Лукашэнка хоча стварыць атрады народнага апалчэння ў кожным сельсавеце Беларусі Лукашэнка заявіў, што ў кожным сельсавеце павінен быць атрад народнага апалчэння, які ў выпадку вайны можна будзе пашырыць.Ён паабяцаў апалчэнцам аўтаматы, гранаты, кулямёты і беспілотнікі. Паводле ягонай схемы, апалчэнне будзе дзейнічаць разам з тэрытарыяльнай абаронай і арміяй, падпарадкоўваючыся прэзідэнту. Паказальны атрад створаны на базе паляўнічай гаспадаркі «Чырвоны Бор» у Верхнядзвінскім раёне. Лукашэнка заявіў пра неабходнасць пашырэння атрадаў і заклікаў рыхтавацца да абароны сваіх сем’яў і вёсак.