Беларусы Украіны звярнуліся да Савета Еўропы ГС «Білоруська спільнота України» сумесна з БФ «Вільна Білорусь» накіравала экспертныя прапановы для дакладу Кангрэса мясцовых і рэгіянальных уладаў Савета Еўропы. У звароце ўзнялі праблемы беларусаў з пратэрмінаванымі пашпартамі, прававым статусам, абаронай ад рэпрэсій, захаваннем нацыянальнай ідэнтычнасці і прадстаўніцтвам беларускіх супольнасцей у Еўропе. Мы перакананыя: ніхто не павінен вырашаць за беларускія супольнасці, хто мае права гаварыць ад іх імя. Беларусы павінны мець магчымасць самастойна прадстаўляць свае інтарэсы і непасрэдна ўдзельнічаць у еўрапейскім дыялогу. Калі мы самі не будзем гаварыць пра свае праблемы, за нас гэтага ніхто не зробіць. Жыве Беларусь! Слава Украіне!