🔥 Удар па расеі і прарыў ЗСУ на Луганшчыне: расейская прапаганда б’е трывогу, пакуль на рассеі адбіваюцца ад беспілотнікаў. Уначы беспілотнікі масава атакавалі рф, а менавіта Растоўскую вобласць і Кубань, а NASA FIRMS зафіксаваў пажар на тэрыторыі аэрадрома Ейск. У часова акупаваным Алчэўску пад ударам апынулася энергетычная інфраструктура, а выбухі прагрымелі і ў Луганску. Расейскі Z-блогер Рыбар паведаміў пра магчымы прарыў украінскіх войскаў праз раку Жэрабец і захоп некалькіх населеных пунктаў на Луганшчыне. Яго карта выклікала трывогу ў расейскім інфармацыйным асяроддзі, бо гаворка ідзе пра тэрыторыю, якую масква неаднаразова абвяшчала «вызваленай». расейскае Міністэрства абароны ўжо пяць разоў заяўляла пра поўнае «вызваленне» так званай ЛНР, аднак сітуацыя на фронце працягвае мяняцца не на карысць рф.