У Швейцарыі прызналі вінаватым былога байца СОБРа ў справе аб выкраданні апанента Лукашэнкі. 26 кастрычніка суд кантона Санкт-Гален прызнаў Юрыя Гараўскага вінаватым у выкраданні бізнесмена Анатоля Красоўскага і прызначыў яму два гады пазбаўлення волі ўмоўна. У 2019 годзе Гараўскі публічна заявіў пра свой удзел у выкраданнях апанентаў беларускага рэжыму. У 2023 годзе суд апраўдаў яго праз недахоп доказаў, аднак сваячкі Красоўскага абскардзілі рашэнне. Цяпер апраўдальны прысуд часткова скасавалі, прызнаўшы віну Гараўскага ў эпізодзе з Красоўскім. Справа звязаная з выкраданнямі апанентаў Лукашэнкі, сярод якіх таксама згадваецца былы міністр унутраных спраў Беларусі Юрый Захаранка, які знік у 1999 годзе.