⚖️ У Беларусі могуць змяніць мінімальны памер аліментаў У Беларусі разглядаюць магчымасць перагляду мінімальных выплат на ўтрыманне дзяцей. Пакуль новы памер аліментаў і тэрміны ўвядзення зменаў не паведамляюцца. Паводле дзейных правілаў, на адно дзіця спаганяюць 25% даходу, на дваіх — 33%, на траіх і больш — 50%. Мінімальныя выплаты прывязаныя да бюджэту пражытковага мінімуму. Цяпер на выкананні знаходзіцца каля 100 тысяч спраў аб спагнанні аліментаў. У 95% выпадкаў плацельшчыкі — мужчыны ва ўзросце ад 30 да 50 гадоў. За нявыплату аліментаў даўжнікам могуць арыштаваць рахункі і маёмасць, абмежаваць доступ да мабільнай сувязі і інтэрнэту, забараніць кіраванне аўтамабілем і выезд за мяжу.