У Наваполацкай ПК-1 памёр віцебскі лекар і праваабаронца Ігар Пасноў, вядомы як «лекар-праўдаруб». Пра гэта паведаміў праваабаронца Павел Левінаў, спасылаючыся на ўласныя крыніцы.Пасноў адкрыта крытыкаваў беларускую медыцыну і ўлады, за што неаднойчы сутыкаўся з пераследам, у тым ліку з прымусовай псіхіятрызацыяй. У 2019 годзе яго асудзілі на тры гады абмежавання волі за «паклёп» на віцебскага пракурора. Пазней ён трапіў у ПК-1, дзе, паводле былых зняволеных, знаходзіўся ў цяжкіх умовах і скардзіўся на ціск адміністрацыі. Прычыны і абставіны смерці Паснова пакуль невядомыя; праваабаронцы просяць паведаміць «Вясне» ўсё, што вядома пра апошнія дні яго жыцця.