Макрон заявіў пра гатоўнасць прадстаўляць Еўропу на перамовах з Расеяй Прэзідэнт Францыі Эмануэль Макрон падчас выступу ў Дубліне заявіў, што гатовы прадстаўляць Еўропу ў перамовах з Расеяй. Паводле яго, спачатку краіны ЕС павінны выпрацаваць агульную пазіцыю адносна сітуацыі, а ўжо потым вызначаць фармат перамоваў. «Змест вызначае фармат. Таму мы, еўрапейцы, павінны ўзяць на сябе ініцыятыву ў дыялогу з Расеяй», — заявіў Макрон. На пытанне, ці гатовы ён стаць такім прадстаўніком, французскі прэзідэнт адказаў: «Я заўсёды гатовы займацца гэтымі пытаннямі». Пра гэта паведамляе французскае выданне Le Figaro.