Volny Belarus

Як выехаць з Украіны без дзейнага пашпарта? Да «Сустрэчы» звяртаюцца беларусы, якія згубілі пашпарт, маюць пратэрмінаваны дакумент або не могуць атрымаць новы. Нядаўна мы дапамаглі былому беларускаму добраахвотніку вырашыць пытанне перасячэння ўкраінскай мяжы. Дзелімся асноўнымі рэкамендацыямі. ❗️ Калі ў вас няма дзейнага пашпарта, падрыхтуйцеся да выезду загадзя. 1. Звярніцеся ў Дзяржаўную памежную службу Украіны (https://dpsu.gov.ua/). Апішыце сваю сітуацыю, прычыны адсутнасці пашпарта, мэту і кірунак выезду. 2. Калі едзеце ў Польшчу па міжнародную абарону, падрыхтуйце суправаджальны ліст для польскіх памежнікаў і далучыце яго да звароту ва ўкраінскую памежную службу. 3. Калі едзеце ў іншую краіну, загадзя высветліце магчымасць перасячэння мяжы без дзейнага пашпарта. 4. Калі хочаце вярнуцца ў Беларусь, даведайцеся пра працэдуру добраахвотнага вяртання ў Дзяржаўнай міграцыйнай службе Украіны (https://dmsu.gov.ua/). 🤍 Чым дапаможа «Сустрэча»? Нашы праваабаронцы-валанцёры дапамогуць падрыхтаваць звароты і дакументы, разабрацца ў працэдурах і вызначыць план дзеянняў з улікам вашай сітуацыі. 📩 Патрэбная дапамога? Пішыце нам у асабістыя паведамленні. Захавайце допіс і падзяліцеся з тымі, каму гэта можа спатрэбіцца.