ТРАГЕДЫЯ Ў СТОЛІНСКІМ РАЁНЕ: ЗАБІТЫЯ МАЦІ І ДВАЕ СЫНЫ У вёсцы Альгомель Столінскага раёна знайшлі мёртвымі 64-гадовую жанчыну і двух яе сыноў ва ўзросце 37 і 40 гадоў. На іх целах выяўленыя прыкметы гвалтоўнай смерці. Паводле інфармацыі МУС, затрыманы 33-гадовы мясцовы жыхар, раней судзімы за забойства. Паводле следства, падчас канфлікту, які ўзнік пасля сумеснага ўжывання алкаголю, мужчына забіў спачатку двух братоў, а затым іх маці. Пасля забойства ён паспрабаваў стварыць бачнасць беспарадку ў доме і схаваўся. Пазней падазраванага затрымалі ў доме знаёмай у той жа вёсцы. Абставіны трагедыі высвятляюцца.