Белсат - першы незалежны беларускі тэлеканал. Працуем з 2007 году.
Кантакт з Белсатам у ТГ толькі праз асабістыя паведамленні ў гэты канал.
↓ Важныя спасылкі ↓
📲 cde34rfv.ovh
taplink.cc/belsat
Subscribers14.6K +0 24h
Reach per post (ERR)11.0%1.6K avg views
Posting37.2/daylast 7 hours ago
Reactions per 1K views14.6❤ 🤬 😢
edited
🔥 ЗСУ ўдарылі па двух расейскіх знішчальніках
Украінскія дроны атакавалі аэрадром у Адыгеі – прыкладна за 500 км ад лініі фронту. Паводле ЗСУ, у выніку ўдару былі пашкоджаныя знішчальнікі Су-35 і Су-34.
Абодва самалёты з'яўляюцца носьбітамі кіраваных авіябомбаў, якімі Расея масава атакуе ўкраінскія гарады і пазіцыі на фронце.
OSINT-каналы паведамляюць пра пажар у раёне аэрадрому. Расейскае Мінабароны заявіла пра 559 збітых і перахопленых БПЛА, але пра атаку на Адыгею не згадала.
edited
🍉 «Кавуновы батальён» Лукашэнкі: улады шукаюць прыгажунь па ўніверсітэтах
У ВНУ ў дзяўчат запытваюць фізічныя параметры і спасылкі на сацсеткі – а тых, хто адмаўляецца, просяць пісаць тлумачэнні.
Тым часам улады маўчаць пра атакі дронаў на беларускія фуры і расейскі пераход на мяжы з Беларуссю.
Чаму работніцы Шклоўскага калгасу даводзіцца са слязамі прасіць абсталяванне для кароваў асабіста ў Лукашэнкі? І ці сапраўды беларусы стануць багацейшымі пасля абяцанага росту заробкаў?
🎥 Пра гэта глядзіце ў новым выпуску «Дэкодэра» Дзмітрыя Семчанкі
🛑 Лукашэнкаўцы засталіся яшчэ без аднаго YouTube-канала
YouTube заблакаваў канал унутраных войскаў МУС — пра гэта паведаміў тг-канал установы.
На замену яны стварылі новы канал. Цікава, колькі пражыве ён. 😁
Нагадаем, 3 красавіка YouTube выдаліў каналы дзяржаўных медыя БЕЛТА, ОНТ і СТВ.
edited
💥 У Расеі ўзарвалі аўтамабіль вайскоўца, якога Украіна абвінавачвала ў катаваннях палонных
У Новамаскоўску Тульскай вобласці 2 кастрычніка ўзарвалі аўтамабіль 47-гадовага Рамана Сырамятнікава. Ён ваяваў ва Украіне ў складзе 51-га парашутна-дэсантнага палка.
Выбухоўку заклалі пад дном машыны. Пасля выбуху аўтамабіль урэзаўся ў слуп, Сырамятнікаў загінуў.
Украінская пракуратура раней абвінавачвала яго ва ўдзеле ў катаваннях украінскіх ваеннапалонных.
edited
🎓 Беларусь за пяць гадоў страціла больш за 13 тысяч настаўнікаў
Гэта мінус каля 11,9%, альбо кожны восьмы настаўнік. Такія даныя прыводзіць «Позірк» паводле статыстыкі «Белстату».
Абудзішся ў 2080 годзе, а ў Беларусі ўсё так жа выступае Гайдукевіч 🙈
Хто з вядомых беларусаў мог бы быць наступным прэзідэнтам ці прэм'ерам?
Абмяркоўваем з Франакам Вячоркам і Дзянісам Дудзінскім у нашай новай праграме «Калыханка для дарослых». Паслухайце, ці можна любога чалавека ператварыць у палітыка, хто з вядомых дзеячаў надаецца на вышэйшыя пасады ўжо цяпер і ці знайшлося б у будучым урадзе месца для Гайдукевіча і Качанавай ☝🏻
Кім мог бы стаць Макс Корж, чым магла б заняцца Ганна Канапацкая, ды каму яшчэ «шэры кардынал беларускай палітыкі» раздаў бы міністэрскія пасады, глядзіце ў поўным выданні праграмы на youtube-канале BELSAT LIFE 🎬
edited
🇪🇸 Ціханоўская – у Іспаніі: што дала паездка і навошта беларусам новы офіс у Мадрыдзе?
Тым часам Мерц нечакана паехаў у Кіеў.
Макс Корж зноў трапіў пад прыцэл расейскіх зэтнікаў. А ў Нямеччыне назвалі імя беларуса, завербаванага Расеяй, якога падазраюць у тэракце ў Лейпцыгу.
Зборная Беларусі па футболе перамагла найслабейшую каманду свету. А жанчын-даўгажыхарак у Беларусі амаль у дзевяць разоў больш за мужчынаў.
👀 Пра гэтыя і іншыя падзеі – у новым выданні навінаў на «Белсаце»
edited
⚫️ Праваабаронцы: У калоніі памёр віцебскі лекар Ігар Пасноў — ён быў ахвярай карнай псіхіятрыі
Пра смерць Паснова ў ПК-1 распавёў праваабаронца Павел Левінаў са спасылкай на ўласныя крыніцы. Прычына смерці пакуль невядомая — піша «Віцебская Вясна».
Пасноў стаў вядомы як «лекар-праўдаруб», калі пачаў адкрыта казаць пра праблемы ў віцебскай медыцыне. У 2013 годзе пасля выступу на «Белсаце» яго змясцілі ў псіхіятрычную клініку. Пазней незалежныя спецыялісты заявілі, што Пасноў не меў патрэбы ў лячэнні.
У 2019 годзе яго асудзілі за паклёп на віцебскага пракурора. Але хутка Пасноў апынуўся на волі, а вызваленне сам тлумачыў «амністыяй» або «здзелкай». Ён зноў пачаў працаваць лекарам і крытыкаваў улады, у тым ліку за ігнараванне праблемаў з каронавірусам.
Калі і за што Пасноў трапіў у калонію, дакладна невядома. Былыя зняволеныя казалі пра яго жахлівае фізічнае і псіхалагічнае становішча, і здзекі з боку адміністрацыі. Пасноў спрабаваў адстойваць свае правы, але безвынікова. У калоніі Пасноў меў два «прафулікі»: «схільнасць да нападу на адміністрацыю, захопу закладнікаў і праяваў агрэсіі» і «схільнасць да здзяйснення суіцыду і самакалечання».
📚 «Я не люблю хлусні, глупства і подласці»
Кнігавыдавец Зміцер Колас, якога нядаўна вывезлі з Беларусі разам з іншымі палітвязнямі, расказаў пра арышт, следства і жыццё пасля вызвалення.
«Я прыехаў а 7:00 з Польшчы. Пайшоў у ванны пакой. Раптам чую жудасны грукат. Падумаў, што, можа, нешта ў суседзяў здарылася, можа, нейкую трубу прарвала. А гэта, аказваецца, па маю персону – можа, з 15 сілавікоў. Вывалаклі голага на лесвіцу і толькі потым ужо ў кватэры далі апрануцца. Ну, гэта быў, вядома, кашмар».
— распавядае выдавец пра сваё затрыманне.
👉 Чытайце поўнае інтэрв’ю «Белсата» на сайце
📌 Адкрыць спасылку ў Беларусі
edited
🎓 Ціханоўская і Лукашэнка павіншавалі настаўнікаў — кожны па-свойму
Святлана Ціханоўская ў Дзень настаўніка падзякавала педагогам за працу і нагадала: настаўнік — гэта не толькі пра падручнікі і адзнакі.
Паводле яе, добры педагог дапамагае дзіцяці паверыць у сябе, не баяцца памылак, задаваць пытанні і мець уласнае меркаванне:
«Сёння вы дапамагаеце ім расці, а заўтра яны будуць ствараць Беларусь, у якой жыць нам усім»
Лукашэнка таксама павіншаваў настаўнікаў. Але ён больш акцэнтаваўся на тым, што ў эпоху лічбавых тэхналогіяў «алгарытм не здольны замяніць чалавечага ўдзелу». А яшчэ заклікаў педагогаў выхоўваць у дзяцей павагу да нацыянальных традыцыяў і каштоўнасцяў ды гонар за «родную краіну і народ».
🪸 Беларусы знайшлі ў лесе рэдкі грыб, падобны да карала
Гэта яжовік каралападобны, або герыцый каралападобны – незвычайны грыб з разгалінаваным белым плодным целам. У Беларусі ён занесены ў Чырвоную кнігу. Звычайна расце на мёртвай драўніне лісцевых дрэваў.
Выглядае так, быццам кавалачак марскога карала апынуўся проста ў беларускім лесе. 👀
🚨 Захад рыхтуецца да найгоршага сцэнару ў Кіеве
Заходнія дыпламаты распрацоўваюць планы на выпадак рэзкага пагаршэння сітуацыі ва Украіне. Разглядаецца магчымасць перанесці пасольствы з Кіева ў Львоў або на ўсход Польшчы.
Прычына — пагроза новых масаваных расейскіх удараў. Адзін з высокапастаўленых заходніх дыпламатаў у Кіеве на ўмовах ананімнасці сказаў The Guardian, што «Расея плануе замарозіць Кіеў, адкінуць яго назад у каменны век».
🏗 У Менску будуюць сакрэтныя комплексы для сілавікоў — адзін на месцы могілак
Каля плошчы Бангалор на ўчастку больш за 12 га ўжо выраслі чатыры будынкі. У галоўным прадугледжаныя цір, спартовая і актавая залі, і, магчыма, памяшканне для захоўвання зброі. Падрадчыкам забаранілі фатаграфаваць будоўлю і перадаваць інфармацыю трэцім асобам.
Другі комплекс будуюць побач з касцёлам Святога Роха. Ён будзе ўключаць шасціпавярховы навучальны корпус з інтэрнатам, сталоўку, басейн і спартовую залу. А ў падземнай частцы запланавалі 56-метровую стралковую галерэю і памяшканні для зброі.
📌 Што яшчэ высветлілі журналісты пра гэтыя праекты - чытайце па спасылцы
✅ Адкрыць спасылку ў Беларусі
Telegram doesn't show this post on the web. Open it in Telegram to see it.
📅 Роўна 444 гады таму Беларусь перайшла на Грыгарыянскі календар
Калі новы каляндар з’явіўся ў 1582 годзе, ён таксама выклікаў спрэчкі і непаразуменні на землях Вялікага Княства Літоўскага, уласна, якія працягваюцца і дагэтуль. 🤔
👆🏼Пра гісторыю і наступствы гэтых разыходжанняў распавядае Цімох Акудовіч у перадачы «Вусы Скарыны»
🦌 Магутны алень трапіў на відэа ў Налібоцкай пушчы
Глядзіце з гукам!
🕵️♂️ Як беларусу за мяжой не стаць «аднаразовым агентам» спецслужбаў?
Каб працаваць на спецслужбы, сёння не трэба быць Джэймсам Бондам. Вярбуюць часта звычайных людзей: праз прапанову хуткага заробку, выпадковыя даручэнні або выкарыстанне цяжкага жыццёвага становішча. Часам чалавек можа нават не ўсведамляць, што стаў часткай агентурнай сеткі.
На фоне серыі выкрыццяў дыверсантаў і шпіёнаў у Еўропе «Белсат» высветліў у спецслужбаў Літвы і Польшчы, як беларусам за мяжой не трапіць у такую пастку і на якія сігналы варта звяртаць увагу:
📌 Чытайце на старонцы
🔗 А тут без VPN
👀 Далучайцеся да «Раніцы з Белсатам»
Што прыносяць Беларусі Wildberries і Ozon: новыя магчымасці ці залежнасць ад расейскіх платформаў?
Абмяркоўваем працу на пенсіі, пенсійны ўзрост і стаўленне да людзей старэйшага веку.
Таксама – эпоха Пятра Машэрава, падлеткі на электрасамакатах і закуліссе Нобэлеўскай прэміі.
👉 Запрашаем на эфір!
edited
🔺 Канцлер Нямеччыны Фрыдрых Мерц прыбыў у Кіеў з нечаканым візітам
Я прыбыў у Кіеў сёння, бо Украіне патрэбна наша падтрымка ў бліжэйшыя тыдні. Калі не спыніць Расею, яе ваенная машына рана ці позна павернецца супраць нас. Для людзей імкліва набліжаецца пятая ваенная зіма. Расея бамбіць гарады, жылыя дамы і цеплаэлектрастанцыі. Украінцаў нельга зламаць тэрорам,
– заявіў Мерц на вакзале пасля прыбыцця.
Ён таксама паведаміў, што сустрэнецца з Уладзімірам Зяленскім.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔸 Улады зноў загаварылі пра пазбаўленне грамадзянства беларусаў за мяжой
Дзяржаўная прапаганда пачала абмяркоўваць ідэю пазбаўляць грамадзянства тых, каго лічыць «здраднікамі» і праціўнікамі рэжыму.
🔸 Магілёўскім школьнікам зладзілі зум з калоніяй з «прафілактычнай» мэтай
І гэта ўжо не першы такі «ўрок» у верасні школьнікаў сустракалі з сілавікамі, работнікамі калоніяў і зняволенымі.
🔸 Ці сапраўды ЗША могуць укласціся ў беларускую прамысловасць?
Што насамрэч стаіць за прапановамі Лукашэнкі Вашынгтону — чытайце ў каментары Яраслава Раманчука.
#штопачытаць