Украінскія дроны атакавалі ваенны аэрадром у Валгаградскай вобласці і аб’екты ў Башкартастане Пасля атакі ўкраінскіх дронаў пажар зафіксаваны ў раёне ваеннага аэрадрома «Марынаўка» ў Валгаградскай вобласці РФ. Таксама Сілы абароны Украіны атакавалі Башкартастан. Пад удар магла трапіць Башкірская содавая кампанія ў Стэрлітамаку. Гэта адзін з найбуйнейшых хімічных комплексаў Расіі і адзіны ў краіне вытворца тэрафталоілхларыду, які выкарыстоўваецца, у тым ліку, пры вырабе бранявых матэрыялаў. На тэрыторыі прадпрыемства таксама захоўваецца авіяцыйнае паліва. У канцы жніўня аб’ект ужо трапляў пад удар. Пра прылёты паведамляюць і з акупаванага Луганска. У горадзе назіраюцца перабоі з інтэрнэтам.Акрамя таго, уначы былі абмежаваныя палёты ў аэрапортах Масквы.