Польскія біскупы прапанавалі пасярэдніцтва ў палітычным канфлікце вакол Канстытуцыйнага суда Пастаянная рада біскупаў Польшчы заявіла пра гатоўнасць ініцыяваць і падтрымаць пасярэдніцтва паміж бакамі палітычнага канфлікту вакол Канстытуцыйнага суда. Пра гэта паведаміў прэс-сакратар Канферэнцыі епіскапату Польшчы святар Лешэк Генсяк. Біскупы заклікалі не абвастраць супрацьстаянне, вярнуцца да канструктыўнага дыялогу, адмовіцца ад нянавісці і сілавых метадаў. Яны таксама абмеркавалі магчымыя шляхі развіцця палітычнага крызісу ў краіне.