🤖 Будучыня з «Тэрмінатара» ўжо на падыходзе? Экс-міністр абароны Украіны Міхаіл Фёдараў анансаваў праект «Армія робатаў» — распрацоўку гуманоідных машын, якія павінны выконваць простыя задачы на фронце замест вайскоўцаў. Прома-відэа праекта выглядае так, быццам яго рабілі не для прэзентацыі, а для апакаліптычнага баявіка.😅 Паводле Фёдарава, першая мэта – на працягу шасці месяцаў з моманту старту праграмы выкарыстаць робата супраць расейскага вайскоўца, а за год – правесці першую аперацыю, дзе робаты і дроны будуць узаемадзейнічаць паміж сабой праз алгарытмы. Праект пакуль знаходзіцца на этапе пошуку інжынераў, камандаў і інвестараў.
Белсат ✔
Белсат - першы незалежны беларускі тэлеканал. Працуем з 2007 году. Кантакт з Белсатам у ТГ толькі праз асабістыя паведамленні ў гэты канал. ↓ Важныя спасылкі ↓ 📲 cde34rfv.ovh taplink.cc/belsat
-
-
🪖🇰🇿 У Казахстане звольнілі міністра абароны пасля гібелі 14 вайскоўцаў 24 верасня падчас вучэнняў у Мангістаўскай вобласці рэзка пагоршылася надвор’е і праз моцны вецер змыла ў мора 17 вайскоўцаў. 14 з іх загінулі. Пасля трагедыі прэзідэнт Казахстану Касым-Жамарт Такаеў звольніў міністра абароны Даўрэна Касанава. Новым кіраўніком Мінабароны стаў Айдос Мырзахметаў.
-
edited
🇻🇦Спецпасланнік Папы Рымскага прыехаў у Маскву на перамовы аб вывезеных украінскіх дзецях Гуманітарная місія Матэа Дзупі тычыцца вяртання дзяцей, вывезеных з зон баявых дзеянняў, абмену палоннымі і іншых грамадзянскіх пытанняў, звязаных з вайной ва Украіне. Дзупі заявіў, што Ватыкан атрымлівае звароты як ад украінскага, так і ад расейскага боку і мае намер працягваць распачаты гуманітарны дыялог.
-


🪖 Расейскі прапагандыст Карчэўнікаў здымае ў Беларусі фільм пра «рускую цывілізацыю» На Піншчыне прайшлі здымкі фільму Барыса Карчэўнікава для каналу «Спас». Праект называецца «Россия, которую нам оболгали» і прысвечаны Першай сусветнай вайне ды гісторыі Расейскай імперыі - пішуць дзяржаўныя медыя. Карчэўнікаў у фільме сцвярджае, што Расея была «на парозе сусветнага трыумфу», усхваляе дасягненні дарэвалюцыйнай імперыі і называе яе спадчыну часткай «рускай цывілізацыі». Пры гэтым здымкі такога праекту праходзяць непасрэдна ў Беларусі. Эпізод пра Піншчыну будзе распавядаць пра баі Першай сусветнай вайны ў рэгіёне, захаваныя акопы, вайсковыя пахаванні і гістарычныя асобы.
-
edited 🚰 Менскі двор ператварыўся ў фантан. А ў некаторых – павыбівала шыбы На вуліцы Жукоўскага прарвала трубу – магутны струмень вады ўзняўся ледзь не да верхніх паверхаў шматпавярховіка. Гарачую ваду часова адключылі па адрасах: • вул. Жукоўскага: 2, 4, 6 (карпусы 1–4), 8 (корпус 1) • вул. Магілёўская: 4 (карпусы 1–4), 6 (карпусы 1–4), 8 (карпусы 1–4), 12, 12а, 16, 18, 20, 24 • вул. Вараннянскага: 11 (корпус 2) Зараз спецыялісты адпампоўваюць ваду і высвятляюць дакладнае месца пашкоджання.
-


😎 «Я зрабіў самы танны пухавік у свеце. З натуральнага матэрыялу» Менскі дызайнер паказаў куртку незвычайнага дызайну. У каментарах раяць запатэнтаваць вопратку «каб не скрала Баленсіяга». 🤭
-

❗️Беларуская фура трапіла пад удар дрона ў Расеі каля беларускай мяжы? Пра атаку паведамляюць у сацсетках. Інцыдэнт меркавана адбыўся ўчора ў раёне МАПП «Красны Камень» каля Добрушу, ужо з расейскага боку мяжы, у напрамку Бранскай вобласці.
-
💥Washingtong Post: ЗША і Расея прыбралі патрабаванне чалавечай праверкі цэляў з праекту правілаў для ШІ-зброі ЗША і Расея абмяркоўвалі ў ААН правілы выкарыстання аўтаномнай зброі, якая з дапамогай ШІ можа самастойна выбіраць і атакаваць цэлі. Але з праекту пагаднення прыбралі некалькі ключавых абмежаванняў. Раней меркавалася, што: - чалавек павінен праверыць цэль перад ударам, нават калі яе выбраў ШІ; - сістэма павінна працаваць надзейна і прадказальна; - пры выкарыстанні такой зброі трэба ўлічваць этычныя нормы. Перамовы праходзілі ў пачатку верасня ў Жэневе пад эгідай ААН. У іх удзельнічалі сотні дыпламатаў, якія спрабавалі выпрацаваць першыя міжнародныя правілы для падобнай зброі. Паводле трох крыніцаў The Washington Post, амерыканская і расейская дэлегацыі каля 15 гадзінаў працавалі над тэкстам у закрытым рэжыме.
-
🐠 «Відэа пра тое, як піранні на крапіву напалі» У Гарадзенскім заапарку паказалі як кормяць экзатычных рыбаў. «Крапіва паляпшае афарбоўку рыб, умацоўвае іх імунітэт, насычае арганізм вітамінамі і мінераламі, а таксама зніжае схільнасць да паядання акварыумных раслінаў».
-
edited
🤡 У Беларусі запусцілі клон Instagram без «экстрэмізму». Але зарэгістравацца там не так проста Доступ да сацсеткі YALINK заблакаваны з-за мяжы, а для рэгістрацыі ўнутры краіны патрэбнае запрашэнне. Платформа забараняе кантэнт, які рэжым лічыць «экстрэмісцкім», і, у выпадку чаго, будзе перадаваць інфармацыю сілавікам. Сярод першых карыстальнікаў – чыноўнікі, прадстаўнікі БРСМ і некалькі праўладных блогераў. Пакуль у YALINK каля 200 карыстальнікаў. Сацсетка працуе толькі ў вэб-версіі, а яе стужка, паводле водгукаў, выглядае як сумесь дзяржаўных справаздач, рэкламы і звычайных публікацый. На навіну звярнула ўвагу «Зеркало».
-
🇺🇸🇵🇱 Польшча хоча размясціць у сябе вытворчасць Patriot Польшча прапанавала ЗША і Украіне запусціць сумесную вытворчасць ракет для сістэмаў Patriot. Варшава матывуе гэта меркаваннямі бяспекі і прапануе размясціць прадпрыемства ў Польшчы замест Украіны: «Калі плануецца будаўніцтва такой фабрыкі ва Украіне, мы прапануем пабудаваць яе на тэрыторыі Польшчы, каб яна знаходзілася на так званай бяспечнай тэрыторыі» – сказала намесніца міністра абароны Польшчы Магдалена Сабкавяк-Чарнецкая. Акрамя таго, Польшча дамагаецца стварэння цэнтру абслугоўвання ракет PAC-3 для еўрапейскіх карыстальнікаў Patriot. У перспектыве Варшава разлічвае наладзіць і іх вытворчасць.
-
edited
🔻Колькасць ІП у Беларусі за год скарацілася на 10% Пры чым скарачэнне адбылася ва ўсіх сферах дзейнасці індывідуальных прадпрымальнікаў акрамя адной – у «транспарце, складской, паштовай і кур’ерскай дзейнасці». Там адбыўся рост +6,5% — піша «Office Life» Найбольшае падзенне – у сферы «інфармацыя і сувязь», дзе ІП стала менш на 33,7%. Усяго за год колькасць ІП у Беларусі ўпала з 222 тысяч да 198 тысяч.
-
🇳🇵 Беларусь хоча арганізавана прыцягваць працоўных мігрантаў з Непалу Для гэтага збіраюцца стварыць адмысловы механізм працаўладкавання, які павінен таксама гарантаваць працоўныя і сацыяльныя правы мігрантаў. Пра гэта размаўлялі кіраўнікі МЗС Беларусі і Непала. Раней падобныя спробы з Пакістанам і Узбекістанам сутыкнуліся з праблемамі – мігранты скардзіліся на нізкія заробкі і ўмовы працы. Чаму на гэты раз павінна атрымацца з Непалам – незразумела 🤔
-
🚘 Уначы ў Менску згарэлі адразу пяць аўтамабіляў Пажар здарыўся на паркінгу жылога дому на вуліцы Магнітнай. Калі ратавальнікі прыехалі, ужо гарэлі пяць легкавікоў. Пажар удалося патушыць. Што стала прычынай узгарання, пакуль невядома.
-
edited
🤡 Рыжанкоў выступіў у ААН з прапагандысцкім спічам 26 верасня кіраўнік МЗС заявіў, што Еўропа хоча зрабіць людзей «гарматным мясам», і што Захад хоча «аслабіць, прынізіць, зламаць» Расею. Пры гэтым той жа Захад, паводле яго, ужо занепадае: «Аднапалярны свет, мы бачым, тоне» – сказаў ён напрыканцы прамовы. Такім чынам, Рыжанкоў выкарыстаў класічны вобраз «слабага і небяспечнага ворага»: праціўніка адначасова паказваюць як пагрозу, якой трэба баяцца, і як заняпалую сілу, над якой можна адчуваць перавагу і якую ў выніку можна перамагчы. Такім метадам прапаганды карысталіся многія таталітарныя рэжымы, у тым ліку ў нацысткай Нямеччыне.
-

🏰 У Крэўскім замку новая археалагічная знаходка Археолагі выявілі падмуркі сярэднявечнага замкавага моста, які злучаў Малую браму з дзядзінцам праз затопленую частку замка. Даследчыкі кажуць, што мост быў часткай складанай абарончай сістэмы замку: «Замкавы мост на дзядзінцы быў часткаю фартыфікацыйнага мастацтва. Знаходка дапамагае лепш зразумець, як была арганізаваная абарона і гідрарэгуляцыя замку» – пішуць у акаўнце Інстытуту гісторыі Акадэміі навук. Мост плануюць аднавіць падчас рэстаўрацыі.
-
🤍 Экскурсія па Менску 2020 года пакуль існуе толькі ў памяці Да Міжнароднага дня турызму «Белсат» прапануе незвычайны маршрут па мясцінах, якія сталі сімваламі беларускіх пратэстаў 2020 года: плошча Незалежнасці, Чырвоны касцёл, праспект Незалежнасці, стэла «Менск – горад-герой» і іншыя знакавыя кропкі. Пакуль такога маршруту няма ні ў турыстычных даведніках, ні ў спісах экскурсіяў. Але менавіта тут пісалася найноўшая гісторыя Беларусі. Гэта вандроўка па месцах, дзе беларусы патрабавалі сумленных выбараў, абаранялі адзін аднаго і паказвалі свету, якой бачаць сваю краіну. 👉 Чытайце на старонцы 🔗 А гэты лінк адкрыецца з Беларусі
-
😰 Ад мяса да флэшкі: незвычайныя прычыны ўдушша ў Беларусі Зубны пратэз, медычная пальчатка, паветраны шарык і нават пластмасавы ёршык – такія прадметы судовыя эксперты знаходзілі ў дыхальных шляхах людзей, якія загінулі ад удушша. Аднак экзотыка – хутчэй выключэнне. Найчасцей прычынай трагедыі становяцца кавалкі мяса, сала або каўбасных вырабаў. Пра самыя незвычайныя выпадкі з практыкі беларускіх экспертаў і пра тое, як дапамагчы чалавеку, які падавіўся, – 📌 Чытайце цалкам 👉 Спасылка без VPN
-
edited 🏠 Беларуска, якая прасіла кватэру ў Лукашэнкі, заявіла, што ўжо атрымала жыллё Ангеліна Камінская, гісторыя якой раней разышлася па сацсетках, паведаміла, што кватэра ёй ужо выдзеленая.
-
🌞 Нядзеля і «Раніца з Белсатам» Сёння ў студыі – Кацярына Раецкая і Дзяніс Дудзінскі. Пагаворым пра тое, як прэпарат «Аземпік» змяняе масавую культуру, чаму беларускія ўлады ўзяліся за платныя медычныя цэнтры, хто насамрэч уплывае на беларускую палітыку па-за публічнай прасторай, як выглядае і развіваецца архітэктура беларускіх гарадоў і мястэчак, а таксама пра фемінізм у беларускім кінематографе пачатку мінулага стагоддзя. 👀 Далучайцеся да эфіру!
- Older posts