падаткамі ў любой Беларусі: і ў таталітарнай, і ў дэмакратычнай.
А калі так — дык ці ёсць для будучых пенсіянераў розніца?
Ёсць, кажа Львоўскі. І вельмі істотная. Цалкам стрым з ім глядзіце тут: https://www.youtube.com/watch?v=sZT-2leowHU