Белсат - першы незалежны беларускі тэлеканал. Працуем з 2007 году.
Кантакт з Белсатам у ТГ толькі праз асабістыя паведамленні ў гэты канал.
↓ Важныя спасылкі ↓
📲 cde34rfv.ovh
taplink.cc/belsat
Subscribers14.6K +0 24h
Reach per post (ERR)11.0%1.6K avg views
Posting37.1/daylast 19 minutes ago
Reactions per 1K views14.6❤ 🤬 😢
edited
🇵🇱 На Ціханоўскую накінуліся у каментарах X праз допіс пра Касцюшку
Крытыка на кіраўніцу АПК абрынулася пасля допісу, у якім яна не згадала польскае паходжанне героя і ягоную сувязь з Рэччу Паспалітай.
Некаторыя карыстальнікі абвінавацілі яе ў замоўчванні польскай ідэнтычнасці Касцюшкі. Да крытыкі далучыўся таксама польскі еўрадэпутат ад кансерватыўнай партыі «Права і справядлівасць».
Пасля хвалі крытыкі Ціханоўская апублікавала яшчэ адзін допіс, у якім назвала Касцюшку палякам, народжаным на землях сучаснай Беларусі:
«Тадэвуш Касцюшка быў палякам, народжаным на землях, якія сёння ўваходзяць у склад Беларусі. Польскі нацыянальны герой і генерал Рэчы Паспалітай, ён узначаліў паўстанне 1794 года супраць Расеі і Прусіі.
Мы ганарымся тым, што ягоная спадчына – частка нашай агульнай гісторыі. За нашу і вашу свабоду!»
😁 Нечаканая паслуга ў гомельскім салоне прыгажосці
Усяго за 10 рублёў , на працягу 5 хвілінаў вам будзе дазволена хаміць!
edited
Беларусь адкрыла амбасады ў КНДР і М'янме
Дамоўленасці аб іх адкрыцці былі дасягнуты асабіста Лукашэнкам. Беларускі дыктатар наведваў Паўночную Карэю і Мʼянму ў 2026-м, а таксама запрашаў Кім Чэн Ына ў Менск.
Паводле Freedom House, Мʼянма і КНДР зʼяўляюцца аднымі з самых таталітарных краін свету. Паўночная Карэя мае 3 балы са 100 па паказчыку правоў і свабодаў, Мʼянма – 4 балы са 100, а Беларусь – 7 балаў са 100.
Падрабязней чытайце ПА СПАСЫЛЦЫ.
Чытайце тут, калі ў Беларусі.
edited
Трамп адмовіўся ўводзіць «пякельныя санкцыі» супраць Расеі
Прэзідэнт ЗША спачатку ўвёў іх, бо быў абавязаны законам, але адразу ж адмяніў.
«Я адмаўляюся ад прымянення санкцый, абмежаванняў і мытаў, прадугледжаных законам Грэма. Я прадставіў Кангрэсу пацверджанне таго, што прадастаўленне такой адмовы ў цяперашні час адпавядае нацыянальным інтарэсам Злучаных Штатаў».
Такім чынам, Трамп паставіў на паўзу ўвядзенне дадатковых мытаў у памеры 500% на расейскія тавары і 100% на прадукцыю краінаў, якія ўваходзяць у топ-5 найбуйнейшых пакупнікоў нафты і газу з РФ (сярод іх Кітай і Індыя).
Раней Кангрэс ухваліў закон Ліндсі Грэма, які Трамп падпісаў 18 верасня. Паводле дакументу, ён павінен быў уступіць у сілу цягам 30 дзён.
💥 Ранішняе шоу на «Белсаце»
У сённяшнім выпуску абмяркуем ільготы для шматдзетных семʼяў, даведаемся, ці дапамагаюць звароты беларусаў да Лукашэнкі, а таксама высветлім, ці зможа штучны інтэлект замяніць жывых музыкаў.
Далучайцеся да нашага эфіру!
Расея нанесла авіяўдары па Запарожжы і Харкаве
Мінімум адзін чалавек загінуў, яшчэ каля 18 атрымалі раненні, у тым ліку сям'я з месячным немаўлём.
У выніку масіраваных удараў балістычнымі і крылатымі ракетамі былі пашкоджаны жылыя дамы, складскія памяшканні, прамысловыя абʼекты і аўтамабілі.
Акрамя таго, ноччу быў атакаваны і Крывы Рог. Інфармацыі пра пацярпелых няма.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔸 Што будзе з Беларуссю, калі ў Еўропе пачнецца новая вялікая вайна?
Прадстаўнік БХД Сяргей Верамеенка мяркуе, што, нягледзячы на ўсе магчымыя жахі вайны, гэта можа даць шанец для Беларусі.
🔸 «Савецкі чалавек здольны да самаўзнаўлення»
Анджэй Пачобут у Варшаўскім універсітэце выступіў з прамовай пра савецкую спадчыну, жывучасць homo sovieticus і канфлікт паміж дэмакратыяй і аўтарытарызмам.
🔸 Як з абарончай стратэгіі NATO зрабілі фэйк пра пагрозу ўдараў па Беларусі?
Рэжымныя ўлады заявілі пра нібыта падрыхтоўку прэвентыўных удараў па Беларусі, спасылаючыся на словы амерыканскага генерала Алексуса Грынкевіча.
#штопачытаць
🦌 А згоду на здымкі давалі?
У Верхнядзвінскім раёне на Віцебшчыне знялі рэдкае відэа: прыгожага аленя, які пасвіўся на ўскрайку лесу.
Аўтара відэа wolfheart_andrew (Threads) лясны прыгажун не вельмі-то і баяўся. ☝️
«Вікі любіць славутасці 2026 у Беларусі" — ізноў у міжнародным конкурсе
Папярэдні раз беларускі сегмент браў удзел у гэтым спаборніцтве ў 2012 годзе.
"Культурная спадчына шматгранная. Гэта старыя будынкі і элементы іх афармлення, памятныя мясціны, мемарыялы, скульптурныя помнікі, музейныя экспансіі і мноства традыцыйных абрадаў і рытуалаў. Фатаграфуйце тэмы культурнага спадчыны, каб фіксаваць іх стан, ілюстраваць артыкулы Вікіпедыі і капіяваць калекцыю свабоды ведаў. Аўтары лепшых здымкаў атрымаюць прызы!", заклікаюць аўтары праекта.
Аўтары пяці найлепшых здымкаў атрымаюць электронныя падарункавыя сертыфікаты на 200 рублёў для пакупак у інтэрнэт-крамах. На конкурс загружана ўжо больш за 1 170 файлаў. Конкурс «Вікі любіць славутасці» (Wiki Loves Monuments) працягнецца да канца кастрычніка на платформе Wikimedia Commons.
Фота: Budgawl / Wikimedia Commons
edited
💥 #галоўнае за 16 кастрычніка
✔️ Лукашэнка нечакана заступіўся за Зяленскага у спрэчцы з Трампам
✔️ Папа Рымскі Леў XIV патэлефанаваў Пуціну і заклікаў да замірэння ў акупаваных Алешках, дзе няма паставак ежы з траўня
✔️ Журналісты пацвердзілі гібель амаль 282 тысяч расейскіх вайскоўцаў ва Украіне. Рэальная колькасць загінулых можа перавышаць 600 тысяч
✔️ Дзве беларускі, Паліна і Саша, выйшлі на волю ў Каліфорніі пасля больш як года ў цэнтры ўтрымання
✔️ У Жлобіне заклікалі паведамляць пра маякі для дронаў
✔️ У Менску зноў клічуць гараджанаў бясплатна папрацаваць дворнікамі — цяпер прыбіраць лісце
✔️ Расейская ракета-дрон «Бандэроль» зноў заляцела на Гомельшчыну і праз пяць хвілінаў вярнулася ва Украіну
✔️ Зяленскі адмовіўся сыходзіць у адстаўку на патрабаванне Трампа і заявіў, што кіраўніка Украіны могуць выбіраць толькі яе грамадзяне. Таксама ён згадзіўся не біць па расейскіх НПЗ у абмен на пашырэнне зоны працы Starlink
✔️ У Расеі атакавалі Сургутскі завод «Газпрама» за 2400 кіламетраў ад Украіны. Пасля атакі беспілотнікаў загарэўся прамысловы аб’ект
✔️ У Беларусі пачаўся форум пра штучны інтэлект, заснаваны стартаперам, якога раней асудзілі за махлярства
✔️ BELPOL расказаў, як Беларусь рыхтуюць да вайны на баку Расеі: на вышках МТС разгортваюць вайсковую сувязь, а пад Слуцкам будуюць завод боепрыпасаў
✔️ У Беларусі пашыраюць народнае апалчэнне — Лукашэнка загадаў ствараць новыя атрады ў вёсках
✔️ У Лодзі паказалі дакументальны фільм «Двіж» пра фанатаў Макса Каржа — прэм’ера прайшла з аншлагам
✔️ У Беларусі на суботу абвясцілі аранжавы ўзровень небяспекі праз туман
✔️ У Расеі прапанавалі размяшчаць дата-цэнтры ў адпрацаваных вугальных кар'ерах
✔️ Перад выходнымі рэзка выраслі чэргі на выезд у Польшчу. Колькі часу даводзіцца чакаць?
#рэпрэсіі:
▫️ Шматгадовы страх прымушае беларусаў маўчаць пра палітыку, не давяраць незнаёмцам і абмяжоўваць кантакты нават з блізкімі
☝️У Беларусі яшчэ адно махлярства: "развод" на рамонце студняў
У Белаазёрску мужчына арганізаваў маштабную схему пад выглядам паслуг па рамонце і мантажы студняў.
З кастрычніка 2023 па сакавік 2026 года ён заключаў дамовы на сантэхнічныя працы і рамонт студняў з жыхарамі Менску, а таксама Берасцейскай, Гарадзенскай, Гомельскай і Менскай абласцей. Мужчына браў грошы, але выконваць абяцанні не планаваў ад пачатку.
У выніку яго вінавацяць у 44 выпадках махлярства, у якіх пацярпелі 67 чалавек на суму 178 000 беларускіх рублёў. Ягоная справа ў судзе. ☝️
☝️Разгром фэйку: генерал ЗША не пагражаў Беларусі
Генерал ЗША Алексус Грынкевіч не пагражаў Беларусі – гэта фэйк. Але яго стварылі і распаўсюдзілі некаторыя незалежныя беларускія медыі і службы Лукашэнкі.
Маніпуляцыю вакол выступу камандуючага сіламі НАТО ў новай праграме «Нацыянальны інтарэс» абмяркоўваюць Сяргей Пелясая, Зміцер Міцкевіч і Яўген Красулін. ☝️
🏁 З 2027 года ў аўташколах Беларусі зменяцца правілы навучання і экзаменаў
Аўташколы змогуць не ўсталёўваць GPS на навучальныя аўтамабілі, калі заняткі запісваюць на відэа. Запісы экзаменаў трэба будзе захоўваць паўгода, а тэорыю выкладаць вочна.
Таксама дазволяць здаваць экзамен на іншай навучальнай машыне, калі звыклая недаступная.
🔗 Больш падрабязна – чытайце тут
📌 Адкрыць спасылку з Беларусі
🕸 У Нью-Ёрку з’явіўся скрыжаванне, названае ў гонар Чалавека-павука
У гонар супергероя назвалі скрыжаванне на Інгрэм-стрыт. Паводле коміксаў, менавіта тут Пітэр Паркер жыў са сваёй цёткай Мэй.
І самае цікавае: калісьці ў доме па гэтым адрасе сапраўды жыла сям’я Паркер!
А вось цяперашні ўладальнік дома спачатку нічога не ведаў пра яго зорнае мінулае. Ён толькі здзіўляўся, чаму яму прыходзяць лісты, адрасаваныя Чалавеку-павуку.
🍂 Менчукоў зноў клічуць бясплатна папрацаваць дворнікамі. Інвентар абяцаюць выдаць
Узімку гараджанаў ужо заклікалі дапамагчы са снегам. А цяпер настала чарга лісця.
Менгарвыканкам апублікаваў спіс месцаў, дзе можна далучыцца да прыборкі. Там паабяцалі забяспечыць ахвотных граблямі ды пальчаткамі.
🤝Дзве беларускі выйшлі на волю пасля больш як года ў цэнтры ўтрымання ў ЗША
Пра гэта паведамляе BYSOL. Паліна і Саша вызваліліся з-пад варты ў Каліфорніі пасля таго, як за іх унеслі заклад. Беларусы і беларускі штату збіралі грошы, каб дапамагчы сёстрам пазбегнуць дэпартацыі ў Беларусь.
☝️ Расейская «Бандэроль» прыляцела ў Беларусь. Разам з ёй было паў цэнтнеру выбухоўкі. Чым гэта магло скончыцца?
😮 5 чалавек шпіталізаваныя ў Падмаскоўі з падазрэннем на воспу малпаў. Як засцерагчыся і ці ёсць небяспека для нашай краіны?
🤔 У аўташколах цяпер будуць абавязкова здымаць іспыты на відэарэгістратар. Навошта?
📺 Глядзіце ў Студыі Белсату!
edited
🇻🇦Папа Рымскі патэлефанаваў Пуціну
Падчас размовы пантыфік заклікаў да замірэння ў акупаваных Алешках на Херсоншчыне.
Яно патрэбнае, каб даставіць жыхарам ежу і лекі, а таксама бяспечна эвакуяваць цывільных.
У Алешках застаюцца некалькі тысяч чалавек, падыходы да гораду замінаваныя, паставак ежы няма з траўня, а жыхары перажываюць гуманітарную катастрофу.
🛹 Толькі фізіка і адвага
Іспанец паказаў сапраўды хуткі спуск на скейце.
edited
🤡 Лукашэнка нечакана заступіўся за Зяленскага ў спрэчцы з Трампам
Галоўны геапалітык і стратэг не прамінуў спрэчку паміж прэзідэнтамі Украіны і ЗША, і скарыстаўся нагодай, каб выказаць сваё меркаванне:
«Гэта не Трампа пытанне. Хто будзе ва Украіне прэзідэнтам, вырашыць украінскі народ».
«На выбары трэба ісці. У гэтым Трамп мае рацыю: абяцаў – трэба выконваць абяцанні. Але толькі дыктаваць не трэба. Трампу не варта дыктаваць, як паступаць Украіне»
Дыктатар таксама дадаў, што вайна моцна вымотвае расейскую эканоміку, і сказаў, што, на яго думку, скончыцца яна сёлета ці ў наступным годзе.
🔗 Больш падрабязна — чытайце па спасылцы
✅ Адкрыць спасылку з Беларусі