✈️ ЗША дазволілі «Белавія» закупляць запчасткі для Boeing і весці перамовы аб набыцці новых самалётаў Міністэрства гандлю ЗША выдала амерыканскай карпарацыі Boeing дазвол на супрацоўніцтва з беларускай авіякампаніяй «Белавія». Пра гэта паведаміў генеральны дырэктар перавозчыка Ігар Чаргінец. Дазвол прадугледжвае магчымасць непасрэдна закупляць запасныя часткі, кампаненты і праграмнае забеспячэнне для самалётаў Boeing, якія ўжо ёсць у парку кампаніі. Акрамя таго, «Белавія» зможа пачаць перамовы аб куплі новых авіялайнераў амерыканскай вытворчасці. Нагадаем, у 2023 годзе «Белавія» трапіла пад санкцыі ЗША за парушэнне экспартнага кантролю на фоне падтрымкі Мінскам расійскага ўварвання ва Украіну. У верасні 2025 года Вашынгтон зняў абмежаванні ў рамках дамоўленасцяў, якія суправаджаліся вызваленнем беларускімі ўладамі 52 палітычных зняволеных. Пасля ўвядзення санкцый авіякампанія страціла частку самалётаў праз іх вяртанне замежным лізінгадаўцам. Для падтрымання астатняга флоту даводзілася шукаць запчасткі праз трэція краіны і выкарыстоўваць кампаненты са старых самалётаў. Цяпер ЗША адкрывае «Белавія» мажлівасць аднавіць непасрэдныя сувязі з Boeing і атрымаць доступ да афіцыйнага тэхнічнага абслугоўвання амерыканскіх самалётаў.