У Браслаўскім раёне зніклі двое дзяцей з прыёмнай сям’і 19 верасня каля 21:00 жыхары вёскі Чарніцы Міхаіл Ступень (2012 г. н.) і Арсеній Марцінкевіч (2016 г. н.) пакінулі месца жыхарства. Паводле міліцыі, хлопчыкі выхоўваюцца ў прыёмнай сям’і і напярэдадні хацелі з’ехаць да сябра ў Верхнядзвінск. На пошукі дзяцей прыцягнулі больш за 110 чалавек, у тым ліку міліцыю, ратавальнікаў, кінолагаў і супрацоўнікаў спецатрада «ЗУБР». Пошукавыя групы ўсю ноч абследавалі лясы, выкарыстоўваючы 25 адзінак тэхнікі і 4 дроны з цеплавізарамі. 20 верасня дзяцей знайшла мясцовая жыхарка, якая пайшла па грыбы, пасля чаго паведаміла ратавальнікам. Хлопчыкаў даставілі ў бальніцу для абследавання, з імі працуе псіхолаг МНС. УУС Віцебскага аблвыканкама паведаміла, што жыццю і здароўю дзяцей нічога не пагражае.