Тры гады таму ў «Укрінфарме» мы абвясцілі пра пачатак працы Беларускага цэнтра нацыянальнай памяці ва Украіне. Тады ж быў зачытаны зварот Старшыні Рады БНР Івонкі Сурвіллы з нагоды адкрыцця Цэнтра. За гэты час зроблена нямала: створаны музей «Вольная Беларусь з Украінай у сэрцы», праведзена мноства мемарыяльных ініцыятыў, садзейнічалі перайменаванню вуліц і ўсталяванню мемарыяльных дошак у гонар беларускіх герояў, аказваем дапамогу сем’ям загінулых. Выстава «З Украінай у сэрцы» прадстаўлена ўжо ў 30 лакацыях Украіны і выйшла на міжнародны ўзровень. Тры гады таму мы звярнуліся да прадстаўнікоў беларускіх дэмакратычных сіл, у тым ліку да Офіса Святланы Ціханоўскай, з просьбай падтрымаць гэтую ініцыятыву. На жаль, адказу і падтрымкі так і не атрымалі. Адзінай, хто адгукнулася і падтрымала нас, стала Івонка Сурвілла. Шчыра дзякуем ёй за гэта! Дзякуй усім, хто з намі і дапамагае. Працуем далей! Слава Украіне! Жыве Беларусь! Слава Героям!