🤬У кабінэтах ГУБОПіКу вісяць партрэты Пуціна Былы палітвязень і журналіст Дзьмітры Сельвеструк у інтэрвію праекту WOLNI расказаў пра катаваньні, зьбіцьцё і зьдзекі, якія перажыў падчас зьняволеньня ў Беларусі. Паводле яго, катаваньні працягваліся і пасьля затрыманьня супрацоўнікамі ГУБАЗіКу, а ў мэдычнай дапамозе яму адмаўлялі. Пасьля вызваленьня Дзьмітры сутыкнуўся з новымі абмежаваньнямі: статус «экстрэміста» ці «тэрарыста» ўскладняе працу, карыстаньне грашыма і сродкамі сувязі. Праз страх перасьледу многія знаёмыя перасталі зь ім кантактаваць, а пагроза паўторнага затрыманьня прымусіла журналіста пакінуць Беларусь. У эміграцыі да гэтага дадаліся праблемы з прававым статусам, мовай і пошукам працы. Гісторыя Дзьмітрыя паказвае, што вызваленьне не заўсёды азначае заканчэньне перасьледу: ягоныя наступствы працягваюць уплываць на жыцьцё былых палітвязьняў. Інтэрвію падрыхтаваў праект WOLNI — https://www.instagram.com/memorial.polska/. Былыя палітвязьні маюць патрэбу ў падтрымцы і салідарнасьці.