Польшча прадухіліла магчымую правакацыю на мяжы з Расеяй Прэм’ер-міністр Польшчы Дональд Туск паведаміў пра спробы невядомых асобаў пранікнуць на польскую тэрыторыю з боку Калінінградскай вобласці. Паводле ягоных словаў, польскія спецслужбы і службы саюзнікаў папярэдзілі пра падрыхтоўку правакацыяў, дыверсіяў і магчымага ўзброенага ўварвання з-за мяжы ў першай палове лістапада. У адказ Польшча распачала спецыяльную аперацыю ў Вармінска-Мазурскім ваяводстве на мяжы з Расеяй і Падляскім ваяводстве на мяжы з Беларуссю.