Белсат - першы незалежны беларускі тэлеканал. Працуем з 2007 году.
Кантакт з Белсатам у ТГ толькі праз асабістыя паведамленні ў гэты канал.
↓ Важныя спасылкі ↓
📲 cde34rfv.ovh
taplink.cc/belsat
Subscribers14.6K +0 24h
Reach per post (ERR)11.0%1.6K avg views
Posting37.2/daylast 19 minutes ago
Reactions per 1K views14.6❤ 🤬 😢
🚆 Цягнік Адлер — Менск перанакіравалі пасля атак на чыгунку ў Бранскай вобласці
Цягнік №301 Адлер — Менск 29 верасня пойдзе не праз Гомель, а праз Оршу. Раней у Бранскай вобласці былі пашкоджаныя чыгуначныя шляхі праз абстрэлы.
БЧ афіцыйна тлумачыць змены маршруту «тэхнічнымі прычынамі».😁
Цягнік прыбудзе ў Менск са спазненнем прыкладна на гадзіну
edited
❤️ Ён навучыў беларусаў вывучаць Беларусь
Двойчы яго арыштоўвалі савецкія ўлады, а ўрэшце – расстралялі.
135 гадоў таму нарадзіўся Аркадзь Смоліч – навуковец, географ і аўтар першай сістэмнай «Геаграфіі Беларусі».
🚎 Адзін тралейбус – два білеты: дзе менчукам даводзіцца плаціць за паездку двойчы
На маршрутах №22, 40 і 40А прыпынак «Кахоўская», які знаходзіцца паміж «Камароўкай» і «Крапоткіна», фармальна стаў канчатковым. Таму паездка праз яго лічыцца двума рэйсамі – і за праезд праз яго трэба прабіць два талончыкі.
Пасажыры абураюцца: яны не выходзяць з тралейбуса і працягваюць ехаць тым жа транспартам, але за некалькі дадатковых прыпынкаў мусяць плаціць яшчэ раз — піша «Анлайнер».
Падобныя праблемы сустракаюцца і ў іншых раёнах Менску.
🚀 Starship упершыню здзейсніў арбітальны палёт
Касмічны карабель SpaceX Ілана Маска выйшаў на арбіту Зямлі і вывеў 26 спадарожнікаў Starlink, пасля чаго паспяхова вярнуўся ў атмасферу.
SpaceX падзялілася эпічнымі кадрамі.
❓ Ці падобныя сёння сітуацыі, у якіх апынуліся беларуская і расейская апазіцыі?
⏯️ Абмяркоўваем у Нашым дні! Далучайцеся!
☝️ Акрамя гэтага паразмаўляем пра інвестыцыі расейцаў у беларускія санаторыі, пра рапс – кармілец Беларусі і тое, як нарошчванне расейскай вайсковай актыўнасці ўплывае на нашую краіну.
👃🏼У Светлагорску жыхары скардзяцца на моцны смурод ад заводу беленай цэлюлозы
Людзям становіцца дрэнна, некаторыя закрываюць вокны і не выходзяць з дамоў – піша «Гомельская Вясна».
Праваабаронцы кажуць, што завод раней неаднаразова звязвалі з небяспечнымі выкідамі, аварыямі і пажарамі.
Пасля рэпрэсій грамадскасці практычна не засталося магчымасцяў уплываць на сітуацыю.
📌 Падрабязнасці – па спасылцы
🔗 Адкрыць спасылку ў Беларусі
edited
🪖 Медыя: Расея плануе ў 2027 годзе павялічыць ваенныя выдаткі прыкладна на 27%
Такім чынам вайсковы бюджэт складзе $203 млрд. Гэта будзе найбуйнейшая сума з пачатку поўнамаштабнага ўварвання ва Украіну, паведамляе Reuters.
На фоне росту ваенных выдаткаў расце і дэфіцыт бюджэту: улады Расеі збіраюцца больш пазычаць і павышаць падаткі.
🏫 Беларуска напісала, што ейнаму сыну забаранілі прыходзіць у школу ў пола – і адкрыла партал у пекла ў каментарах
Жанчына распавяла ў Threads, што ў школе белае класічнае пола раптам назвалі вопраткай, якая не адпавядае дзелавому стылю.
Пост сабраў больш за 63 тысячы праглядаў, а ў каментарах беларусы пачалі абурацца, ды дзяліцца сваімі гісторыямі.
edited
📌 Галоўная мэта БТ — піярыць Лукашэнку за грошы беларусаў
Такі ўказ падпісаў сам дыктатар.
У Беларусі распачаліся мабілізацыйныя вучэнні. А Расея зноў павялічыла колькасць войска ды заслала чарговы дрон пад мяжу з Польшчай.
А таксама: першыя крыптабанкі ў ПВТ, падвышэнні пенсіяў, затрыманне падазраванага ў падпале паркінгу ў Менску і аварыі з удзелам школьніка ды трамвая.
🔗 Пра гэтыя і іншыя падзеі глядзіце ў аглядзе навінаў на «Белсаце».
edited
🎙 Спантанная размова з Максімам Кацам у Брусэлі!
Якія шляхі могуць прывесці Беларусь да свабоды? І ці варта Беларусі спадзявацца на перамены ў Расеі?
📺 Глядзіце эксклюзіўнае інтэрв’ю ўжо сёння ў праграме «Наш дзень» а 14:00 па менскім часе на YouTube-канале «Белсат News»
💥Дроны ўначы атакавалі міжнародны КПП «Красны Камень» на мяжы Расеі і Беларусі
КПП размешчаны з расейскага боку насупраць беларускага пункта пропуску «Селі́шча» ў Гомельскай вобласці.
edited
🪖 У Беларусі распачаліся заняткі па мабілізацыйнай гатовасці ў чатырох вобласяцх
Да 2 кастрычніка чыноўнікі, ваенкаматы і вайсковаабавязаныя будуць адпрацоўваць фармаванне тэрытарыяльных войскаў і народнага апалчэння.
Але гэта не адзіныя вучэнні, якія трываюць у Беларусі.
🔗 Больш падрабязна — па спасылцы
📌 Адкрыць спасылку з Беларусі
❗️Threads стаў небяспечным для скаргаў на жыццё ў Беларусі. Як не трапіцца сілавікам?
Сілавікі звярнулі на сацсетку асаблівую ўвагу. І нават, здавалася б, звычайная скарга на праблемы ў краме, паліклініцы ці на вуліцы можа прыцягнуць непажаданую ўвагу.
📌 Якія ёсць варыянты для тых, хто ўсё ж хоча дзяліцца інфармацыяй — чытайце ў нашым матэрыяле
🔗 Адкрыць спасылку з Беларусі
edited
❗️Асцярожна, адчувальны кантэнт! Расейскі палонны: у «Вагнэры» медыкаў навучалі на палонных, якім адрывалі канечнасці выбухоўкай
Расейскі палонны, які некалі служыў у расейскім ПВК «Вагнэр», распавёў украінскаму блогеру Дзмітрыю Карпенку («Апосталу») пра шакуючы спосаб падрыхтоўкі медыкаў.
Паводле ягоных словаў, падчас знаходжання ў Малі навучэнцам прыводзілі «палонных тэрарыстаў». Аднаму з іх прывязалі да нагі шашку і падарвалі яе, пасля чаго навучэнцы павінны былі надаваць пацярпеламу медычную дапамогу.
edited
😐 У прадстаўніка журфаку БДУ з’явілася ідэя стварыць «кодэкс паводзінаў у інтэрнэце»
На ягоную думку, у беларусаў «не сфармаваліся этычныя нормы камунікацыі ў інтэрнэт-прасторы».
Што яму не падабаецца і хто можа прыдумваць новыя правілы – чытайце ПА СПАСЫЛЦЫ.
Чытайце тут, калі вы ў Беларусі
💪 Маленькая дзяўчынка пабіла сусветны рэкорд у шахматах
11-гадовая Бодхана Сіванандан з Лондану стала самым маладым гросмайстрам сярод жанчын. Гэты тытул яна атрымала на 46-й шахматнай Алімпіядзе ў Самаркандзе (Узбекістан).
Дзяўчынка заявіла, што рада дасягненню, але хоча «працягваць ствараць гісторыю, а не проста спыняцца на дасягнутым».
Ейныя бацькі прызнаюцца, што не ведаюць, адкуль у Бодханы такі талент. Яна пачала гуляць у шахматы падчас ковіду, а ўжо праз год (ёй было ўсяго сем гадоў) яна выйграла ўсе гульні на чэмпіянаце Еўропы сярод школьнікаў.
Дарэчы, папярэдні рэкорд у шахматах сярод маладых жанчын быў у Кацярыны Лагно, якая стала гросмайстрам у 12 гадоў.
edited
Беларусы зноў атрымалі больш адмоваў па міжнароднай абароне, чым станоўчых рашэнняў
Паводле польскага Упраўлення ў справах замежнікаў, у жніўні статус уцекача атрымалі ўсяго 35 нашых землякоў, а дадатковую абарону – толькі адзін чалавек. Пры гэтым адмовілі 49 прасіцелям з Беларусі.
Па стане на 1 верасня 2026 года на разглядзе знаходзяцца 3,2 тысячы заяваў на міжнародную абарону ад беларусаў.
26 верасня беларусы зладзілі акцыю каля будынку Упраўлення ў справах замежнікаў. Што патрабуюць нашыя землякі і як юрыстка каментуе гэтую сумную тэндэнцыю – чытайце ПА СПАСЫЛЦЫ.
Чытайце тут, калі вы ў Беларусі
Расея ноччу атакавала Кіеў дронамі і ракетамі
У выніку былі пашкоджаныя жылыя і адміністрацыйныя будынкі, дзе ўзніклі пажары. Некалькі чалавек шпіталізавалі.
Мэр Кіева заявіў пра падзенне абломкаў ракеты ў жылым двары, а таксама пра пажар у адным з карпусоў навучальнай установы.
Паводле ЗСУ, паветраную трывогу ва ўкраінскай сталіцы абвяшчалі некалькі разоў за ноч.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔸 Статкевіч паказаў свой «катэдж», пра які гадамі пляткарылі спецслужбы
Дом Мікалая Статкевіча і Марыны Адамовіч у Лошыцы знеслі, таму сям’я пераехала ў загарадны дом недалёка ад Менску.
🔸 «За кожным крокам Лукашэнкі ў еўрапейскім напрамку ў Расеі сочаць яшчэ больш уважліва»
Меркаванне гісторыка і аналітыка Аляксандра Фрыдмана.
🔸 Бізнесмен беларускага паходжання атрымаў ад Зяленскага ордэн «За заслугі» III ступені
Юры Арашыдзэ– сузаснавальнік амерыканскага фонду Protez Foundation, які дапамагае ўкраінцам пасля ампутацый.
#штопачытаць
edited
☝️Нігерыец танчыць на ўсясветны рэкорд: без перапынку сёмы дзень
Бенджамін Дэніэл, вядомы як Бэн Дэнсер, плануе танчыць 168 гадзін – на 41 гадзіну даўжэй, чым цяперашні рэкорд. Свой марафон ён распачаў у аўторак, 22 верасня, а завершыць плануе ў аўторак раніцай 29 верасня.
33-гадовы Бэн Дэнсер займаецца прафесійнымі танцамі ўжо 18 гадоў. Перад пачаткам марафону ён прайшоў інтэнсіўную фізічную падрыхтоўку, змяніў свой рацыён харчавання і засяродзіўся на вугляводах і кардыятрэніроўках. Танцор харчуецца ўмерана, п'е дастаткова вадкасці, адпачывае 5 хвілін на кожную гадзіну танца. На месцы падзеі таксама дзяжурыць медычная брыгада на выпадак дапамогі.
Цяперашні рэкорд танца складае 127 гадзін і быў устаноўлены індыйскай танцоркай Срушці Судхір Джагтап у 2023 годзе, калі ёй было 16 гадоў. ☝️