Расія зноў спрабуе дзейнічаць чужымі рукамі: у Польшчы рыхтавалі дыверсію на заводзе дронаў для Украіны Пракуратура ў Глівіцах расследуе спробу завербаваць выканаўцу для падпалу завода Flytronic, які вырабляе беспілотнікі для польскіх і ўкраінскіх вайскоўцаў. Паводле журналістаў Vot Tak, чалавек пад псеўданімам «Джокер» прапаноўваў 20–30 тысяч долараў за падпал прадпрыемства.Спачатку ён шукаў выканаўцаў для падпалаў аўтамабіляў з украінскімі нумарамі, а пазней нацэліўся на завод. Да расследавання далучылася польскае Агенцтва ўнутранай бяспекі (ABW); паведамляецца, што тэрыторыю прадпрыемства папярэдне разведвалі. Расійскія спецслужбы неаднаразова звязвалі з вербоўкай людзей, у тым ліку беларусаў і ўкраінцаў, для дыверсій, каб самім заставацца ў цені і замятаць сляды.