Белсат - першы незалежны беларускі тэлеканал. Працуем з 2007 году.
Кантакт з Белсатам у ТГ толькі праз асабістыя паведамленні ў гэты канал.
↓ Важныя спасылкі ↓
📲 cde34rfv.ovh
taplink.cc/belsat
Subscribers14.6K +0 24h
Reach per post (ERR)10.9%1.6K avg views
Posting37.2/daylast 24 minutes ago
Reactions per 1K views14.7❤ 🤬 😢
⛽️ Трамп заявіў, што «Зяленскі мусіць спыніць удары па вырабніцтву дызельнага паліва» ў РФ
На думку прэзідэнта Злучаных Штатаў, такія ўдары спрыяюць недахопу дызеля ва ўсім свеце:
«Зяленскі мусіць зрабіць адну рэч. Ён павінен перастаць выводзіць з ладу расейскае дызельнае паліва [маюцца на ўвазе НПЗ – заўв.]. Ён выклікае дэфіцыт дызеля. Гэты дэфіцыт не звязаны з Блізкім Усходам, ён адбываецца праз вайну Украіны ды Расеі»
Трамп дадаў, што ён ужо размаўляў на гэту тэму непасрэдна са сваім украінскім калегам.
Telegram doesn't show this post on the web. Open it in Telegram to see it.
🇱🇹 Літоўскія вайскоўцы прынялі чараду птушак за дроны і абвесцілі на ўсходзе краіны паветраную трывогу
Таксама з гэтай прычыны часова зачынялі віленскі аэрапорт, а ў паветра падымалі вынішчальнікі NATO.
Праз 40 хвілінаў пасля пачатку трывогі быў дадзены «адбой», аэрапорт таксама запрацаваў у штатным рэжыме. Марафон, які сёння адбываўся ў Вільні, спыняць не сталі.
✍️ Вайскоўцы патлумачылі, што падчас назірання за радарамі сляды, якія пакідаюць птушкі, могуць быць вельмі падобнымі да слядоў БПЛА.
🚒 На выклік у больніцу пад Менскам прыехала ажно 11 адзінак тэхнікі МНС. Што там здарылася?
Як высветлілася – усяго толькі кароткае замыканне свяцільніка ў падвале. Эвакуацыю з хірургічнага корпусу Менскай абласной больніцы праводзіць не сталі.
✍️ А ў сталічным раёне Лошыца, нагадаем, учора гарэлі дзве хаты адна за адной.
🎒Сканфіскаваныя гільза і заточка, пагарда да беларускамоўных дзённікаў, дысбаланс ва ўкамплектаванасці класаў
Новы навучальны год у Беларусі распачаўся нечакана весела (насамрэч не). Столькі тэмаў, вартых абмеркавання, банальны старт чарговага школьнага сезону не падкідваў даўно.
«Белсат» сабраў у адно цэлае ўсе найбольш гучныя падзеі апошняга часу, звязаныя з айчыннай сярэдняй адукацыяй.
✅ Чытайце матэрыял вось тут
🔗 Спасылка для чытачоў з Беларусі
📺 Навіны за 8 хвілін
🇺🇦 Новы маштабны залёт расейскіх БПЛА ў беларускае неба, падазраваным у забойстве цяжарнай жанчыны ў Менску выявіўся хакейны суддзя, Сабаленка скончыць год без тытулаў Вялікага Шлему.
🎤А яшчэ – каго прывезлі выступаць на Дзень гораду ў Менску ды колькі будзе каштаваць у РБ новы айфон?
Глядзіце ў кароткім выданні навін на Белсаце 💻
edited
☝️Расея працягвае наносіць удары па ўкраінскіх пасажырскіх цягніках
Учора ад атакаў БПЛА пацярпелі вагоны на вакзале ў Луцку, а сёння «прылёт» здарыўся па лакаматыве цягніка «Кіеў-Варшава», у часе калі ён стаяў на ўкраінска-польскай мяжы. На шчасце, людзі былі своечасова эвакуяваныя з вагонаў і не пацярпелі.
👀 Акрамя таго, уначы дроны ўдарылі па АЗС непадалёк ад пункту пропуску «Ягадын – Дарогуск» (гэта таксама ўкраінска-польская мяжа). Там здарыўся магутны пажар.
Раман Пратасевіч зладзіў сваё трэцяе вяселле
31-гадовы беларус гэтым разам абраў Настассю Лабазаву. Яна працуе ў сферы медыцыны і цікавіцца таро.
Дзяўчына называе сябе ведзьмай і распавядала, што прывабіла будучага жаніха чырвонымі майткамі (якія, паводле яе, неабходны, каб у жыцці было каханне ✍️).
Першы і другі шлюбы Рамана былі з Маргарытай Грыцкевіч, якая таксама мела медычную адукацыю і любіла таро.
Ніколі не варылі варэнне? Зараз мы гэта выправім 😋
Нават калі вы ніколі нічога не кансервавалі, раскажам з чаго пачаць ды што рабіць, каб усё атрымалася. Правераныя рэцэпты варэння, джэму і павідла з яблыкаў, сліваў, абрыкосаў ды нават з гарбуза, знойдзеце на нашым сайце.
Бонусам – рэцэпты без цукру для тых, хто сочыць за фігурай.
🔗 Спасылка для тых, хто ў Беларусі
Telegram doesn't show this post on the web. Open it in Telegram to see it.
🐹 Хамяк – пад пагрозаю. Хто яшчэ?
На працягу значнай часткі мінулага стагоддзя звычайнага (або еўрапейскага) хамяка знішчалі як сельскагаспадарчага шкодніка. Цяпер у Беларусі ён належыць да першай (найвышэйшай) катэгорыі аховы. Падкрэслім, што еўрапейскага хамяка не варта блытаць з джунгарскім або сірыйскім, якіх звычайна трымаюць у якасці хатніх гадаванцаў.
Чые яшчэ папуляцыі ў нашай краіне вельмі блізкія да знікнення? Найсвяжэйшы апдэйт такіх відаў жывёлаў быў выдадзены летась.
✅ Расказваем, хто прысутнічае ў гэтым спісе
🔗 Спасылка для тых, хто ў Беларусі
🚛 Замаўляць лімузіны на вяселле больш не модна? Вашай увазе новы трэнд – самазвал
Цяжкавік, які «разгружае халасцяцкае жыццё» і «загружае сямейнае шчасце», пабачылі на сталічнай вуліцы Каржа.
📷 ТГ-канал «Минск. Главное!»
🐝 Шэршні захапілі старую шпакоўню і зрабілі ў ёй «рамонт» на свой лад
Такі незвычайны сімбіёз «будаўнічых тэхналогіяў» пабачылі ў адным з лясоў Любанскага раёну.
✍️ Такое гняздо шэршняў ні ў якім разе нельга чапаць (і тым больш спрабаваць збіць) – увесь рой кінецца на вас у атаку, што прывядзе да вельмі непрыемных наступстваў. Нават проста набліжацца да такой «пабудовы» ды размахваць рукамі каля яе ўжо вельмі небяспечна.
edited
Папулярны ў Расеі спявак сабраў тысячы беларусаў
На Нямізе падчас Дня гораду прайшоў канцэрт Акмаля. Гэта малады расейскі выканаўца, які нарадзіўся ў Туркменістане.
Вядома, што спявак трапляў у скандалы праз палітыку: у 2025-м ён атрымаў ад прыхільніцы падарунак у блакітна-жоўтым пакеце. Артыст вярнуў яго са словамі: «Пакетик этот сожгите, цвета мне не нравятся».
«Абганяю інамарку, дзеўкі млеюць за вуглом»
Намеснік кіраўніка райвыканкаму Дзмітрый Багдановіч заспяваў на «Дажынках»
Чыноўнік перарабіў тэкст песні «Малінавая Лада» і замяніў словы на «трактар». Паслухайце!
Дроны ЗСУ атакавалі нафтазавод у Краснадарскім краі
Паводле ASTRA, пад удар трапіў НПЗ у горадзе Славянску-на-Кубані. Мясцовыя жыхары выкладваюць відэа з моцным пажарам на прадпрыемстве.
Акрамя таго, беспілотнікі прыляцелі і ў Ніжнекамск (Рэспубліка Татарстан). У выніку пашкоджанні атрымалі прамысловыя аб’екты і аўтамабіль, які загарэўся пасля траплення БПЛА ў дрэва. Улады рэгіёну паведамляюць пра двух загінулых.
💥 Ранішняе шоу на «Белсаце»
У сённяшнім выпуску абмяркуем, чаго чакаць ад новага візіту Джона Коўла ў Менск, раскажам пра выставу Палка Каліноўскага і незвычайны курс на беларускай мове.
Далучайцеся да нашага эфіру!
edited
🎾 Арына Сабаленка саступіла Алене Рыбакінай у фінале US Open
Сабаленка ўзяла другі сэт, аднак у першым і трэцім мацнейшаю была нарадзінка Масквы (4:6, 7:5, 2:6).
Раней прадстаўніца Казахстану ўжо забрала ў беларускі тытул першай ракеткі свету – гэта адбылося дзякуючы факту выхаду Рыбакінай у паўфінал турніру. Сабаленка будзе вымушаная пакінуць топавы радок рэйтынгу WTA пасля бесперапыннага знаходжання на ім на працягу 99 тыдняў.
Адкрыты чэмпіянат ЗША быў апошнім у гэтым годзе турнірам Вялікага Шлему.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Як беларускім прадпрыемствам прапануюць працаўнікоў з Непалу і Пакістану
Прыватная кампанія прапануе прадпрыемствам прывозіць мігрантаў з васьмі краін, абяцаючы ўзяць на сябе іх пошук, легалізацыю і суправаджэнне. Як працуе гэта схема – чытайце па спасылцы.
Чытайце тут, калі вы ў Беларусі.
🔺 Дзяржава «нармалізавала» фонды, спужаўшыся самастойнасці беларусаў?
«Белсат» спытаў экспертаў, што гэта азначае і да чаго можа прывесці.
Чытайце тут, калі вы ў Беларусі.
🔺 «Закладніка з Пачобута зноў не зробяць»
Абмеркавалі вяртанне Анджэя Пачобута ў Беларусь з публіцыстам Міхалам Кацэвічам.
Чытайце тут, калі вы ў Беларусі.
#штопачытаць
💥 #галоўнае за 12 верасня
✔️Паводле падазрэння ў забойстве цяжарнай жанчыны ў Менску затрыманы хакейны суддзя Аляксей Гаўрылёнак
✔️Беларускі добраахвотнік Жэрар, якому пагражае турма ва Украіне, даў шчырае інтэрв'ю «Белсату». Вось ягоная версія падзеяў
✔️Будуць «юрыдычна паслухмянымі», бо баяцца дэпартацыі. BELPOL вывучыў закрытыя абвесткі з «рэкламаю» замежных працаўнікоў
✔️Упершыню ў найноўшай гісторыі ў праграме Венецыянскага кінафестывалю прэзентавалі фільм пра Беларусь
✔️Расейскія дроны сёння ўдзень білі па рэгіёнах паўночнай Украіны, якія мяжуюць з Беларуссю. «Прылёты» зафіксаваныя ў Жытомірскай, Ровенскай ды Валынскай абласцях
✔️Зяленскі зноў заявіў пра сваю гатовасць асабіста сустрэцца з Пуціным
✔️Нямецкія ўлады назвалі імя беларуса, датычнага да дыверсіі ў аэрапорце Лейпцыгу
✔️Лукашэнка падпісаў указ, які будзе рэгуляваць у Беларусі дабрачынныя зборы. Мэта – абараніць людзей ад махляроў, але ў рэальнасці ўсё больш заблытана
✔️Беларусы змаглі «фарсаваць» Прыпяць на старэнькім ЗІЛе – настолькі яна абмялела
✔️У менскай Лошыцы двойчы за дзень гарэлі хаты: спачатку драўляная, потым цагляная
✔️Латвійскія сілавікі затрымалі мужчыну, які вёз у салоне свайго легкавіка ажно 7 мігрантаў. Усе яны патрапілі ў краіну з Беларусі
#рэпрэсіі:
▫️За «садзейнічанні экстрэмізму» пакаралі «хатняй хіміяй» сацыяльную работніцу з Амсціслава
▫️Гэтая беларуска пацярпела ад рэпрэсіяў на радзіме, а пасля двойчы страціла працу ў выгнанні ў Латвіі. Драматычная гісторыя Алены Мешчараковай