лукашэнка ў маскве зноў абвінаваціў Еўропу ў «падрыўной дзейнасці» На пасяджэнні АДКБ у маскве лукашэнка абвінаваціў Еўрасаюз у вядзенні гібрыднай дзейнасці за межамі Еўропы. Пры гэтым ён паспрабаваў прадставіць нелегальную міграцыю і кантрабанду як пагрозы, у якіх нібыта самі еўрапейскія краіны і замяшаныя. Такім чынам, саманазначэнец паўтарыў рыторыку крамля пра «варожы Захад», які нібыта пагражае бяспецы рэгіёна. Выступаючы перад пуціным і іншымі ўдзельнікамі арганізацыі, ён адначасова заклікаў узмацняць ваенны патэнцыял АДКБ і развіваць сістэмы супрацьпаветранай абароны.