Сяргей Казінскі з Ліды прызнаны палітвязнем Сяргей Казінскі — былы лейтэнант міліцыі, супрацоўнік Лідскага РУУС, які пасля пратэстаў 2020 года звольніўся са службы. У студзені 2023 года яго асудзілі паводле артыкула 356 Крымінальнага кодэкса Беларусі. Паводле звестак Dissidentby, суд прызначыў яму 8 гадоў калоніі агульнага рэжыму і штраф у памеры 100 базавых велічыняў.Цяпер Сяргей Казінскі прызнаны палітычным зняволеным. У Беларусі нават былыя супрацоўнікі сілавых структур не застрахаваныя ад палітычнага пераследу.