Volny Belarus

«Кіберпартызаны» тры гады мелі доступ да сеткі Дэпартамента аховы здароўя Масквы Хактывісцкая групоўка «Кіберпартызаны» заявіла, што ўзламала сетку Дэпартамента аховы здароўя Масквы ў 2023 годзе і атрымала доступ да адміністрацыйных сістэм і канфідэнцыйных медыцынскіх даных. Паводле сцвярджэнняў групоўкі, яе ўдзельнікі на працягу некалькіх месяцаў мелі поўныя правы адміністратара і маглі перамяшчацца па сетцы іншых звязаных структур. Несанкцыянаваны доступ, як паведамляюць «Кіберпартызаны», выявілі толькі пад канец 2026 года спецыялісты кампаніі «Солар». Сама групоўка сцвярджае, што не падтрымлівала доступ пастаянна, бо гэты аб’ект не быў для яе прыярытэтным. «Кіберпартызаны» заяўляюць, што іх асноўная дзейнасць застаецца ў цені і накіраваная на атрыманне ўнутранай інфармацыі і падрыў дыктатарскіх рэжымаў Пуціна і Лукашэнкі знутры. Пры гэтым здабытымі ў ходзе гэтай аперацыі данымі яны пакуль не дзеляцца, спасылаючыся на аператыўныя прычыны.