Пінская школа атрымала ўзнагароду ад КПРФ за «падводны флот Расіі» У Пінскай школе №1 замест традыцыйнага Адзінага дня інфармавання правялі патрыятычнае мерапрыемства, прысвечанае ВМФ Расіі і СССР. Школьнікам распавядалі пра 330-годдзе расійскага флоту і 120-годдзе падводных сіл Расіі. Галоўным госцем стаў расійскі ветэран флоту Мікалай Чаркашына, які ў 2022 годзе падпісаў ліст у падтрымку вайны Расіі супраць Украіны. З Масквы таксама прыехалі ветэраны ВМФ Расіі, сярод іх віцэ-адмірал Ульян Байзерт. Менавіта ён перадаў школе медаль «120 гадоў падводнаму флоту Расіі» ад ЦК КПРФ.