Калійная «мегаўгода» Трампа і Лукашэнкі Трамп заявіў, што ЗША працуюць над вялікай угодай па закупцы калійных угнаенняў у Беларусі па цэнах ніжэйшых за канадскія. Магчымая здзелка звязаная з гандлёвымі супярэчнасцямі Вашынгтона і Атавы, але яе ўмовы пакуль не раскрытыя. На фоне вайны Расіі супраць Украіны і росту бяспековых пагроз такія крокі выклікаюць пытанні пра прававую паслядоўнасць санкцыйнай палітыкі. Эканамічныя інтарэсы ЗША могуць уступаць у супярэчнасць з ціскам на рэжым Лукашэнкі, а Масква атрымлівае у гэтым выпадку дадатковую магчымасць назіраць за раз'яднанасцю Захаду. Калі геапалітыка ператвараецца ў гандаль рэсурсамі, прынцыповыя заявы пра бяспеку рызыкуюць застацца толькі словамі.