У нас добрая навіна! Ва Ужгарадзе будзе ўсталявана інфармацыйная дошка на вуліцы Кастуся Каліноўскага! Нагадаем, што раней вуліца ва Ужгарадзе была перайменаваная ў гонар Кастуся Каліноўскага — нацыянальнага героя беларускага, польскага і літоўскага народаў, які прысвяціў сваё жыццё барацьбе супраць Расійскай імперыі за свабоду і незалежнасць. Кастусь Каліноўскі пакінуў нам словы, якія і сёння гучаць актуальна: «Тады толькі зажывеш шчасліва, народзе, калі над табою маскаля ўжо не будзе!» Вельмі важна, каб жыхары гэтай вуліцы і госці горада ведалі, хто такі Кастусь Каліноўскі і чаму яго імя ўвекавечанае на мапе Ужгарада. Інфармацыйная дошка дапаможа захаваць гістарычную памяць і расказаць пра чалавека, які стаў сімвалам барацьбы за свабоду. Шчыра дзякуем уладам горада Ужгарада за падтрымку нашай ініцыятывы і гатоўнасць спрыяць ушанаванню памяці нацыянальнага героя Беларусі, Польшчы і Літвы! Памятаем сваю гісторыю — ушаноўваем герояў — змагаемся за свабоду!