ЦРУ папярэдзіла Еўропу пра магчымыя атакі расійскіх дронаў з мора ЦРУ ЗША папярэдзіла некалькі еўрапейскіх урадаў пра магчымую расійскую аперацыю з выкарыстаннем дронаў супраць Іспаніі, Францыі або Італіі. Пра гэта паведаміла іспанская El Mundo, спасылаючыся на крыніцы, знаёмыя з разведданымі. Паводле апісанага сцэнару, беспілотнікі «Гербера» могуць хаваць у кантэйнерах на гандлёвых суднах і запускаць з мора. Гэтыя дроны маюць далёкасць да 600 км, хуткасць каля 160 км/г і масу да 18 кг. Мяркуецца, што мэтамі могуць стаць парты, аэрапорты і іншая крытычная інфраструктура. Невялікая баявая частка такога БПЛА не прызначаная для разбурэння буйных аб’ектаў, але можа выклікаць пажар або часова спыніць іх працу. Магчымая эскалацыя сталася пасля візіту дырэктара ЦРУ Джона Рэткліфа ў Маскву 25 жніўня. Еўрапейскія ўлады ўжо ўзмацняюць увагу да пагрозы расійскіх дронаў і гібрыдных атак.