ЕС высвятляе, ці звязаная Расія з беспарадкамі ў Францыі Еўрасаюз правярае, ці спрабуюць замежныя сілы распальваць беспарадкі ў Францыі і іншых краінах Еўропы праз распаўсюджванне фэйкаў у інтэрнэце. Паводле звестак службаў бяспекі, прарасійскія і ультраправыя акаўнты распаўсюджвалі відэа з гвалтам, каб узмацніць хаос. У прыватнасці, у прасоўванні фэйкавых навін падазраюць звязаныя з Расіяй сеткі Storm-1516 і «Матрошка». Таксама правяраецца магчымая датычнасць Ірана і Алжыра. Францыя і іншыя краіны папрасілі спецслужбы высветліць, ці маглі расійскія агенты непасрэдна ўдзельнічаць у арганізацыі вулічнага гвалту.