Генпракуратура рэжыму ў Беларусі папрасіла расію правесць праверку кліпа Ягора Крыда Генеральная пракуратура рэжыму звярнулася да Следчага камітэта рэжыму ў расіі з просьбай праверыць кліп спевака Ягора Крыда «Мілы подлец». Нагодай стаў лонгсліў з выявай, звязанай з фільмам Элема Клімава «Ідзі і глядзі» пра падзеі Другой сусветнай вайны. Беларускія сілавікі прапанавалі праверыць, ці ёсць у гэтым прыкметы распальвання сацыяльнай варожасці, рэабілітацыі нацызму, адмаўлення генацыду беларускага народа або іншых злачынстваў. Раней маскоўская крама KM20 і амерыканскі брэнд Marking Distance выпусцілі сумесную калекцыю адзення, натхнёную гэтым фільмам. Пасля крытыкі ў сацыяльных сетках Крыд заблюрыў спрэчныя кадры ў кліпе і папрасіў прабачэння.