Вось так выглядае сапраўдная салідарнасць! Даведаўшыся, што беларусы ў Кіеве адкрываюць пункт незламнасці, Наталля Арэстава, наша прадстаўніца беларускай супольнасці ў Львове, не засталася ўбаку. Яна сабрала і перадала коўдры і цёплыя шкарпэткі для людзей у Кіеве, якія сёння вымушаныя жыць пад абстрэламі, без святла і цяпла. Здавалася б, простыя рэчы. Але калі за акном холад, горад пад абстрэламі, а ў дамах няма электрычнасці, такая дапамога становіцца сапраўды важнай. Салідарнасць — гэта не гучныя словы і не прыгожыя заявы. Гэта канкрэтныя ўчынкі, клопат і гатоўнасць дапамагчы, нават калі ты знаходзішся за сотні кіламетраў. Беларусы ва Украіне ўмеюць падтрымліваць адзін аднаго. І гэта тое, што робіць нас супольнасцю. Дзякуй Наталлі за неабыякавасць, ініцыятыву і сапраўдную чалавечнасць! У адзінстве наша сіла! Жыве Беларусь! Слава Украіне!